20/6/22

RECOMENDACIÓNS PARA ESTE VERÁN 2022

 

OS LIBROS GUSTAN DA VIAXE E DA SORPRESA,

 AGARDAN NOS ANDEIS OU NOS EXPOSITORES

 POR ESA MAN QUE, AO ABRILOS,

 POÑA EN FUNCIONAMENTO A MAXIA DA LECTURA.

NON ESQUEZADES LER MOITO EN CONTACTO COA NATUREZA!!!

6/6/22

DÍA MUNDIAL DO MEDIO AMBIENTE E DOS OCÉANOS

 Que tal estades rapazada?  Xa chega o fin de curso e con el o remate aos nosos traballos en equipo para a nosa biblioteca.

 Desexamos, tanto Lorolareto coma eu, que o pasarades moi ben na procura de novos libros , cos que poder viaxar a mundos máxicos.

Deixámosvos cos traballos finais do noso Proxecto Integral de Centro

 " AS NOSAS PEGADAS ECOLÓXICAS"



Parabéns nenos e nenas, polo voso traballo, aprendizaxe e esforzo durante este curso 2021/2022.


Tamén queremos agradecer ás familias a súa magnífica colaboración!

Grazas , tamén aos mestres, e mestras  que fan posible que a nosa biblioteca sexa un punto de encontro para imaxinar, soñar e  aprender .

Este venres, 3 de xuño tivemos un obradoiro de 

"Bombas florais", si, si, escoitáchedes moi ben. A rapazada fixo unhas bombas de terra con sementes florais para poder lanzar en calquera sitiio da Natureza e poder axudar aos polinizadores, a facer a súa labor  tan importante para todos os seres vivos.

Deixámosvos con fotos do obradoiro.


27/5/22

OS LOBISHOMES DE ANDRADE

 Hello rapazada! Fálavos Raioteca, e gustaríame presentarvos unha actividade que se levou a cabo na nosa biblio en colaboración co profesorado de inglés.


Os homes lobos de castronegro é un xogo ameno e que permite traballar a oralidade, o razoamento e a toma de decisións. Que mellor oportunidade para traballar e pór a proba o noso inglés?

Comezamos explicando o xogo e distribuindo as persoaxes para facer unha pequena práctica. Cada un dos alumnos e alumnas terá un papel único que debe performar.


Cando collimos soltura, introducimos os obxectos. Estes poderán ser comprados coas monedas obtidas a partir de resolver preguntas sobre a nosa biblioteca, debiamos tratar de respondelas en inglés por suposto.

E a vós que vos parece? Esperamos as vosas opinións.




24/5/22

ENTREVISTA A ETHAN



Ola rapazada, fálavos Lorolareto!
Estou verdadeiramente abraiado polo ben facer dos vosos traballos na nosa radio escolar.
Sodes uns domadores e domadoras da oralidade!!!
Parabéns a todos e a todas!!!
Desfrutade desta entrevista que algún do alumnado de 6º de primaria fixo a Ethan , o noso auxiliar de conversa deste curso escolar 2021/2022.
Thank you Ethan!

O ECO DAS PEDRAS- HISTORIAS DE ORALIDADE



 Este mércores 18 de maio , tivemos o pracer de poder desfrutar da compaña de Raquel Queizás, unha extraordinaria domadora da oralidade, para celebrar o Día das Letras Galegas.



O ECO DAS PEDRAS- RAQUEL QEIZÁS de Mila

Abofé que foi unha xornada cautivadora, chea de misterio, oralidade e diversión. 
Deixámosvos coa entrevista de radio que algunha da rapazada de 5º de Primaria , preparou para  saber e aprender algo máis de Raquel Queizás.

Moitas grazas Raquel,
 por agasallarnos coa túa sabedoría. 

MES DAS FLORES E DAS LETRAS

 Aquí vos deixamos coa alfombra floral en formato pasapalabra, que este ano adicamos polas Letras Galegas  a Florencio Gurriarán, poeta que adoraba a NATUREZA do seu pobo Córgomo, á que adicou poemas.

