ABRIL, MES DO LIBRO II: Contos musicados.

Neste mes de abril, MES DO LIBRO, tamén na aula de música falan de libros, a profe Isabel está levando a cabo un proxecto titulado: 

"Falemos de libros musicados". 

No corredor de acceso á aula de música, temos unha exposición dun bo número destes libros, acompañados dunha foto do músico ou músicos que participaron, e unha breve explicación. Non deixedes de visitar esta interesante exposición. 
Aquí vos deixamos unha pequena mostra.

Parabéns pola iniciativa!!!

ABRIL, MES DO LIBRO I

Dentro das actividades programadas para o mes de abril,  "MES DO LIBRO", temos a visita de dous fantásticos ilustradores:
O vindeiro xoves día 11, recibiremos a Pablo Otero, que impartirá un obradoiro de Ideogramas e Caligramas, para o 3º ciclo.
 E o xoves 25 de abril, recibiremos a visita de María Lires. Recordade que é a ilustradora do libro que lle da nome á nosa biblioteca: "Soños de andel", pero tamén de moitos outros libros de literatura infantil e xuvenil, cos que estivemos traballando na área de Ed. Artística. Aquí tedes un enlace á listaxe deses libros, por se queredes mercar algún para telo asinado.
Libros María Lires.

 Dúas mostras do noso traballo 

con ilustracións de María.

PROGRAMACIÓN ABRIL, MES DOS LIBROS.

ROTEIRO PLAMBE-FERROLTERRA XIV

Nesta ocasión a xuntanza do Plambe Ferrolterra tivo lugar na Biblioteca do CEIP Santiago Apostolo de Franza. Unha biblioteca con moita maxia. Dende aquí queremos agradecerlles a súa fantástica acollida e darlles os parabéns polo seu traballo. Foi unha xornada moi interesante. Enlazamos a completísima reportaxe que Loly Lago  fixo no blog do Segrel. Grazas tamén a Loly por compartir con todos nós esta entrada.

Concurso: FOTOPOEMA

Xuntando a celebración do DÍA DA POESÍA E DÍA  DO LIBRO 2013,

A BIBLIOTECA CONVOCA O CONCURSO:

FOTOPOEMA.

Nesta presentación poderás acceder ás bases do concurso e a todos os poemas que están expostos nos taboleiros da entrada do colexio. Anímate, colle un poema, e deixa voar a túa imaxinación.

Día mundial da POESÍA, tamén con TEATRO.

O xoves 21 celebramos o Día da Poesía. Xuntámonos no Recanto dos Contos e comezou o alumnado de 6º curso facendo unha presentación, na que nos dixeron cousas moi interesantes  sobre a poesía.
Algunha da información recollida nesta presentación, ten como fonte unha páxina do CEIP de Quintela en Moaña. adicada a como ler poesía. Grazas por compartila con todos nós.
Tamén nos comentaron as bases do concurso FOTOPOEMA e cantamos  a canción "María e a poesía" do libro "A nena e o grilo nun barquiño".

Pero o acto central xirou entorno a Frederick, un rato moi especial, que nos axudou a comprender o que un poeta. Na representación teatral deste conto, participaron alumnas e alumnos de varios cursos, dende aquí queremos darlles os nosos parabéns pola súa fantástica actuación . Deixámosvos unha pequena reportaxe.

MOCHILA VIAXEIRA 1º Primaria

As nenas e nenos do 1º curso de Primaria realizan unha fantástica actividade antes de intercambiar a mochila viaxeira. Xúntanse na Biblioteca para comentar o seu contido:

• O que máis lles gustou de cada un dos libros.
• As súas opinións sobre o CD de música e o xogo  de PC
• O que escribiron ou debuxaron  no caderno viaxeiro...

Toda unha sesión literaria  e un intercambio de opinións acerca de música, xogos e sobre todo LIBROS.

Parabéns por esta iniciativa!!!

XORNADAS DE LECTURA LITERARIA

 Asistimos ás Xornadas de Lectura Literaria organizadas polo CFR de Ferrol que baixo o título "Bibliotecas Escolares para Lectores do Século XXI" nos achegan a catro fantásticos autores:  Emilio Pascual, Eliacer Cansino, Carlos Negro e Paula Carballeira e que se desenvolveron en distintas Bibliotecas Escolares da Comarca. 

Recollemos nestes enlaces as reportaxes que Loly Lago foi recompilando no blog "O Segrel do Penedo". Grazas por estas estupendas entradas!!!

Xornadas de Lectura Literaria I - Emilio Pascual

Xornadas de Lectura Literaria II - Eliacer Cansino

Xornadas de Lectura Literaria III - Carlos Negro

Xornadas de Lectura Literaria IV - Paula Carballeira

AS MULLERES QUE NOS RODEAN...

Dende o xoves, dia 7 de marzo, iniciamos no colexio a exposición oral dos traballos que todo o alumnado do centro realizou con motivo da celebración do "Día Internacional da Muller". 
Co título As mulleres que nos rodean, cada un de nós, incluidos os mestres,  trouxemos unha foto dunha muller moi especial nas nosas vidas, e escribimos un texto breve ou pé de foto. Despois xuntámonos no Recanto dos Contos para presentar os nosos traballos.
Aquí tedes unha mostra:

Na Biblioteca, temos á vosa disposición, unha selección de libros coeducativos, 

que podedes consultar nestes enlaces: 

Educación Infantil e 1º ciclo.

2º e 3º ciclo 

8 de Marzo, DÍA INTERNACIONAL DA MULLER.

O día 8 de marzo celébrase o Día Internacional da Muller.

Este curso, estamos levando a cabo un proxecto titulado: "As cores de Galicia", adicado á pintura e á ilustración en Galicia. Co motivo desta celebración, dende o noso cole, queremos adicarlle un apartado especial ás pintoras e ilustradoras galegas, esas mulleres capaces de facer que todo un mundo palpite nos seus cadros e nas súas ilustracións.

Por iso, na Biblioteca, creamos un novo blog e un caderno de actividades.
Enlaces:

As cores de Galicia, PINCELADAS DE MULLER.

Caderno de actividades