VÍDEO DA CELEBRACIÓN DO DÍA INTERNACIONAL DA MULLER.

Neste día, cada curso fixo a presentación do seu traballo relacionado cunha das Mulleres Pioneiras Galegas.

Parabéns a todos e todas polo voso traballo!!!

DÍA INTERNACIONAL DA MULLER, 8 DE MARZO

Neste curso, dende a Bilioteca, organizamos unha actividade chamada: "PIONEIRAS" inspirada nun libro de xerais que leva por título: Pioneiras Galegas que abriron camiño.
Cada curso tivo que buscar información sobre unha pioneira, tratar esa información e finalmente expoñela. Na clase de Plástica todo o alumnado fixo caricaturas de cada unha destas mulleres e montamos unha exposición.
En Infantil: CELIA RIVAS, a primeira camioneira.
1º Curso: OLIMPIA VALENCIA, a primeira doutora.
2º Curso: IRENE GONZÁLEZ, a primeira futbolista.
3º Curso: ELISA E MARCELA, a primeira voda entre mulleres.
4º Curso: EXERIA: a primeira escritora.
5º Curso: SOFÍA CASANOVA,  a primeira correspondente de guerra.
6º Curso: ISABEL BARRETO, a primeira almiranta.

MOCHILAS VIAXEIRAS 2017/18

  

Clicando neste enlace atoparás unha páxina con toda a información sobre as 

MOCHILAS VIAXEIRAS. 

Este curso, levan libros e xogos relacionados co noso PDI anual, sobre Robótica. Esperamos que disfrutes moito do seu contido.

ROSALÍA DE CASTRO IV

Poemas recitados polos alumnos e alumnas de 5º e 6º curso.

ROSALÍA DE CASTRO III

Poemas recitados polo alumnado de 3º e 4º curso.

ROSALÍA DE CASTRO II

Poemas recitados polo alumnado de 1º e 2º curso.

ROSALÍA DE CASTRO I

Poemas recitados polos nenos e nenas de Ed. Infantil.

24 de febreiro, DÍA DE ROSALÍA.

Este ano a proposta da Asociación de Escritoras e Escritores en Lingua Galega para a celebración do Día de Rosalía de Castro nos centros de ensino leva por título:  

"Abride a Fiestra"

Propoñen para o venres 23 de febreiro que cada alumna/o elabore, nun soporte que poida ser pendurado nunha fiestra ou pegado na parte interior dos vidros das fiestras, algún elemento iconográfico de Rosalía de Castro e/ou transcriba os seus versos soltos ou poemas completos para lles dar luz desde as fiestras e tentar facelos visíbeis socialmente. 
Esta iniciativa pretende ademais que o alumnado comparta esta celebración coa súa familia e veciñanza. Para isto faranse fotos.

Este vídeo é unha mostra da nosa participación nesta convocatoria.

Grazas a todo o alumnado do Centro que participou con tanto entusiasmo nesta proposta.

Parabéns!!!

ENTROIDO 2018

Este ano o Entroido xira entorno ao tema das novas tecnoloxías. 
Dende a Biblioteca, aportamos material informativo relacionado con esta temática, exposto no recanto de Roboteca, e tamén o enlace a unha guía que publicamos no Nadal e que recolle unha selección de libros e xogos de robótica:
 "Ler e xogar con robots"
   
Todo o alumnado fixo o seu disfraz. Desfilamos, cantamos e bailamos. Foi moi divertido. Aquí deixamos o enlace ao vídeo das actuacións de cada curso.

PAZ 2018

Este ano adicaremos o Día da Paz a coñecer un pouco mellor a figura de Wangari Maathai, que gañou o Nobel da Paz,  grazas ao seu traballo como ecoloxista, que naceu das investigacións que levou a cabo como bióloga e investigadora.
O alumnado de 5º e 6º curso presentaranos un pequeno resumo sobre a súa vida a través do libro  "Wangari e as árbores da paz"

Nas aulas traballaremos unha historia contada por Wangari e titulada: 

"Ser como un colibrí"
 


Para rematar cantaremos unha canción africana: 
"UÉLE MOLIBÁ MÁKÁSÍ" que nos axudará a coñecer o folklore do país de Wangari, Kenia.
Tamén faremos  na área de Artística uns murais cooperativos en cada curso. 

Teremos na Biblioteca unha selección de
libros e películas, nestes enlaces:
LIBROS DE PAZ ED. INFANTIL
LIBROS DE PAZ DE 6 A 9 ANOS
LIBROS DE PAZ DE 9 A 12 ANOS.
PELÍCULAS DE PAZ.