26/5/09

MOSTRA ARTESANAL



O martes 19, todos os colexios de Pontedeume fomos invitados pola Unidade veciñal "OLMO" a visitar unha mostra artesanal e de xogos populares. Había cestería, cerámica de buño, traballos de cantería, ferreiro, torneado de madeira, pirogravado, traballos de bordado e traballos en coiro.


Tamén elaboramos un boliño de pan que comimos con chocolate.

E recibimos un agasallo moi especial, un lote de libros en galego, para a nosa biblioteca.

Parabéns aos organizadores destas actividades e moitas grazas polos agasallos.

Estas son algunhas das portadas dos libros que recibimos desta asociación, para a nosa biblioteca.


20/5/09

ILUSTRACIÓN, MÚSICA E PALABRAS.

Hoxe, os alumnos e alumnas do 3º ciclo do CEIP Couceiro Freixomil e CEIP de Andrade, acudiron á sala de ámbito cultural do Corte Inglés para asistir a unha actividade que a ASOCIACIÓN GALEGA DO LIBRO INFANTIL E XUVENIL (GÁLIX) organiza co motivo da celebración do Día das Letras Galegas. Tomando como marco tres obras de referencia na nosa literatura, gañadoras dos prestixiosos CORVOS BRANCOS 2009 outorgados pola Biblioteca Internacional da Xuventude de Múnic(Alemania):



Colaboran: OQO Editora, Xerais e Editorial Galaxia.

De 11h. a 12h. asistimos a un Obradoiro de Ilustración a cargo de RODRIGO CHAO.

De 12h. a 13h. Obradoiro de Microrrelato a cargo de MAR GUERRA.

De 13h. a 14h. Obradoiro de poesía, música e palabras a cargo de XABIER MUGARDOS (Pulpiño Viascón), músico multi-instrumentista e clown, se queres coñecer a súa traxectoria musical preme
aquí.

Foi unha xornada moi intensa, na que desfrutamos un montón: debuxamos, pintamos, escribimos un microrrelato e escoitamos poesía e unha música moi orixinal.

Dende aquí queremos agradecerlle á mestre de música do CEIP Couceiro Freixomil, Pilar, por invitarnos a participar nestas actividades tan interesantes. Moitas grazas!!!

Rematamos cun vídeo titulado:"Pulpiño Viascón e o serrucho máxico". Seguro que vos soa.


15/5/09

LETRAS GALEGAS 2009.

Premendo nesta foto podes acceder ao PROGRAMA DE ACTIVIDADES que realizamos no colexio de Andrade durante a semana do 11 ao 15 de Maio, para celebrar as LETRAS GALEGAS 2009.

O luns xuntámonos todas e todos para ver un vídeo sobre a traxectoria de Ramón Piñeiro. Este vídeo foi elaborado por mestres do colexio de Xinzo de Limia.
Moitas grazas por compartilo!!!


O Martes, os alumnos e alumnas do 2º ciclo recitaron unha poesía, moi divertida, que escribiron eles mesmos/as, para homenaxear a Ramón Piñeiro:

Ramón, Ramón,

se foses de chocolate serías un bombón

porque enchiches de sabedoría ó noso corazón,

e coa túa dozura fuches subindo un escalón.

Grazas as túas ideas e ao teu melón,

chegamos a acadar unha gran colección.

Con Galaxia e con Grial,

fundaches unha editorial,

e xuntas formaron unha empresa fenomenal,

que che deu un aire de intelectual.

Ramón Piñeiro, Ramón Piñeiro,

case sempre levas sombreiro,

o teu oficio é ser libreiro.

Non sei a que te me semellas

con esas grandes orellas,

pero sei que usas lentes

e que tes bos dentes.

E grazas a ti, o galego

seguiu por un bo rego.

Tamén o martes cantamos e bailamos: "O RAP DA LINGUA". Preme aquí.

O mércores, seguindo co programa de Lecturas compartidas, dúas alumnas do 3º ciclo leron o conto: "Chocolata", para os/as mais pequenos/as, e ao remate cantamos a canción, preme aquí.

O xoves, Begoña, a nai de Rebeca de E. Infantil, leunos un conto titulado: "XOGANDO ÁS ADIVIÑAS", ilustrado por Suso Cubeiro, que nos visitou a semana pasada. Pasámolo moi ben intentando solucionar as adiviñas, fixándonos nas pistas que nos daban as ilustracións. Dende aquí queremos agradecerlle a Begoña a súa colaboración.

O venres, os alumnos e alumnas de 3º curso representaron unha obra de teatro titulada: "A Maragota fachendosa e o Polbo fino". Parabéns a este grupo de actores e actrices polo seu traballo. Xa para rematar cantamos unhas cantigas .

Tamén durante toda a semana puidemos participar en actividades de XOGOS POPULARES.