Raioteca propuxo á rapazada, que pescudara palabras en galego relacionadas coa NATUREZA, para facer un pasapalabra, e aquí vos deixamos co traballo que estiveron realizando os días desta semana das Letras para poder rematalo.

Cada unha das palabras tiña un código QR( uso de tablets ) para cando adiviñaran a palabra, poder aprender máis sobre ela.

Toda a rapazada gozou moito, tanto para facelo como para resolver o pasapalabra.

Desexamos que vos guste!!!




SOLUCIÓN DOS TRES WORDLES: 

QUEIRUGA - ZONCHO - HERBA


NATUREZA CON FLORENCIO DELGADO GURRIARÁN de Mila

14/5/22

LETRAS GALEGAS 2022 - FLORENCIO DELGADO GURRIARÁN


PREPARANDO AS LETRAS GALEGAS

ARGALLANDO letras galegas 2022 de Mila


 Este ano adican as Letras Galegas a Florencio Delgado Gurriarán, un poeta do que seguramente xa escoitáchedes falar, e os nosos compañeiros de 5º de primaria fixéronos unha conexión marítima dende Córgomo, o lugar onde naceu Florencio, ao Ipanema, o barco no que viaxou ás Américas no exilio. Esperemos que vos guste.




 Tamén faremos unha alfombra dos maios con palabras da natureza, xa que a Florencio gustáballe moito a natureza, e retratos de Florencio en Pop-Art. Tanto lle gustaba que, cando era pequeno, dedicoulle un poema a un castiñeiro da súa aldea. Acabou publicándose nun xornal de Ourense. Aquí o tedes:


"Retorto castiñeiro, outrora san e forte, atópaste ferido do machado da morte; as túas folliñas, murchas, van caendo no chan, ¡ou, tristura dunha árbore espíndose no verán!”


Mentres tanto non o celebramos no colexio, podedes desfrutar deste rosco de PASAPALABRA en familia, feito polo equipo de biblioteca e dinamización, adicado a Florencio, moi sinxeliño para que aprendades algo do noso homenaxeado. 
Deixámosvos tamén  tres WORDLES , para que xoguedes e sexades quen de averiguar tres palabras en galego relacionadas coa   NATUREZA.                          

Boa sorte!!!


* O luns 23 de maio poñeremos as solucións do wordle.


FELIZ DÍA DAS LETRAS GALEGAS!!!

Aquí tedes todas as palabras da Natureza  do Pasapalabra, que estades a facer na vosa alfombra.
Día das Letras Galegas 2022 (A4 Document) de Eva Fernandez

A TOUPICIENCIA- A XANELA DO MAXÍN

 CONTACONTOS 


CONTACONTOS de Mila

23/4/22

DÍA DO LIBRO- 23 de abril 2022

Bo día, rapazada!

 A que non sabedes que fixemos estes días? 

 Pois senón o adiviñáchedes..., estes días fixemos unha manualidade chamada:

"CONTOS ENFRASCADOS" 

que trata de recrear un conto nun frasco, poñendo as cousas necesarias dentro del. 

O  luns 25 de abril tedes que tratar de adiviñar que contos fixemos.

 ADIVIÑA ADIVIÑANZA...

QUE CONTO TEÑO NA PANZA?


Esperamos que adiviñedes moitos dos contos.

Mentres, vos deixamos cunhas fotiños da realización dos traballos


Feliz Día do Libro de Raioteca


Xa foron adiviñando algúns dos frascos co conto axeitado!!!
Estupendo traballo, rapazada!!!👍👍
 

Adiviña, adiviñanza que conto teño na panza... de Mila

DÍA DA TERRA - 22 DE ABRIL

CELEBRANDO O DÍA DA TERRA 

DOMADORAS DO MAR



 Que nervios... antes de entrevistar a estas dúas mariscadoras  da nosa zona !!!
  Grazas ás dúas por compartir o voso tempo e a sabedoría dos anos de experiencia neste voso traballo, tan duro e tan importante á vez.

Foi un verdadeiro pracer , tervos connosco nesta nosa radio escolar!!!

Agora toca desfrutar da entrevista  ás mariscadoras Isabel e Carmen , que non cabe a menor dúbida que son todas unhas domadoras do mar.



