RECOMENDACIÓNS LECTORAS POLO NADAL

 POLO NADAL PON LIBROS  NAS TÚAS MANS, 

CHEOS DE ARTE , CULTURA E DIVERSIÓN.

FELICITACIÓNS DE NADAL, CON MOITO CARIÑO DE TODO O ALUMNADO DO CEIP PLURILINGÜE DE ANDRADE.

O LIBRO VIAXEIRO- OS NOSOS CANTOS

 Dende o Equipo de Dinamización da Lingua Galega deron comezo á andaina do noso cancioneiro e dos vídeos familiares.

 "Os nosos cantos"

O libro viaxeiro que estamos a facer, convídanos a explorar e documentar as cantigas, ditos, refráns, xogos e adiviñas que foron transmitidos de xeración en xeración. Este traballo de investigación require a colaboración cos nosos maiores, que gardan nos seus recordos estas expresións culturais que enriquecen a nosa identidade galega. Ao recompilar estas manifestacións orais, non só honramos o noso pasado, senón que tamén aseguramos que a lingua e cultura galegas continúen vivas e vibrantes para as futuras xeracións.
Ollade que fermosos vídeos e a aprendizaxe tan importante que extraemos deles!

Premede no seguinte enlace para gozar dos vídeos.

OS NOSOS CANTOS

DIVERSARTE

 

3 DE DECEMBRO 2024

A diversidade enriquece aos seres humanos!!!

A rapazada estivo a pescudar sobre persoas con diversidade funcional, relacionadas coas diferentes Artes, para dar a coñecer os seus traballos  e reflexionar sobre a afirmación:

"Querer é poder!"

Para poñerse na pel destas persoas, todo o alumnado estivo realizando diferentes e diversas actividades tales como, andar por un circuíto cos ollos tapados, pintar nun mural coa boca, etc,...

25N#sementandoslogansporunmundosenviolencia

Bo día somos Ainhoa e Branca de 5º de primaria,

voluntarias de biblioteca neste curso escolar e vimos falarvos do 25N.

O pasado 25 de novembro realizamos unha saída a Pontedeume, para concienciar sobre a violencia de xénero que afecta as nenas e as mulleres  de todo o mundo. 

Fixemos un manifesto relacionado sobre este día . Que leron os nosos compañeiros Gabi e Ainhoa, e  que podedes ver na seguinte presentación. Realizamos uns carteis que puxemos en diferentes comercios por Pontedeume relacionados con este día.

Aprendimos moitas cousas importantes que debemos coñecer !! 

Esperamos que gocedes deste pequeno relato, onde a rapazada estivo a gravar os seus slogans para dar visualización a este gran problema de violencia.  Por unha xeración chea de igualdade e respecto.

SamaínARTE

    O equipo de dinamización ,estivo organizando xunto co equipo de biblioteca á vindeira semana do Samaín.

As familias xunto co alumnado, participaron na decoración de gorros de bruxa, que están a decorar os nosos corredores, aulas, etc,...

Abofé que lles están quedando terroríficas!!!

Creouse un museo do terror , onde cadros de famosos pintores foron recreados polos diferentes cursos.

Dende a biblioteca, estívose organizando por efemérides dos diferentes meses, obras teatrais para organizar cada nivel educativo. 

Neste mes de novembro, a rapazada de 1º de primaria, será a que nos agasalle cun teatro de sombras.

Tivemos un PhotoCall, onde a rapazada dos diferentes cursos realizou fotografías terroríficas en grupo. Saíron fotos con moita Arte .

A nosa radio Lorolareto, propuxo unha actividade, para que o alumnado que queira, veña e conte o seu medo secreto, polos micros. 

Seguro que resulta todo un éxito!

Raioteca , tamén nos agasallou cunha exposición de libros terroríficos, para este Samaín. 

Deixámosvos cunha recopilación de todo o feito neste Samaín no noso centro.

Abofé que nos divertimos moito e quedou todo fantástico!!!

Grazas a toda a comunidade educativa pola colaboración.

SAMAÍNARTE 2024 de Mila

DÍA DAS BIBLIOTECAS ESCOLARES- 24 DE OUTUBRO 2024

     Neste día tan especial, para as bibliotecas ,  rapazada de diferentes cursos representeou unha pequena obra teatral, adaptación dun libro da nosa biblioteca titulado : ¿Dónde está la reina? de M. Àngels Comella.