A continuación deixámosvos a reportaxe fotográfica:

ACTIVIDADES LETRAS GALEGAS 2009. on PhotoPeach




SE QUERES VER A PRESENTACIÓN EN PANTALLA COMPLETA PREME NO RECADRO DAS FRECHAS DO LATERAL DEREITO.

14/5/09

TRABALLO COLABORATIVO: "Ramón Piñeiro"


Á entrada do colexio está exposto o traballo que sobre a vida e obra de Ramón Piñeiro fixemos este ano coa participación de todo o alumnado, dende Educación Infantil ata 6º curso de Educación Primaria.

  • En Educación Infantil recortaron e colorearon as letras dos titulares.
  • En 1º ciclo fixeron unhas divertidas caricaturas.
  • No 2º ciclo elaboraron unha biografía ilustrada e compuxeron un poema en homenaxe á súa traxectoria.
  • No 3º ciclo traballaron sobre as viaxes de Ramón Piñeiro, a súa obra e elaboraron uns pasatempos.

Se premes na imaxe podes ampliar o tamaño.

11/5/09

Visita de SUSO CUBEIRO.

Dentro do programa de Maio: "MES DAS LETRAS", unha das actividades previstas é a visita do ilustrador Suso Cubeiro.
O mércores día 6 ás 12 da mañá chega ao colexio. Para recibilo quixemos agasallalo cunha breve representación teatral dunha das obras ilustradas por él: "Historia dunha sobreira" que as alumnas e alumnos de 4º curso escenificaron de forma maxistral. Aquí tedes unha pequena mostra:



Despois, Suso Cubeiro impartiu un taller creativo para todo o alumnado do colexio e, ao remate, él tamén quixo agasallarnos cunha acuarela, que pintou en vivo e en directo para todos nós. Moitas grazas e ata outra!!!





8/5/09

MAIO DA MARIÑA.

Os MAIOS significan na súa orixe o triunfo e a chegada da Primavera.
É un rito celta para asegurar as boas colleitas, e a protección do
"Espíritu da Natureza".
A tradición dos MAIOS na vila e bisbarra eumesa ven de moi antigo.
OS NENOS/AS E AS FLORES son os protagonistas desta celebración:




Os nenos e nenas do colexio de Andrade tamén quixemos sumarnos, un ano mais, a esta celebración paseando os nosos Maios e cantando algunhas cantigas.
Unha das cantigas eumesas propias da festa dos MAIOS é:

"MAIO DA MARIÑA"

Xa chegou o Maio
florido e galán.
Chegou tra-lo inverno
e antes do verán.

Baixou dende o cumio
do castelo antergo
ata o val do Eume
doce e señoreiro.

Maio namoreiro:
bicou as campiñas...
e en cada bicada
naceron floriñas.

Maio agarimoso
bicou as cerdeiras...
e aí tede-las froitas
mais ricas da terra.


Enlace ás actividades que no curso 2007/08 elaboramos no colexio co programa LIM:

OS MAIOS do Colexio de Andrade.

7/5/09

INAUGURACIÓN DO "RECANTO DOS CONTOS"


O xoves 30 de abril inauguramos un novo espazo no colexio, concebido como unha continuidade da biblioteca, un lugar onde sempre vai estar presente a "MAXIA DA LECTURA", onde existe un recanto moi especial para os conta contos e onde os nenos e nenas se poden disfrazar e maquillar para converterse en personaxes fantásticas dos contos, e por suposto, un lugar onde Raioteca, a nosa mascota da biblioteca, está sempre presente supervisándoo todo.
As actividades que realizamos para celebrar este acontecemento, que tamén recolle a prensa, foron:
  • Intervención de Raioteca. Preme aquí.

  • Actuación dos titiriteiros de Andrade, un grupo de alumnas e alumnos dende 3º ata 6º de Primaria, que representaron con marionetas a obra titulada: "Este cuento no es mi cuento". Foi todo un éxito. Parabéns a todos e todas!!!

  • Seguindo co proxecto: "Lecturas compartidas", a nai de María de E. Infantil, Rosario, fixo a presentación do libro do mes, coa lectura de: "Sacapenas". Dende aquí queremos darlle as grazas pola súa colaboración. Tamén unha alumna, Laura de 5º curso, contounos a orixe destes bonecos e explicou que no cole estanse a facer, coa mestre de Plástica, bonecos sacapenas para participar nun proxecto chamado: Sacapenas para Gaza.

  • Tamén os alumnos/as de 5º curso nos presentaron outro dos seus contos de creación propia elaborado en power point.

  • Xa para rematar unhas palabras do director agradecendo a colaboración dos familiares que fixeron posible a creación deste novo espazo e aos que lles entregamos uns pequenos agasallos.

E aquí vos deixamos a reportaxe fotográfica:


Quizais tamén che interese

Related Posts with Thumbnails