Esta é a NUBE DE ETIQUETAS (Tag Cloud) do noso Biblioblog, creada en Wordle.
Vía A Nosa Biblioteca.
Blog da Biblioteca do CEIP Plurilingüe de Andrade-Pontedeume.
5/7/08
22/6/08
FESTIVAL FIN DE CURSO, GRADUACIÓNS.
O Venres día 20, para celebrar o Fin de Curso e como homenaxe aos Graduados en Ed. Primaria, que pasarán para o instituto, fixemos un FESTIVAL na sala de múltiples con actividades moi variadas: bailes, cancións, recitados e ata trucos de maxia.
Ao remate, o director fixo entrega dos diplomas aos graduados, aos mellores lectores/as deste 3º trimestre e ao grupo de 6º curso colaborador da Biblioteca.
Noraboa a todos/as e felices vacacións de verán!!!!!!!
18/6/08
EXCURSIÓN FIN DE CURSO
Este curso 2007/08 as alumnas e alumnos do 3º ciclo realizaron unha excursión a Ribadesella.
As fotos deste video falan por si soas. "No comment".
A Comunidade Educativa do cole de Andrade desexamos aos alumnos e alumnas de 6º moita sorte na súa nova andadura. Esperamos que as leccións e consellos recibidos aquí vos servan de axuda.
Agradecer aos membros do equipo colaborador da biblioteca: Patricia, Candela, Noelia R., Lydia, Silvia, Laura, Óscar e Rocio a súa implicación e entusiasmo.
Grazas por deixarnos ser unha parte importante das vosas vidas.
OS NOSOS RECORDOS DURARÁN TODA UNHA VIDA. GARDA OS MELLORES.
EXCURSIÓN FIN DE CURSO 07/08 from Andrade on Vimeo.
6/6/08
XA TEMOS FROITA !!!
O 5 de Marzo realizamos a primeira plantación escolar, no recinto exterior do colexio, das seis variedades recoñecidas da MAZÁ EUMESA. Con isto, a Asociación Galega da Froita Autóctona do Eume (AGAFA), iniciaba as súas actividades para transmitir a cultura da froita da comarca. Previamente impartiran unha charla na Biblioteca do centro.
O venres día 6 de Xuño, recibimos a visita de tres membros desta asociación que nos reuniron a todos e todas entorno ás árbores para explicarnos a súa evolución e os coidados que precisan nesta época do ano.
Fixeramos seis grupos, e cada grupo tivo que ocuparse da súa árbore. Desas árbores xa brotaron os primeiros froitos, que nos anuncian a próxima chegada do verán.
O SOL SOL SOL
QUENTABA
NA HORTA.
O SOL SOL SOL
QUEIMABA
NA PORTA.
O SOL SOL SOL
CABELOS
DE OURO.
O SOL SOL SOL
GARDABA
UN TESOURO.
O SOL SOL SOL
O SOL LACAZÁN
ANUNCIA O VERÁN.
Antonio García Teijeiro.
PAREADOS
Os nenos e nenas de 3º curso fixemos uns pareados cos nomes de todos/as os compañeiros/as da clase e tamén co nome da profe; despois gravámolos. Este é o resultado final .
"UN RATIÑO CHAMADO COLORÍN"
Para rematar as actividades do mes das LETRAS GALEGAS as alumnas e alumnos do 1º ciclo de primaria despois de ler e traballar algúns poemas de X.M.Álvarez Blázquez, decidiron elexir o conto dun ratiño chamado "Colorín" que está moi, moi namorado. Está baseado nun conto titulado "O máis forte" e a canción de Mama Cabra: "Nunca reparas en mín".
Comeza así:
En certa ocasión, unha fada ía dando un paseo pola súa fraga. Ao chegar á beira do río, detívose a buscar un lugar por onde cruzar sen mollar os pés. Nisto, oíu uns berros que pedían auxilio. Mirou ao alto e viu....
5/6/08
Actividades con LIM: "O NENO MAIO"
No colexio formamos un grupo de traballo para elaborar materiais didácticos relacionados cos "MAIOS", e mais concretamente os Maios na nosa zona. Estas son as actividades que fixemos co programa LIM.
A introdución é a mesma nos tres ciclos, as actividades vanse ampliando. En cada un dos ciclos elaboramos un Maio diferente, no 1º ciclo: "O PALLEIRO", no 2º ciclo: "O CRUCEIRO" e no 3º ciclo: "OS ARCOS".
1/6/08
"O País dos Ananos"
O Martes, 27 de Maio, os alumnos/as do 1º, 2º e 3º ciclo de Primaria do noso cole tiveron a oportunidade de visitar un plató de televisión e participar nunha gravación do programa: "O PAÍS DOS ANANOS"
Sinopse de “O país dos ananos”:
Rapaces galegos de Primaria, entre 6 e 11 anos, exporán en voz alta e clara, sen atrancos, a súa visión do mundo, da vida dos adultos e de si mesmos. Saber como viven e como pensan hoxe os nenos e nenas galegas ofrece unha idea de como se irá conformando a sociedade galega do futuro, ou esa é unha das ideas do programa, que está presentado por Belén Regueira e dirixido por María Yánez. Os rapaces e rapazas entrevistarán a persoas galegas coñecidas polo público ou relevantes polo seu traballo a quen poden chegar a retar para realizar algunha acción mellor ca eles. Os nenos/as tamén serán autores de reportaxes realizadas no exterior mediante as que amosarán o mundo desde o seu punto de vista particular.
Sinopse de “O país dos ananos”:
Rapaces galegos de Primaria, entre 6 e 11 anos, exporán en voz alta e clara, sen atrancos, a súa visión do mundo, da vida dos adultos e de si mesmos. Saber como viven e como pensan hoxe os nenos e nenas galegas ofrece unha idea de como se irá conformando a sociedade galega do futuro, ou esa é unha das ideas do programa, que está presentado por Belén Regueira e dirixido por María Yánez. Os rapaces e rapazas entrevistarán a persoas galegas coñecidas polo público ou relevantes polo seu traballo a quen poden chegar a retar para realizar algunha acción mellor ca eles. Os nenos/as tamén serán autores de reportaxes realizadas no exterior mediante as que amosarán o mundo desde o seu punto de vista particular.
CADERNO VIAXEIRO: 1º Ciclo
A "Mochila Viaxeira" do 1º Ciclo percorreu xa as casas de varios alumnos e alumnas de 1º e 2º. Estes son algúns dos comentarios recollidos no "Caderno viaxeiro" que acompaña á Mochila.
PREME EN OPEN PUBLICATION PARA VELO EN PANTALLA COMPLETA.
Suscribirse a:
Entradas (Atom)
Quizais tamén che interese
