30/4/09

LECTURAS COMPARTIDAS.


Unha das actividades programadas polo Equipo de Biblioteca para este último trimestre é:

LECTURAS COMPARTIDAS.

Consiste en que as alumnas e os alumnos do 3º ciclo lles lean aos alumnos/as de cursos inferiores, pero tamén nos gustaría que os pais, nais ou familiares viñeran ao colexio e lles leran aos nenos e nenas un conto, unha historia ou un relato que poderían traer da casa ou elixilo entre os libros da nosa biblioteca.
Fixemos a proposta e xa temos algunhas nais animadas a compartir lecturas.
Xa vos iremos contando.

En principio un grupo de alumnas/os de 5º curso xa prepararon uns contos de creación propia nun power point que van compartir co resto dos compañeiras e compañeiros.

Aquí vos queda unha pequena mostra, non sen antes darlles os parabéns polo seu traballo.




29/4/09

TEATRO EN INGLÉS.


As alumnas e alumnos de Infantil e 1º e 2º ciclo de Primaria asistiron a unha representación teatral dunha obra de teatro en inglés titulada:

"HANSEL AND GRETEL".

Se premes aquí poderás acceder ao conto en inglés.

Na web da compañia poderás escoitar as cancións no apartado playlist.


28/4/09

DE TEATRO EN ABRIL...


Tamén en Abril con motivo da celebración do DÍA DO LIBRO asistimos a unha representación teatral na que as actrices e os actores son alumnas e alumnos de 4º curso de Primaria.
O título da obra de teatro é: "HISTORIA DUNHA SOBREIRA". O libro está ilustrado por Suso Cubeiro, que nos visitará o mércores 6 de maio. Durante estes días previos á súa visita poderemos ver, na entrada do colexio, unha exposición con todos os libros que temos na nosa biblioteca ilustrados por él.


Parabéns a estes alumnos e alumnas de 4º curso polo seu traballo.
Nesta reportaxe podedes ver algunhas escenas desta representación:






Tamén os alumnos e alumnas de 6º curso demostraron as súas dotes interpretativas nunha representación teatral do capítulo VIII de "El ingenioso Hidalgo Don Quijote de la Mancha":


"Del buen suceso que el valeroso Don Quijote tuvo en la espantable y jamás imaginada aventura de los molinos de viento, con otros sucesos dignos de felice recordación."


Moitas grazas a estos actores e actrices por facernos pasar uns momentos tan divertidos.
Noraboa!!!


Aquí tedes unha mostra do seu traballo:






27/4/09

DE LIBROS EN ABRIL...

Durante este mes de Abril, as actividades propostas dende a biblioteca tiveron ao libro como grande protagonista.
Os alumnos e alumnas do 2º e 3º ciclo estiveron a traballar nunha procura do tesouro e unha miniquest sobre a celebración do DÍA DO LIBRO, e así o día 23 de abril expuxeron a todo o colexio o propósito que ten celebrar ese día e o por que se celebra ese día e non outro. Ademais elaboraron uns preciosos carteis , cos que faremos unha exposición o día 30 de abril.
Tamén durante este mes de abril fixemos públicas as listas de MELLORES LECTORES e LIBROS MAIS LIDOS; á entrada do colexio temos unha exposición destes libros mais populares entre o alumnado.
Ademais o día 23 de Abril Raioteca sorprendeunos con agasallos para todas e todos os que figuraban na lista de mellores lectores e por suposto para os encargados e encargadas de biblioteca.
Aproveitamos estas datas para facer unha selección dalgúns dos comentarios das mochilas viaxeiras e o día do libro léronse e proxectáronse os debuxos.

23 de abril, día do libro on PhotoPeach



20/4/09

RECURSOS PARA O ENSINO.

No Boletín Informativo nº 26 (20 de Abril de 2009) infórmase sobre a creación dun novo sitio web de recursos para o ensino, con diferentes seccións que conteñen recursos educativos para diferentes niveis: ideas para traballos en grupo, unidades didácticas, cómics e aventuras interactivas, xogos cooperativos,etc.

Nela tamén poden consultarse as convocatorias e premios sobre cooperativismo.

O enlace a esta páxina web queda introducida á marxe esquerda do blog, no apartado de Páxinas Educativas. Agora podes consultala premendo aquí.

19/4/09

Encontros PLAMBE 08/09

O 16 e 17 de abril, tiveron lugar en Santiago de Compostela os Encontros do Plan de mellora de bibliotecas escolares 2008/2009, nestes encontros reunímonos as/os integrantes dos equipos de biblioteca daqueles centros que estamos incluídos neste programa da Consellería de Educación.

Esta actividade de formación está pensada como un espazo de encontro entre o profesorado responsable destas bibliotecas escolares, con tempos para a reflexión conxunta, o intercambio de experiencias e materiais sobre aspectos relacionados coa xestión e dinamización das nosas bibliotecas e a asistencia ás conferencias de expertos como:
Glòria Durban, Ana Bernal, Felipe Zayas, Concha Costas, César Iglesias, Encarnación López Chicano, Juana Vázquez ou Emilio Pascual,

Hai que destacar a impecable organización, a acertada selección dos/as conferenciantes, e persoalmente o poder pórlles cara a algunhas compañeiras virtuais, como Isa do CEIP Quintela de Moaña, Olga do CEIP Milladoiro de Malpica, Elisa do CEIP de Cangas do Morrazo; reencontrarme con Bea, Mónica e Celia, e por suposto con todos e todas os/as compañeiros/as do PLAMBE Ferrol, que son, somos un grupo fantástico. Quedei con ganas de coñecer en persoa a compañeiras/os doutros centros cos que estamos en contacto habitualmente. Outra vez será!!!

