MALETA NATURALISTA

 O xoves 13 de xaneiro chegounos a Maleta Naturalista, que eu  Raioteca solicitei ao CEIDA( Centro de Extensión Universitaria e Divulgación Ambiental de Galicia), para que a rapazada do noso centro poidese aprender moitas cousas sobre o noso Patrimonio Natural.

A rapazada de 5º de primaria foi a embaixadora de presentar todos os libros viaxeiros do Patrimonio Natural que levaba dentro.

Fixeron un traballo magnífico, pois organizaron as quendas para telas nas aulas nos diferentes días, ata a súa entrega de novo ao CEIDA, para que poida viaxar de novo por diferentes colexios e contaxiar deste xeito no coidado da Natureza.

Parabéns rapazas e rapaces!!!

Este mes de xaneiro, o noso alumnado xunto coas súas  familias recomendaron zonas naturais que podemos visitar na nosa contorna, algo moi relacionado co coñecemento desta maleta Naturalista.

Deixámosvos o vídeo. 

Parabéns polo voso ben facer!!!

PAZ E RADIO 2023

 Un ano máis estamos aquí para preparar o noso día da Paz , que coma sempre é o día 30 de xaneiro; mais este ano celebrarémolo conxuntamente co día  da  Radio , que se celebra todos os anos o 13 de febreiro .

A rapazada de 6º de primaria, está a preparar o programa coas diferentes seccións que serán elaboradas polos diferentes cursos, dende infantil ata 6º de primaria.

Tamén fixeron unha exposición de libros pola Paz, e xa estiveron traballando na decoración do cartel para a celebración de ambas efemérides. 

Son magníficas e magníficos  ARTISTAS!!!

Moi bo traballo rapazada!!!

* Cando teñamos o noso Programa rematado, subirémolo ao blog para que desfrutedes del.

AS NOSAS TRADICIÓNS POLO NADAL

 Seguindo cos vídeos familiares, este mes non poderiamos empregar unha temática distinta ao Nadal. Por este motivo, alumnos/as e familias do noso centro explícannos que tradicións seguen nestas datas tan especiais. 

Queredes ver qué decoracións e actividades tan divertidas prepararon nas núas casas?

 Pois non vos demoredes máis e desfrutade destes magníficos vídeos familliares!

Agradecementos ás familias pola súa colaboración neste educar conxunto, tan importante e significativo para o alumnado.