3ª MOSTRA DE PROXECTOS

 3ª Mostra de Proxectos do CEIP Plurilingüe de Andrade

Temos o pracer de convidarvos á 3ª Mostra de Proxectos do noso colexio, que se celebrará o próximo lunes 8 de xuño.

Nesta ocasión, o alumnado exporá os traballos realizados ao longo do curso no marco do noso Proxecto Integral de Centro "Tecendo Vida: Unha viaxe polos ecosistemas", unha apaixonante viaxe pola riqueza natural e cultural de Galicia.

Poderedes descubrir os ecosistemas máis emblemáticos da nosa terra: as Fragas do Eume, as Rías Altas e Rías Baixas, as Illas Atlánticas e as Serras de Galicia. Ademáis, atoparedes traballos sobre o corpo humano, ciencias, polos creativos e moito máis.

Esta mostra é o resultado do esforzo, a creatividade e a ilusión de toda a comunidade educativa. Será unha oportunidade única para compartir e celebrar xuntos a aprendizaxe e o traballo colaborativo.

Contamos coa vosa presenza para facer desta xornada un éxito!

Día Mundial do Medio Ambiente -5 de xuño

 Día Mundial do Medio Ambiente - 5 de xuño

As Nacións Unidas crearon o Día Mundial do Medio Ambiente o 5 de xuño para recordarnos que coidar a natureza é moi importante para que todas as persoas vivamos mellor.

O tema de 2026 explícanos que protexer o clima non é só contaminar menos, senón cambiar a forma en que facemos as cousas e respectar máis o noso planeta.

Este día é unha oportunidade para que todos (nenos, familias, empresas e comunidades) aprendamos máis sobre o medio ambiente e fagamos cousas para protexelo.

A UNESCO escoita e aprende dos coñecementos de todas as persoas, incluídas as comunidades locais e os pobos indíxenas, para tomar mellores decisións que protexan a natureza.

Esta organización axuda aos científicos a estudar os ecosistemas (bosques, ríos, mares...) e ensina aos gobernos como cuidar os recursos naturais (auga, árbores, animais...) de forma responsable para que non se esgoten.

Dende o noso centro escolar, somos unha comunidade comprometida co Medio Ambiente, pois aportamos diferentes e diversas actuacións co obxectivo de concienciar e dar visibilidade a importancia de coidar a natureza e protexer os ecosistemas.

Estádesvos preguntando cales son eses compromisos que estamos a levar a cabo no noso centro, e que sementan sostibilidade?

Aquí tedes presentacións que xustifican o que estamos a facer para coidar e protexer o Medio Ambiente e deste xeito loitar contra o Cambio Climático.

Parabéns a todo o alumnado polo voso ben facer!!!

FAMILIAS EN SINTONÍA

Grazas por compartir historias, experiencias e tempo da vosa vida coa nosa rapazada. 

Foi un pracer tervos na nosa radio Lorolareto e poder espallar aprendizaxe, a través dos nosos micros.

LETRAS GALEGAS 2026- Begoña Caamaño

 

Un camiño de sementes:

A nosa alfombra floral para Begoña Caamaño

Este ano 2026, as Letras Galegas honran a figura de Begoña Caamaño, unha muller que dedicou a súa vida a sementar o amor pola nosa lingua e cultura. Dende o noso centro educativo, como todos os anos, creamos coa axuda de toda a comunidade educativa unha alfombra floral baixo o lema "Un camiño de sementes".
Cada curso participou neste proxecto colectivo elaborando radios que conforman a alfombra, e en cada unha delas, o alumnado escribiu as sementes que Begoña foi espallando ao longo da súa traxectoria: o seu compromiso coa lingua galega, a súa loita pola visibilidade da nosa cultura, o seu traballo incansable na educación e na defensa da identidade galega.
Como as flores que brotan da terra, as palabras e accións de Begoña Caamaño xermolaron un camiño de esperanza para a nosa cultura e a nosa lingua .
Esta alfombra floral é un tributo vivo a esa sementeira, un recordatorio de que cada palabra en galego, cada xesto de amor pola nosa terra, é unha semente que dará froitos no futuro.
Por outra banda, ao longo da semana pasada o alumnado de todo o centro ,estivo a realizar unha xincana, para pescudar sobre a vida de Begoña. Foi unha actividade moi divertida e educativa. Tamén se fixeron pequenos lenzos cheos de arte, creatividade e materiais reutizables, para dar visibilidade a estas sementes.
Broche de ouro das Letras Galegas 2026
Para pechar cun broche de ouro a nosa celebración das Letras Galegas 2026, o alumnado de 6º de primaria deleitounos con cantos e bailes de varias coplas dos maios. Algunhas delas forman parte do noso patrimonio máis próximo, recollidas da nosa propia contorna.
Esta fusión entre a homenaxe ás Letras Galegas e a tradición dos maios non é casualidade: pois polo mes de maio, no noso centro unimos ambas celebracións, entrelazando o recoñecemento ás figuras da nosa cultura coa riqueza do folclore popular que nos define. Así, a música, a danza e a palabra convértense nun só camiño de identidade e memoria colectiva.
Grazas a todas as persoas que fixeron posible este camiño de cores, palabras e homenaxe.
Porque, como Begoña nos ensinou, coidar a lingua é coidar quen somos.

FELIZ DÍA DAS LETRAS GALEGAS 2026!!!

Mestra en prácticas

A rapazada de 6º de primaria estivo preparando unha entrevista para a mestra Lucía que, durante este curso escolar 2025/26, estivo levando a cabo a súa parte de prácticas educativas nunha das aulas de Educación Infantil.