Estas son algunhas anotacións de citas que os/as ponentes dixeron e que me serviron de reflexión:

"El ver mucho y el leer mucho aviva los ingenios de los hombres" EMILIO PASCUAL.

"Intentaban la reforma, cuando ellos no sabían ser la norma" EMILIO PASCUAL.

"BIBLIOTECA, espacio educativo dinámico, no sólo gestor de documentos" ANA BERNAL.

"La biblioteca escolar como articuladora en el centro educativo. Del aula a la biblioteca, como entorno de aprendizaje" GLORIA DURBÁN.

Atoparedes máis información sobre os encontros nos seguintes blogs:
Biblioteca Milladoiro Malpica
O segrel
Mesturas
Bibliotecadocole
A Asesoria de Bibliotecas escolares facilita un enlace onde podemos acceder a todas as ponencias:

13/4/09

QUE ACENTO TEN ESA GUITARRA...

O venres 3 de Abril, tivo lugar no colexio a entrega de premios do "Certame de Poesía PRIMAVERA 2009".

O xurado fixo publica a lista dos gañadores e gañadoras, que recitaron novamente os seu poemas acompañados/as por Álvaro, que participou neste acto desinteresadamente facendo tocar a súa guitarra para que os poemas soaran aínda mellor.
Despois as alumnas e alumnos de 6ºcantaron , acompañadas/os á guitarra, "Quen puidera namorala", un fermoso poema de Álvaro Cunqueiro.

Aproveitamos este acto para despedirnos da alumna en prácticas, Salomé:
Grazas pola túa colaboración e a túa alegría. BOA SORTE!!!

Para rematar, adicámoslle a Álvaro(ex guitarrista do grupo de pop chamado "Los Limones", formado en Ferrol no ano 1983) un poema de Antonio García Teijeiro recitado por unha alumna de 5º curso:

Que acento ten
esa guitarra,
ás veces chora,
ás veces canta!

As súas cordas,
fíos de prata,
ás veces tremen,
ás veces calan.

Dorme no colo
dunha rapaza,
ás veces corre,
outras descansa.

Que acenos fai
esa guitarra,
ás veces, meiga,
ás veces, fada!
A. García Teijeiro.

Grazas a todos e todas por facer deste acto un acontecemento tan emotivo.



7/4/09

UN AGASALLO DENDE MALPICA.

Dende o blog amigo Biblioteca Milladoiro Malpica chéganos O Selo Violeta, un agasallo que representa, segundo os seus creadores, “as sensações que a cor violeta traz para a nossa mente. Este prêmio é dado aos blogs que têm algumas das sensações da cor violeta. São algumas delas: magia, encantamento, graciosidade, magnetismo... e tudo aquilo que parece mágico".

Moitas grazas por este fantástico agasallo!!!

RAIOTECA está contentísima e envía ao blog da Biblioteca Milladoiro de Malpica unha aperta e unha chea de bicossssssss.

As regras son as seguintes:

- Exhibir o Selo Violeta no seu blog coas regras;
- Indicar cantos blogs consideras que merecen este selo;
- Avisar aos indicados, non te esquezas diso!;
- Escribir dous poderes máxicos que xa imaxinaches ter.
BLOGS VIOLETA:
En canto aos PODERES MÁXICOS , gostaríame ter o poder dos Bonecos Sacapenas que fan desaparecer as túas preocupacións mentres ti dormes e tamén os poderes máxicos dos heroes dos cómics de aventuras fantásticas...

5/4/09

O AGASALLO DE MIK.

Hoxe recibimos unha agradable sorpresa dende o noso blog amigo: "O RECANTO DE MIK"; concedeunos o premio Olla que blog Maneiro, que quere dicir algo así como: "Mira que blog tan creativo, tan bonito...".
Moitas grazas por este agasallo!!!. Estamos todos/as moi contentos/as, especialmente Raioteca, que está encantadíííííísima, e mándalle moitos bicossssssssss a Mik.

Este premio ten as súas normas:

- Exhibir a imaxe do premio “Olha que blog Maneiro”.

- Poñer o nome do blog que cho deu.

- Indicar os teus 10 blogs.

- Avisar aos indicados.

- Publicar as reglas.

- Comprobar que os blogs indicados sigan as reglas.

Nós pasamos o premio a:

2/4/09

"EU SON O MUNDO"

O 2 de Abril celebramos o Día Internacional do Libro Infantil. A mensaxe este ano leva o título de:
"Palabras y dibujos, prosa y verso
me trasladan a lugares
que están cerca y a la vez lejos ..."
No colexio, esta celebración coincide este ano co remate do certame de RECITADO DE POESÍA que convocamos dende a biblioteca 0 23 de Marzo co motivo da celebración do "Día Mundial da Poesía".
Foron tantos os poetas e poetisas que desbordaron todas as previsións, e o que ía ser, en principio, unha semana, foron dúas.
Algúns dos/as participantes elixiron os poemas dos libros de poesía expostos, pero a maioría dos poemas son de creación propia.
Aquí amosamos a exposición que lle adicamos a DONA POESÍA e DONA PRIMAVERA:




Aquí tedes unha reportaxe fotográfica do CERTAME POÉTICO.


CERTAME DE RECITADO DE POESÍA. on PhotoPeach


Fixemos unha recompilación dos poemas de creación propia en galego cos que imos elaborar un libro para a nosa biblioteca. Esta é unha mostra deses poemas e ilustracións recitados polos seus creadores e creadoras.

Noraboa a todas e todos !!!

Mañá venres farase pública a lista dos gañadores e gañadoras do certame e será a entrega de premios a todas e todos os participantes. Grazas por converter esta actividade en algo realmente fantástico. Parabéns!!!

Quizais tamén che interese

Related Posts with Thumbnails