 Raioteca agasallounos con este magnífico conto, para aprender Arte, através dun recorrido por tres obras famosísimas do  pintor Velázquez, pintor da corte de Felipe IV.

•  "Las hilanderas" 
• "El retrato del infante Felipe" 
•  " Las Meninas"

Abofé que resultou unha actividade moi instrutiva e educativa. O alumnado gozou desta función ao mesmo tempo que aprendeu sobre Arte e Historia.

Logo repartíronse as mochilas viaxeiras e as caixas da radio que levan libros de Arte para traballar proxectos nas diferentes aulas, para presentar na nosa radio e biblioteca.

Vai ser toda unha choiva de proxectos artísticos!!! 

Deixámozvos cunha presentación de diferentes actividades artísticas levadas  a cabo nestes días.

  

COMEZA A FUNCIÓN!

                 CURSO ESCOLAR 2024 /25

Neste curso que comeza esta nova andaina artística polos andeis da nosa Biblioteca " Soños de Andel", tanto dende a nosa biblioteca coma dende a nosa radio escolar, lanzaremos actividades interactivas, para que artes coma a literatura, escritura, música, etc,...vaian espallándose polos corredores e o alumnado goce e aprenda a xestionar e a plasmar as súas emocións, sentimentos e creatividade en diferentes e diversas artes, plásticas, lingüísticas e sonoras.

O voluntariado da nosa biblioteca Soños de Andel, xa ten contrato e chapa de axudante, e tamén está a facer preparativos para celebrar o vindeiro 24 de outubro o "Día  das Bibliotecas escolares".

Bo traballo rapazada!!!

1ª MOSTRA DE PROXECTOS FIN DE CURSO

 

Fantástica xornada en comunidade, onde a rapazada explicou ás familias os proxectos elaborados ao longo do curso 2023/24 .

Grazas a toda a comunidade educativa pola vosa asistencia, colaboración e bo facer!!!

RECOMENDACIÓNS LECTORAS DE VERÁN

 

Neste verán mergúllate nos libros e sementarás cultura, emoción e aventura.

FELICES LECTURAS!!!

DÍA MUNDIAL DO MEDIO AMBIENTE- 5 DE XUÑO

 

Ao longo de todo este curso académico, estivemos a concienciarnos sobre a importancia de crear un planeta sostible, e cheo de ecoloxía para educar nunha economía circular.

Deixámosvos cunha recom- pilación dos diferentes traballos realizados,  para contribuír a esta conciencia ecolóxica e natural.

Lembrade que sodes a nova xeración que pode sementar ecoloxía e sostibilidade neste noso planeta, tan deteriorado polo mal facer do ser humano.

UN DÍA MOI ESPECIAL CON TRES FENÓMENOS DO RUGBY NA NOSA RADIO LOROLARETO.

 Bo día !

 Este 24 de maio foi un día moi especial , pois tivemos tres invitados moi especiais. Un deles o pai de Luís.

Fixemos unha entrevista con todo o noso cariño.

Desexamos que vos guste!!!

Grazas por vir ao noso centro e sementar as vosas aprendizaxes deportivas!!!

MES DAS FLORES E DAS LETRAS

 Este venres 17 de maio é o día das Letras Galegas, o noso cole está preparado para este acontencemento!

Imos facer un mural no patio cuberto combinando a natureza dos Maios e a homenaxeada das letras Galegas Luisa Villalta, temos aquí unha cuña publicitaria para poñervos ao día! 

E agora, despois desta cuña temos algunhas fotos dos nenos de 4º, 5º e 6º organizando os materiais deste mural. 

Esperemos que vos guste!

Aquí vos deixamos cos traballos e os resultados da nosa alfombra floral , para celebrar os maios e as Letras Galegas.

Foi todo un sen fin de emocións, natureza e música chea de sementes galegas!

Grazas a toda a comunidade educativa, pola colaboración e a participación e o seu ben facer.

Parabéns á rapazada que elaborou este podcast, relacionado coa vida de Luísa Villalta, para dar oralidade a esta poetisa e embaixadora da nosa lingua galega polo mundo adiante.

Sementes literarias

 Nesta semana do 23 de abril, estivemos sementando lecturas en familia, onde as palabras poéticas e as historias estiveron presentes ao longo de toda a semana.

GRAZAS a todas as familias participantes, que fixeron posible que estas sementes lectoras vaian espallándose para compartir o gozo pola lectura.

Deixámosvos con sementes lectoras cheas de oralidade para celebrar o día do libro.