 

19/4/22

ABRIL - MES DO LIBRO

 Sabedes que damos comezo ao mes de ABRIL?

Este sábado 2 de abril foi o Día internacional do libro infantil e xuvenil, por iso, tanto Lorolareto coma min  estamos entusiasmados para neste mes, facer actividades artísticas-lectoras con libros da nosa biblioteca "Soños de Andel".

Estades preparados? Abofé que siiiii!

Propoñémosvos un reto! Seredes quen de meter un conto nun frasco?

 Seguro que estades a pensar que é unha tolemia, pero non ... é toda unha ledicia! 

Debedes formar equipos e presentar os vosos contos enfrascados, co voso nome, apelidos, clase e nome do conto na parte de abaixo do frasco. 

Ah! Non esquezades pechalo ben!

A última semana de abril, deberán estar expostos na entrada principal do noso colexio, para que por quendas poidades adiviñar  que contos enfrascaron os vosos compañeiros dos diferentes cursos.

8/4/22

OBRADOIRO DE RADIO CON PONTE NAS ONDAS

OBRADOIRO DE RADIO   

  Bos días, o 5 de abril visitáronnos Xerardo e Damián de Ponte Nas Ondas. Explicáronnos como grabar e editar un podcast. Tamén ensináronnos a como pronunciar e falar nunha grabación. 

Despois do recreo fumos a grabar un programa en directo os nenos e nenas de 4º e 5º de primaria. E aquí temos á nosa compañeira Alicia de 5º. Farémoslle unhas preguntiñas para saber como foi a súa experiencia.

 Alá vamos!                      

Que che pareceron Xerardo e Damián?                                                                                                              Parecerónme moi divertidos.                                                                                         

Que che pareceu o podcast en directo?                                                                                                      Pareceume moi gracioso, sobre todo cando cantan a Vaca Lola e a parte dos nosos compañeiros Amaia e Hugo.

E agora imos a ver cal foi a experiencia dunha nena de cuarto chamada Berta.

Que che pareceron Xerardo e Damián?                                                                                                         Pois parecéronme moi divertidos e ensináronme moito  para o ano que vén, porque  xa vou  estar na radio Lorolatero.

Qué che pareceu o podcast en directo?                                                                                                           Pareceume unha idea moi divertida da que  aprender moito, para facer programas de radio, o curso que vén.

E ata aquí a nosa pequena entrevista. Esperamos que vos gustara. 

Despidímonos dende a clase de 5º de primaria, mais non antes sen dicirvos, que foi todo un pracer ter con nós a Xerardo e a Damián, para seguir aproveitando a súa sabedoría radiofónica e dese xeito aprender moitísimo para levar á práctica na nosa Radio Lorolareto.

Ata outra dende as ondas do Eume !!!!





1/4/22

ENTREVISTA Á NAI DE MATEO

Mateo de 6º de Primaria agasallounos este luns 28 cunha entrevista á súa nai, para como muller traballadora, saber máis do seu traballo, e da necesidade de que todos e todas somos moi importantes na vida e en todos os traballos, tanto sexamos mulleres coma homes.


''Grazas a todos os meus  compañeiros e compañeiras, e tamén a miña nai por concedernos esta entrevista e contarnos un pouco do seu libro da vida''

21 de Marzo - Día da Poesía

 POESÍAS PARA UCRAÍNA



Bo día rapazada, como ben sabedes, o 21 de marzo é o  Día Mundial da Poesía, e os nenos e nenas de 5º de Primaria fixeron un programa de radio  para agasallar aos nenos e nenas ucraínos para que a poesía sempre sexa un símbolo de unión e solidariedade entre pobos.






21/3/22

SEMENTEIRA DE VERSOS- 21 DE MARZO


A rapazada de 2º e 3º de primaria, fixeron unha sementeira de versos no paseo de Pontedeume, para celebrar o Día da Poesía.

Pasárono xenial, aínda que chegaron cansos, pois antes de sementar os versos, fixeron un percorrido cultural polo centro da vila eumesa para coñecer e aprender feitos históricos, arte, etc,... que forman parte da nosa contorna.