Moitas grazas, Lucía, por dedicarnos o teu tempo e achegarnos esa visións renovadoras que traes como parte da nova xeración educativa. Grazas por inspirarnos!!!

Parabéns ao noso alumnado xornalista que fixo un bo traballo con esta entrevista!

DÍA DA TERRA- DÍA DO LIBRO

Terra e Libro: dúas herdanzas, un mesmo compromiso co futuro.

Entre abril florecen dous tesouros,

a Terra e o Libro en harmonía,

unha canta con cantos sonoros,

outra en páxinas de poesía.

Coidemos a Terra que nos canta,

protexamos o Libro que ensina,

pois ambos son herdanza,

para coidar a nosa vida.

DÍA DA TERRA E DÍA DO LIBRO: UNHA CONEXIÓN NATURAL

O 22 e 23 de abril celébrase unha das coincidencias máis fermosas do calendario: o Día da Terra e o Día do Libro. Dúas datas que, aínda que distintas, comparten unha profunda conexión, por iso dende o noso centro xuntámolas para combinar actividades comúns e diversas, onde a natureza e os libros xúntanse para ter unha conexión natural.

Hoxe o noso alumnado de biblioteca estivo facendo apadriñamentos lectores, coa rapazada de infantil!!!

Resultou unha xornada lectora entre padriños, madriñas e afillados/as moi enriquecedora.
Tiveron un agasallo dun marcapáxinas, feito polos padriños e madriñas.

Descubre as actividades que estamos desenvolvendo para concienciar sobre a importancia de coidar o noso Planeta e os libros, educando unha xeración comprometida coa sostibilidade e o medio ambiente, a través de actividades relacionadas con boas lecturas.

Voces de Cantabria: "Un encuentro para compartir y aprender"

    Nuestro centro ha tenido el placer de recibir la visita de un grupo de profesoras del CEIP Cisneros de Santander, quienes han participado en un intercambio educativo con el objetivo de conocer de cerca nuestras metodologías de enseñanza, los espacios de aprendizaje y los proyectos que desarrollamos a lo largo del curso.

Durante su estancia, las docentes pudieron recorrer las aulas, observar diferentes dinámicas de trabajo y dialogar con el profesorado sobre estrategias pedagógicas innovadoras. Este intercambio permitió compartir experiencias sobre cómo fomentar la participación activa del alumnado, la inclusión educativa y el aprendizaje cooperativo, pilares fundamentales de nuestro proyecto educativo.

Además, las profesoras visitantes mostraron gran interés por los espacios exteriores, como nuestro huerto, los composteros y el bosque comestible, además de nuestra radio escolar , por la que se mostraron muy interesadas para poder implementar en su centro educativo.  También se realizaron sesiones de intercambio de buenas prácticas, donde ambos equipos docentes reflexionaron sobre los retos actuales de la educación y las oportunidades que surgen al trabajar en red entre centros.

Este encuentro ha sido una experiencia enriquecedora para todos, que refuerza la importancia de la colaboración entre escuelas y del aprendizaje compartido como motor de mejora educativa. La visita del CEIP Cisneros de Santander deja una huella positiva y abre la puerta a futuras colaboraciones que sigan impulsando la innovación y la calidad en la enseñanza.

El alumnado de 6º de primaria, por propia iniciativa decidió realizar una entrevista a estas profesoras, para saber sobre peculiaridades del centro cántabro.

Esperamos que os gustase y que disfrutáseis desta jornada radiofónica, tanto como nuestro alumnado elaborando el programa y la entrevista.

Muy buen trabajo!!!

Este encuentro ha permitido descubrir nuevas perspectivas sobre la enseñanza, reafirmando la importancia de la cooperación entre centros educativos. A través de estos intercambios, se construyen redes de apoyo y se impulsa una educación más humana, inclusiva y transformadora.

Desde nuestro centro, agradecemos la implicación, el tiempo y la dedicación del equipo del CEIP Cisneros. Su visita deja una huella positiva y nos anima a seguir trabajando juntos por una educación que inspire, conecte y transforme.

GRACIÑAS POLO VOSO BEN FACER!!!

DÍA DA MULLER -8M

Hoxe no noso centro escolar celebramos o Día da Muller cunha xornada chea de aprendizaxes, reflexión e creatividade. Coa colaboración da Asociación EuroEume, Nerea e Lúa montaron un punto violeta, un espazo de encontro e visibilización onde o alumnado puido participar en diferentes obradoiros e xogos relacionados coa igualdade, o respecto e o papel das mulleres na sociedade.

A través destas actividades, fomentouse o diálogo e a conciencia sobre a importancia de construír un mundo máis xusto e igualitario. Foi unha experiencia enriquecedora que encheu o colexio de cor, ideas e compromiso.

DÍA DE ROSALÍA-23 DE FEBREIRO

Para este día tan especial de Rosalía celebrar,

a nosa rapazada de 6º de primaria estivo a preparar,

un podcast para a vida desta poetisa oralizar,

e con gran ilusión  poemas recitar,

para aos vosos oídos deleitar.

DÍA MUNDIAL DA RADIO 2026

Agora deixámosvos coa entrevista a Damián Alonso, un fantástico actor de dobraxe ao que lle temos moito cariño, por mor das súas ensinanzas no uso  da voz e da parte técnica da radio.

Moi bo traballo, rapazada!!!

Música: "Tempestades de sal" Autora: Ses 

                Grazas Damián, por compartir o teu tempo  e a túa sabedoría connosco!!!