REUNIÓNS PLAMBE FERROLTERRA.

As tres últimas reunións do PLAMBE Ferrolterra tiveron lugar nos centros da zona de Pontedeume:

IES Fragas do Eume, 

CEIP Couceiro Freixomil,

e no noso cole: CEIP Plurilingüe de Andrade.

Deixamos os enlaces ás fantásticas reportaxes que nos chegan desde "O Segrel do Penedo" realizadas por Loly Lago.

PARA UN AMBIENTE DE LECTURA NA ESCOLA.

Coincidindo co Día do Libro 2012, existe unha iniciativa impulsada por Luis Arizaleta (especialista en lectura e desenvolvemento de iniciativas culturais), que nos fai reflexionar sobre o que el coñece desde hai máis de vinte anos: o ambiente de lectura na escola.

Son doce puntos moi breves pero que, de telos realmente presentes, suporía unha verdadeira reformulación da experiencia lectora, persoal e cultural dos nosos rapaces e rapazas. (Vía blog da biblioteca do IES Pedro da Aguia)

ENCONTROS DO PLAMBE 2012

Os días 19 e 20 de abril de 2012 tiveron lugar en Santiago de Compostela (Palacio de Congresos) osEncontros do Plan de mellora de bibliotecas escolares 2011/2012, coa participación de responsables de bibliotecas de 306 centros dos 449 que conforman este programa no presente curso. Todos os materiais (presentacións dos diferentes relatores e informacións adicionais) están dispiñibles na aula virtual habiliada, a través desta LIGAZÓN (pódese entrar como convidado).

Julia González, responsable do CEIP Mestres Goldar (Vigo) realizou unha reportaxe fotográfica da EXPOSICIÓN DE MATERIAIS que os centros participantes achegaron e que se puido ver durante a celebración dos encontros.

PROGRAMACIÓN: "ABRIL, MES DOS LIBROS"