20/12/23

RECOMENDACIÓNS DE NADAL

 Un libro é un agasallo que podes abrir unha e outra vez,

 por iso por este Nadal pide un libro para soñar.

Desexámosvos unhas Felices Festas !!!

DÍA INTERNACIONAL DAS PERSOAS CON DISCAPACIDADE


 A rapazada da nosa escola púxose na pel das persoas con diversidade funcional. Actividades como pintar coa boca, facer un recorrido cos ollos vendados, etc..., foi todo un reto para empatizar e visibilizar a colectivos e a persoas  con diversidade funcional , así como o respecto e a educación na diversidade.
Logo, toda a comunidade educativa participou na carreira ENKI que consiste nunha carreira de obstáculos adaptados e un espazo de solidariedade, que pretende sensibilizar e concienciar á cidadanía sobre a súa realidade.
Resultou unha xornada divertida, educativa e solidaria.
Moitas grazas, a toda a comunidade educativa polas súas gañas de participación e colaboración.




27/11/23

O MES DA CIENCIA- SEMENTEIRAS DE CURIOSIDADES CIENTÍFICAS

   



 Neste mes de NOVEMBRO, a ciencia vai estar sempre presente polos nosos corredores e polos nosos altofalantes., informando  e investigando sobre as nosas plantas, o seu crecemento, reprodución, etc,...


Representaremos diferentes experimentos  para reflexionar e pensar sobre eles.
Faremos pescudas , para atopar curiosidades das nosas  primeiras científicas galegas que abriron camiño para as demais e retrocederemos ao pasado para entrevistalas, e coñecer algo máis sobre elas.
Será toda unha honra!


















25/11/23

25N -ÚNETE

 Hoxe 25 de novembro de 2023, celébrase o Día Internacional da Eliminación da Violencia de Xénero.

Este ano a campaña da ONU (Organización de Nacións Unidas) coa súa campaña  ÚNETE! , quere investir para previr a violencia contra as mulleres e as nenas. 

A violencia contra a muller segue sendo un obstáculo para alcanzar igualdade, desenvolvemento, paz e tamén o respecto dos dereitos humanos de mulleres e nenas.

A promesa dos Obxectivos do Desenvolvemento Sustentable(ODS) é de non deixar que ninguén quede atrás, polo que non poderá cumprirse, mentres non se poña  fin á violencia de mulleres e nenas.

Nós, dende a nosa escola estamos a facer un recuncho violeta, para concienciar da importancia de poñer fin á violencia. Será un espazo para o diálogo onde teremos libros, que nos axuden a reflexionar sobre esta problemática. Nenas e nenos, están a pintar bolboretas e plumas para ir poñendo unha pegada violeta neste noso recuncho.  Está quedando xenial!

 Por outra banda, a rapazada dos diferentes cursos, está a preparar unha representación dunha adaptación en galego do libro: 

  Las niñas serán lo que quieran ser

Representarase, a vindeira semana , e abofé que lles está quedando moi ben!
Será unha pegada violeta máis, para seguir concienciando  da importancia da NON violencia!!!



9/11/23

MAGOSTO SOSTIBLE

 





COMEZAMOS OS NOSOS XOGOS OLÍMPICOS,
 CO PERCORRIDO E  ENCENDIDO DO 
FACHO OLÍMPICO, ENTRE UN AQUELARRE 
DE  BRUXAS E BRUXOS, CO GALLO DO SAMAÍN.




27/10/23

DÍA DAS BIBLIOTECAS ESCOLARES


 Boa tarde rapazada!!!

Chegou o día das Bibliotecas escolares. Este martes 24 de outubro, os/as voluntarios/as da biblioteca estiveron a facer unha cuña publicitaria en directo polos altofalantes da nosa radio escolar, onde informaban da cita que terían este venres no salón de actos, para celebrar este magnífico día e entregar as mochilas viaxeiras, etc...

 Saíulles xenial!!!

Deixámosvos co audio, para que o escoitedes.




Mentres editamos o vídeo do día de hoxe, deixámosvos co vídeo 
que elaborou a rapazada de 6º de primaria.
Parabéns!!!
 


15/10/23

ARRINCAMOS NOVO CURSO 2023-24.

 



Por certo, o voluntariado de biblioteca, estas semanas está a elaborar tarefas para poñer en marcha a nosa biblioteca Soños de Andel, logo de estar facendo reubicacións dos libros, do sistema, etc,...

Moitas grazas rapazada!!!

Estades a facer unha labor espectacular!!!