12/3/22

DÍA INTERNACIONAL DA MULLER- 8 DE MARZO 2022

 



A RAPAZADA DE 5º DE PRIMARIA ELABOROU UN TEATRILLO DE MONICREQUES, PARA INFORMAR SOBRE O DÍA DA MULLER, ONDE CREARON AS PERSONAXES XUNTO COS DIÁLOGOS.


FIXÉRONO FANTÁSTICAMENTE!!!

Música:https://www.bensound.com/royalty-free-music/track/funny-song

Tivemos unha semaniña ben atarefada para celebrar este día tan especial.

A rapazada de 6º de primaria fixo un podcast, agasallándonos coa historia de catro pioneiras galegas que abriron camiño para centos de mulleres, en profesións e traballos que nos seus tempos, só podían desempeñar os homes.

Desfrutade deste magnífico traballo que fixeron!



Por certo , para rematar esta semana, Carolina de 5º de primaria, sorprendeunos coa visita da súa madriña, á que lle quixo facer unha entrevista dende a nosa radio Lorolareto, por ser unha muller importante no libro da súa vida.

Grazas a Carol e a Fátima, por compartir connosco este intre tan entrañable!!!



Música: Ed Sheeran - Shape Of You



Música: "One woman"- Canción de mujeres - ONU

4/3/22

PACO NOGUEIRAS- SESIÓN DE CONTACONTOS E MÚSICA- LUNS 7 DE MARZO


 Rapazada de Infantil e de 1º de Primaria, este luns 7 de marzo tedes ao magnífico Paco Nogueiras no voso cole, para poder desfrutar de diferentes contos musicados tales como:

"Elmer"

 "Ratos na escola"

"O can de Milu"

"Selva"

"Quen é ese becho"







Magnífico contacontos musicado de Paco Nogueiras , onde os nenos e nenas desfrutaron enormemente deste extraordinario profesional!!!




GRAZAS PACO, POR ESTE DIVERTIDO MOMENTO QUE FIXECHES PASAR AOS MÁIS PEQUERRECHOS DO NOSO COLEXIO!!!
FOI TODO UN PRACER TERTE CON NÓS!!!



2/3/22

ENTROIDO 2021- BENVIDO NOVO MUNDO

 


DEIXÁMOSVOS COS TRABALLOS  QUE FIXO O ALUMNADO DE INFANTIL E PRIMARIA, PARA CELEBRAR ESTE ENTROIDO 2022, ONDE O MAIOR OBXECTIVO É CONCIENCIAR SOBRE COIDAR E PROTEXER O NOSO PLANETA.


MÚSICA: "La vida es un carnaval" Celia Cruz

PARABÉNS A TODOS E A TODAS POLO VOSO BEN FACER!!!


23/2/22

Día de Rosalía de Castro 23 de febreiro

 23 de febreiro día de Rosalía de Castro


Este día é moi especial porque naceu Rosalía de Castro  no ano 1837. Os nosos compañeiros fixeron un podcast en relación con Rosalía de Castro para facerlle unha homenaxe.

Aquí vos deixamos o noso podcast queremos que o disfrutedes como nós. 

Esperamos que vos guste, pois fixémolo con moito agarimo para todos vós, en honor a nosa poetisa galega, loitadora da nosa lingua galega.

A rapazada de 5º de primaria  fixeron un acróstico para homenaxear a Rosalía de Castro.

 Rozaba o perfeccionismo,
 Os seus versos, os mellores son.
 Sobrepasaba os límites da cultura,
 Ata o ceo ela chegou.
''La flor'', o poema que todo o cambiou.
 Ídolo de grandes poetas e poetisas.
 As súas obras ouro son.
Música: Amancio Prada- "Adiós ríos, Adiós fontes"

17/2/22

ARGALLANDO O DÍA DE ROSALÍA- OS PODERES DE ROSALÍA

  Quen vai vir ao noso cole maña venres 18 de febreiro?

Vai vir PEDRO BRANDARÍZ, un contacontos oral que nos vai a impresionar!!!!


