DÍA DE ROSALÍA- 23 DE FEBREIRO

 Co motivo da celebración  do 187 aniversario do nacemento, dunha das figuras culturais literarias galegas máis importante, hoxe no noso centro educativo homenaxeamos  a Rosalía de Castro, facendo un mural quebracabezas, onde cada curso tiña que decorar a súa parte e logo unilo todo, para finalmente gozar dese magnífico traballo.

Resultou unha labor en equipo estupenda!

PARABÉNS A TODOS E A TODAS!

A rapazada de 4º e 5º de primaria, crearon unha poesía como agasallo a Rosalía, que grabaron na nosa radio Lorolareto, e logo editaron.

Quedoulles fantástica!!!

O NOSO PATRIMONIO

 Xa que estamos indagando no noso patrimonio , tivemos unha charla moi interesante, para seguir aprendendo un montón de información nova sobre este tema.

Aprendimos moito!!!

Moitas grazas Silvia, pola túa sabedoría!

FORMACIÓN SOGAMA

 

A rapazada está a aprender moito sobre a reciclaxe , polo que despois dos recreos sempre fan a recollida de papel e cartón, envases e materia orgánica das nosas merendas.

ENTROIDO 2024

ENTROIDO OLÍMPICO

 Neste entroido 2024, a rapazada do noso centro, celebrou esta festa, que tanto fascina ao alumnado, cun desfile olímpico, onde cada aula puxo imaxinación para representar co seu disfrace, ao deporte olímpico escollido , dentro do  Proxecto de centro: Os xogos Olímpicos.

Abofé que foi un día espectacular!

Logo do desfile e os diferentes espectáculos no noso salón de actos, tivemos merendas típicas desta festa xunto coas familias.

Deixámosvos cun vídeo onde podedes gozar do desfile e das actuacións deste entroido 2024!

A rapazada de 2º de primaria, estivo a facer un libriño dos diferentes entroidos de Galicia, quedoulles impresionante.

DÍA MUNDIAL DA RADIO 2024 - UN SÉCULO INFORMANDO, ENTRETENDO E EDUCANDO

Este luns 5 de febreiro , tivemos un obradoiro de radio coa asociación Ponte nas Ondas. 

Estiveron no obradoiro a rapazada de 4º e 5º de Primaria e logo pola tarde, os mestres e mestras tiveron formación .

Agradecer a Damián, a súa colaboración connosco, pois sempre nos sorprende co seu ben facer.

Xa que este ano a UNESCO propuxo como lema :

 UN SÉCULO INFORMANDO, ENTRETENDO E EDUCANDO.

Pareceunos que estaría estupendo celebrar o Día Mundial da Radio cun obradoiro , para continuar educando, entretendo e informando, e así fixemos. Por enriba, tivemos a oportunidade de elaborar e facer unha entrevista a Xerardo Feijoo, fundador, coordinador , etc,..., da Asociación Ponte nas Ondas, onde o seu papel máis esencial foi ser un mestre incansable e vocacional, onde as súas gañas de ensinar e compartir , levárono xunto con outros compañeiros/as a fundar esta Asociación de PNO, para dar difusión e transmisión do Patrimonio común entre galegos e portugueses.

Grazas Xerardo , por compartir a túa sabedoría e o teu tempo , aínda despois de estar xubilado!

OBRADOIRO DE RADIO - FEBREIRO 2024  

UNHA LONGA VIAXE- PAZ E NON GUERRAS

 

Mañá martes é o 30 de xaneiro e a rapazada da nosa escola ,esta semana pasada, estivo preparando un audioconto relacionado coa temática, onde alumnado de diferentes clases estivo preparándoo con toda a súa ilusión. 

Abofé que resultou unha actividade moi interesante, entretida e educativa para concienciar a alumnos e alumnas sobre os retos e desafíos que na época que estamos a vivir, seguen a ter que sofrir tantas e tantas familias, onde os máis perxudicados son os nenos e nenas.

POR UN MUNDO SEN FRONTEIRAS

POR UN MUNDO SEN GUERRAS

Desexamos que o gocedes tanto como gozamos nós facéndoo.

MÚSICA: Fronteiras - Guadi Galego

MÚSICAS PACIFICADORAS - DÍA DA PAZ

 A nosa rapazada está a preparar a celebración do Día Mundial da Non violencia, coa grabación de músicas pacificadoras na nosa radio escolar, onde as súas voces levarán notas musicais cheas de amor, solidariedade, empatía, comprensión  e sobre todo PAZ polas ondas do Mundo.

O alumnado de 4º, 5º e 6º de primaria estiveron elaborando cunha nova letra a canción "TERRA" tan coñecida por todos/as, das galegas que compoñen o grupo musical Tanxugueiras.

Quedoulles moi ben, agora queda ensaiar, para que sexa perfecta!

Músicas que pacifican o ar

para mensaxes de Paz levar,

por este universo singular,

 co gallo dun novo mundo crear

e as guerras por fin rematar.

Mañá grabaremos na nosa radio escolar, as diferentes cancións pacificadoras que o alumnado dos diferentes niveis están a preparar e que ao longo destas semanas poñeranse polos altofalantes , para que deleite a toda a comunidade educativa nas saídas e nas entradas.

Aquí vos deixamos cun vídeo, onde se pode gozar das músicas pacificadoras que o diferente alumnado interpretou con ilusión e forza.

RECOMENDACIÓNS DE NADAL

 Un libro é un agasallo que podes abrir unha e outra vez,

 por iso por este Nadal pide un libro para soñar.

Desexámosvos unhas Felices Festas !!!

Desexamos que gocedes deste magnífico festival de Nadal, onde a saúde e o deporte se mesturan con moita imaxinación.

DÍA INTERNACIONAL DAS PERSOAS CON DISCAPACIDADE

 A rapazada da nosa escola púxose na pel das persoas con diversidade funcional. Actividades como pintar coa boca, facer un recorrido cos ollos vendados, etc..., foi todo un reto para empatizar e visibilizar a colectivos e a persoas  con diversidade funcional , así como o respecto e a educación na diversidade.
Logo, toda a comunidade educativa participou na carreira ENKI que consiste nunha carreira de obstáculos adaptados e un espazo de solidariedade, que pretende sensibilizar e concienciar á cidadanía sobre a súa realidade.
Resultou unha xornada divertida, educativa e solidaria.
Moitas grazas, a toda a comunidade educativa polas súas gañas de participación e colaboración.

O MES DA CIENCIA- SEMENTEIRAS DE CURIOSIDADES CIENTÍFICAS

   

 Neste mes de NOVEMBRO, a ciencia vai estar sempre presente polos nosos corredores e polos nosos altofalantes., informando  e investigando sobre as nosas plantas, o seu crecemento, reprodución, etc,...

Representaremos diferentes experimentos  para reflexionar e pensar sobre eles.

Faremos pescudas , para atopar curiosidades das nosas  primeiras científicas galegas que abriron camiño para as demais e retrocederemos ao pasado para entrevistalas, e coñecer algo máis sobre elas.

Será toda unha honra!