Abofé que a biblioteca é auténtica , diversa e moi educativa, pola labor que fadedes acotío.





Non esquezades, que neste curso tamén seguiremos co noso proxecto :

 Sementando Patrimonio Ecolóxico-Natural e Cultural

Continuaremos dando visualización á sostibilidade , algo tan importante na sociedade actual, onde as ODS 2030, estarán presentes como  obxectivo real no noso proxecto. 

Faremos seguimento e estudo das plantas comestibles, árbores frutais plantados no curso pasado e ademáis a elaboración de novas sementes para seguir ampliando o noso bosque comestible e sostible.

9/6/23

SEMENTANDO PATRIMONIO ECOLÓXICO-NATURAL E CULTURAL NA NOSA CONTORNA

 

Neste curso o noso proxecto integral de centro levou por título:
Sementando patrimonio ecolóxico-natural e cultural na nosa contorna.

Déixovos unha significativa recopilación das actividades, saídas, obradoiros que estivéchedes a facer ao longo deste curso escolar 2022-2023.
Lembrade a importancia que é respectar a  contorna onde vivimos , pois soamente hai un Planeta e entre todos debemos coidalo e aloumiñalo.
Desfrutade deste verán, lendo moito en natureza e respectando o noso patrimonio.

DÍA MUNDIAL DO MEDIO AMBIENTE- 5 DE XUÑO DE 2023

Teño que dicirvos que a rapazada de 6º , 3º e 4º de primaria , estivo elaborando un programa de radio, para dar oralidade ao problema que existe neste século co uso dos plásticos dun só uso. Cando tivemos a visita de Estefanía Padullés , para presentar o seu libro "María Pita e a pirata", un dos rapaces de 6º de primaria lera o libro " Un mundo para Maruxa", lectura que abordaba esta problemática do plástico, e decidiron facer este podcast de concienciación ecolóxica, para celebrar este día do medio ambiente.
Quedoulles moi ben!!! 
Parabéns a todos e a todas!!!


 Ao  longo desta semana, do 5 de xuño, a rapazada está a facer a lectura de diferentes libros relacionados co coidado do medio ambiente, para concienciarnos da importancia de coidar e respectar a nosa Natureza. Estarán a sementar Arte e natureza co fin de facer unha reflexión medio ambiental na procura de salvar o noso Planeta Terra.

Farán un vídeo onde recomendarán o libro, xunto coa creación dun código QR  que te dirixirá á recomendación.

Están a quedar xenial!!!





Que colosal traballo feito pola nosa rapazada!!!

Se queredes ver as recomendacións destes contos mirade ben a presentación que vos deixamos  cunha recopilación dos traballos feitos para esta semana do Medio ambiente.
Desfrutade moito deles!


RECOMENDACIÓNS LECTORAS - VERÁN 2023

 

Ola rapazada, estades desexando que cheguen as vacacións de verán, pois abofé que xa precisades un merecido descanso, pero non debedes esquecer a lectura neste tempo de lecer na praia, no campo, na montaña,etc,...; por iso vouvos deixar unhas recomendacións lectoras das que podedes gozar este verán.
E xa sabedes o que din:
                               Se  queres aventura,
                                 lánzate á lectura.

30/5/23

CONTACONTOS -SORPRESA- A XANELA DO MAXÍN


 Esta semana tivemos un contacontos, a cargo da Xanela do Maxín:                                               "SORPRESA"
Abofé que foi todo un pracer contar con esta magnífica contacontos, que nos divertiu e instruíu nun tema tan importante como é o coidado e respecto do medio ambiente.
Catro caixas de diferentes cores, todas elas relacionadas coa Natureza. 
A caixa azul tiña a sorpresa do coidado das plantas e o coidado da auga, tan importante e necesaria para a nosa vida e cada vez un ben máis escaso.
Deste xeito tan ameno, comezan as nosas actividades para visualizar e celebrar o día Mundial do Medio ambiente, este 5 de xuño.
SORPRESA 