Esperamos que gocedes delas, do mesmo xeito que a nosa rapazada se ilusiona en grabalas.

MES DO LIBRO - EN ABRIL SEMENTES MIL

 

Neste mes de abril, dende a nosa biblioteca, Raioteca e Lorolareto están a sementar moitas actividades cheas de lecturas, oralidade, imaxinación, arte, ...

Deixámosvos co panel informativo sobre as diversidades deste mes de abril.

ENTREVISTA A UNHA AMANTE DO DEPORTE

 

Deixámosvos coa entrevista que Ángela e Berta lle fixeron a Sara, coa axuda de Rafa e Lucas como técnicos da nosa radio Lorolareto.

Parabéns a esta rapazada, que cada día mellora máis na elaboración e xestión dos programas de radio e en especial das entrevistas.

APRENDENDO DE PAXAROS

O día 5 de abril tivemos un invitado moi especial, o meu avó Ángel, que é un gran afeccionado aos paxaros.

Ensinounos cousas moi curiosas sobre estas aves, que el mismo cría.

Dende a nosa escola de Andrade, o alumnado de cuarto e quinto de primaria, dámosche as grazas por compartir o teu tempo e a túa sabedoría sobre un tema tan interesante.

Foi todo un pracer e unha aprendizaxe!!!

Agora deixámosvos coa entrevista que lle fixo Lucas e André a este sabio avó sobre ornitoloxía.

DÍA DA POESÍA E DA ÁRBORE

 

DÍA INTERNACIONAL DA MULLER- 8M

 Bo día rapazada!!!

En primicia dende a nosa radio para este DÍA INTERNACIONAL DA MULLER, temos o pracer de presentarvos a entrevista a Nanda, unha muller traballadora no rural e na soberanía alimentaría e  sobre todo Enraizada na nosa contorna.

Esta entrevista é moi especial, pois nos ensina a coidar o noso planeta e por riba Vacalouras, é unha tenda enraizada coa soberanía alimentaria que  ten moitos produtos de proximidade.

E agora deixámosvos con esta entrevista tan especial.Esperamos que vos guste tanto, como nós disfrutamos facéndoa!!!

Parabéns a Ainhoa e Lara, as locutoras desta entrevista e non esquecer a labor de Gabi e Xoán como técnicos. 

Foi un verdadeiro pracer, terte  de invitada connosco na nosa radio escolar, Nanda!!!

MÚSICA: Miriam Rodríguez- Hay algo en mi

ENRAIZÁNDONOS CON NANDA

Hoxe, tivemos connosco na nosa radio Lorolareto, a unha muller enraizada coa terra e loitadora por un mundo sostible, 

 Algunha da rapazada de 4º e 5º realizoulle unha entrevista para visualizar a importancia de mulleres como Nanda, que loiten polo que soñan e dean un paso máis pola igualdade e sostibilidade.

Abofé que a rapazada, aprendeu moito desta muller loitadora e emprendedora!!!

GRACIÑAS NANDA!

 por compartir ese tempo da túa vida coa nosa comunidade educativa, en especial coa nosa rapazada, que estivo encantada de poder terte na nosa radio.

P.D.: Nestes días subiremos o podcast desta entrevista, para que gocedes todos e todas dela.

                                                                     

VISITA DE PACO NOGUEIRAS

 Este luns 4 de marzo, teremos connosco a Paco Nogueiras, para mostrarnos as súas dotes artísticas e compartilas coa rapazada de Infantil, 1º e 2º de Primaria.

Será todo un pracer!!!

Deixámosvos coa carta que nos enviou Paco Nogueiras!

Estupenda xornada a que a rapazada máis pequecha gozou este luns na nosa biblioteca.

Foi fantástica!!!

DÍA DE ROSALÍA- 23 DE FEBREIRO

 Co motivo da celebración  do 187 aniversario do nacemento, dunha das figuras culturais literarias galegas máis importante, hoxe no noso centro educativo homenaxeamos  a Rosalía de Castro, facendo un mural quebracabezas, onde cada curso tiña que decorar a súa parte e logo unilo todo, para finalmente gozar dese magnífico traballo.

Resultou unha labor en equipo estupenda!

PARABÉNS A TODOS E A TODAS!

A rapazada de 4º e 5º de primaria, crearon unha poesía como agasallo a Rosalía, que grabaron na nosa radio Lorolareto, e logo editaron.

Quedoulles fantástica!!!