Aquí vos deixamos o noso podcast que fixemos para publicitar o día de mañá.

Escoitádeo atentamente e xa saberedes as quendas nas que debes de ir ao noso patio cuberto, para desfrutar deste espectáculo.



Música:Ed Sheeran - Shape Of You [Official Lyric Video] - YouTube



15/2/22

14 DE FEBREIRO, DÍA DAS CARDIOPATÍAS CONXÉNITAS

O día de onte, 14 de febreiro, día das cardiopatías conxénitas, nós, o alumnado da clase de 5º de primaria do CEIP Plurilingüe de Andrade fixemos un podcast dedicado ás persoas con esta enfermidade. Ao longo desta semana imos facer un corazón para repartir polas clases para que poñades frases para os nenos e nenas con esa enfermidade.

MÚSICA DE ED SHEERAN | SHAPE OF YOU

12/2/22

DÍA MUNDIAL DA RADIO -13 DE FEBREIRO -

 A UNESCO fai un chamamento a todas as radios do mundo, co gallo de celebrar o Día Mundial da Radio, este 13 de febreiro de 2022 baixo o lema :

"A radio e a confianza".


A nosa radio escolar ofrece aos nosos ouvintes , contidos informativos precisos e veraces.


AS PEGADAS DA EMIGRACIÓN 

NA NOSA CONTORNA


Aquí estamos de novo, un ano máis para celebrar este día tan especial para nós, dende que temos Radio na biblioteca.
Neste 2022 , Ponte ...Nas Ondas convidounos a participar na celebración do Día Mundial da Radio, e deste xeito elaboramos un programa sobre o noso patrimonio inmaterial, relacionado coas persoas que tiveron que emigrar e abandonar o seu país.
Empezamos a pescudar na nosa entorna e descubrimos historias moi interesantes no Libro das nosas vidas.
Desexamos que desfrutedes dalgunha delas!


FELÍZ DÍA DA RADIO!!!

Premede na ligazón e veredes o noso programa na web de PONTE NAS ONDAS, xunto con moitos máis programas doutros colexios, para que desfrutedes deste Día Mundial da Radio 2022. 

DÍA MUNDIAL DA MULLER E A NENA NA CIENCIA

 

11 DE FEBREIRO 

Neste día tan especial a rapazada de 5º quixo adicar un programa de radio.
#NO MORE MATILDAS
 

Lembrade que é moi importante a igualdade entre xéneros.

Deixámosvos con varios referentes femininos da ciencia e da tecnoloxía, na voz do alumnado de 5º de primaria.

 Esperamos e desexamos que vos guste, o noso programa!!!



11/2/22

SAÍDA AO CLUB DE GOLF ÁRTABRO DE MIÑO

 


Aquí vos deixo o podcast que fixeron estes rapaces e rapazas de 5º de primaria, da súa saída deportiva no Club de Golf Ártabro de Miño.

2/2/22

DÍA DA PAZ 2022- UNHA PONTE ENTRE POBOS

Bo día! Hoxe reunímonos todos e todas para celebrar o Día Da Paz.

O alumnado de 6º fixo un mural adicado ao libro "Unha ponte para Najla" da escritora Maite Herrero Ameixeiras, que nos agasallou Raioteca.

 Os nenos e nenas de infantil e primeiro de primaria, fixeron unhas vacinas pola paz, o amor e a amizade no mundo, e a rapazada de 5º e 6º fixemos un podcast adicado ao Día Da Paz. 

Deixámosvos co podcast do audiolibro "Unha ponte para Najla" que a rapazada  de 5º adaptou.

Desfrutade moito!!!

Lembrade que é moi importante: 

"MUDAR FRONTEIRAS POR PONTES"


 


 

Música: Imagine ( The Beatles), Papaventos de papel.

No seguinte vídeo , podedes desfrutar da canción de Paz : "Hierbas y flores", que a rapazada de 5º interpretou instrumentalmente.

GRAZAS A TODOS E A TODAS POLO VOSO TRABALLO!!!


 


CANCIÓN:  GUADI GALEGO "FRONTEIRAS"

Quizais tamén che interese

Related Posts with Thumbnails