28/5/23

LETRAS GALEGAS 2023





Este ano 2023, as Letras galegas son adicadas a Francisco Fernández Del Riego.
 O 17 de maio de 1963, xunto con outros dous académicos que asinaron a proposta, Fernández del Riego presentou a idea de celebrar anualmente un día dedicado á nosa lingua e á nosa literatura. Daquela cumpríanse cen anos da primeira edición de Cantares Gallegos, o primeiro libro en galego de Rosalía de Castro. A proposta foi adiante, van sesenta anos dende entón.
 O Día das Letras Galegas é xa festa grande da nosa cultura, que se celebra dentro e fóra do país, alí onde Galicia existe como tal, nas comunidades galegas de todo o mundo. 
Este ano, Eva Mejuto escribíu a biografía de Francisco Fernández del Riego, para que coñezades un chisquiño máis o autor,  nunha obra de teatro na que os protagonistas son os obxectos que acompañaron o noso homenaxeado en distintas etapas da vida.
A rapazada de 5º de Primaria, elaborou ilustracións das personaxes xunto con códigos QR , que cando os nenos e nenas os escanean coas tablets, poden escoitar a información dos personaxes cos audios feitos por este alumnado.
As cousas de Don Paco  


Abofé que fixeron un traballo espectacular!!!



Deixámosvos co Vídeo mensual do equipo de EDLG, relacionado con festividades da contorna  
Abofé que o fixeron fantástico!!!



18/5/23

OBRADOIRO DE RADIO CON PONTE NAS ONDAS

Que pracer é ter de novo connosco a Damián Alonso, un gran domador da voz , que este ano como os anteriores, dende a nosa incorporación ao Programa Radio na Biblio, sempre está a compartir e ensinar a esta nosa rapazada .

Hoxe día 18 de maio, a rapazada de 4º e 5º de Primaria, foi partícipe desta xornada de formación, para poder aprender técnicas de voz, de edición de podcasts, etc..., en definitiva, ser máis coñecedores dos segredos que agocha unha radio.


Parabéns rapazada, polo voso ben facer!!!


15/5/23

MES DAS FLORES E DAS LETRAS

                                    ESTE MAIO FLORIDO,

CHEO DE LETRAS E FLORES, 

FAI DESTE MES COLORIDO,

UN SERESÍN , SERESÁN ,

DE CANTIGAS QUE VIRÁN.


Como xa fixemos en cursos anteriores, estamos a xuntar as flores dos maios coas letras galegas, ambas datas tan significativas e tradicionais na nosa cultura galega.

Esta semana, teremos diferentes actividades para celebralo, polo que teremos, elaboración de xincanas, escape room, alfombra de flores para adicarlla ao homenaxeado deste ano 2023, Francisco Fernández del Riego, podcasts, etc...

Mentres ímosvos deixar cun podcast de fai uns anos, onde rapazada do colexio cantou diferentes cantigas da zona, para celebrar os Maios.


MILLADOIRO- "Aires da Terra" CD2- 4. MUÑEIRA DE PONTESAMPAIO

Deixámosvos cun conto para Educación Infantil:
"O misterioso salouco de Don Paco."
E un pasapalabra , para Primaria, onde poderaś disfrutar do xogo e comprobar os coñecementos sobre Francisco  Fernández del Riego.

//Afundación
Obra Social ABAN

2/5/23

CONTACONTOS E AUDIOCONTOS CON ILUSIÓN

 
O venres 28 de abril, a rapazada de 6º estivo a facer contacontos para os diferentes cursos, empezando a súa andaina contadora polos máis pequerrechos de Infantil,1º e 2º de primaria.
Por outra banda, tamén organizaron un audioconto, con algún alumnado de 2º de primaria.
Foi toda unha sorpresa!!!
Fixérono fenomenal!

CONTACONTOS CON ESTEFANÍA PADULLÉS

Despois deste contacontos tan divertido que nos ilustrou en directo a nosa amiga Estefanía Padullés  estivemos con ela para facerlle unha entrevista, da cal aprendimos moitas cousas sobre ela e a súa carreira de literatura infantil. E a algúns de nós, fíxonos o favor de facernos unha dedicatoria a cal levaba un debuxo feito por ela. 
Sen máis, deixámosvos coa entrevista!


Esperamos que vos gustara e que e aprederades moitas máis curiosidades sobre ela.  E deixamos unhas fotos aquí abaixo para que vexades como foi todo. 


Agradecementos a Estefanía Padullés, por compartir a súa sabedoría connosco.
Ata outra rapazada!!!

25/4/23

ESTEFANÍA PADULLÉS- MARÍA PITA E O PIRATA

 Estefanía Padullés , este mércores 26 de abril , presenta no noso colexio o seu libro titulado  María Pita e o Pirata, onde vai mostrar as súas dotes tanto de ilustradora coma de escritora.

Vai ser todo un privilexio tela connosco, para gozar neste mes do libro, dun album ilustrado sobre a heroína coruñesa María Pita.



Quizais tamén che interese

Related Posts with Thumbnails