20/12/17

GUÍA NADAL 2017


Clica na foto para acceder á Guía de Lecturas Nadal 2017



"LER E XOGAR CON ROBOTS NO NADAL"

https://drive.google.com/file/d/1s3_-dKaboCqR1tZ80jwZtrKTAfgnF4FQ/view?usp=sharing

Bo Nadal e Felices lecturas!!!

19/12/17

POEMAS PARA ...

Dende a Biblioteca fixemos unha selección de poemas adicados a Cristina, unha mestre moi querida por tod@s nós, que leva moitos anos traballando no colexio, e que se xubila neste mes de decembro.
Estes fragmentos de poemas van acompañados de fotos, e debuxos elaborados polo alumnado de Centro.
Serán recitados polos mestres, e os nenos e nenas aos que Cristina, mestre de PT, lles daba clase.
Aquí os tedes:



Tamén varios alumn@s interpretaron unhas pezas musicais:
IAGO DE 3º CURSO, VIOLÍN
ISABEL DE 6º CURSO E CLAUDIA DE 4º, GUITARRA
E ARTUR DE 6º CURSO, PIANO.



Moitas grazas Cristina e ata sempre!!!

3/12/17

25 N. DÍA CONTRA A VIOLENCIA DE XÉNERO.


O venres 24 de novembro xuntámonos no recanto dos contos para reflexionar sobre a violencia de xénero. Fixémolo a través da representación teatral dun fermoso conto que nos deixou a nosa mascota Raioteca, titulado: "GUAPA".
Guapa é unha historia cargada de humor sobre a presión  que exerce a sociedade para alterar a nosa aparencia co fin de apegarnos ao ideal de beleza.


I CONCURSO DE CONTOS DE MEDO



Co motivo da celebración do Samaín, convocamos no colexio o primeiro concurso de Contos de Medo.
Deixámosvos unha pequena reportaxe fotográfica dos momentos da lectura dos contos, e da posterior entrega de diplomas.


Moitas grazas a tod@s polos vosos relatos. 
Parabéns!!!



Bases do concurso:

Resolución do concurso:


SAMAÍN 2017


O martes 31 de outubro celebramos no noso recuncho dos contos o Samaín coa lectura do libro "O Noso Samaín" de Loretta Birott. 
Dende a Biblioteca recomendamos este libro, porque coa súa lectura coñeceredes a orixe dunha das  noites máis especiais do ano, unha festa chea de maxia, onde case todo pode acontecer. Viaxaredes pola súa historia, e viviredes esta festa como sempre se fixo aquí, na nosa terra.


Celebramos o DÍA DA BIBLIOTECA



21/10/17

DÍA DA BIBLIOTECA 2017


O vindeiro martes celebraremos no cole de Andrade o Día da Biblioteca.

ACTIVIDADES CO ALUMNADO

1.- Breve explicación de por que se celebra o día 24 de outubro; presentación do cartel, e unha breve reseña do texto elixido este ano.

2.- A nosa mascota, Raioteca, preséntanos á súa curmá Roboteca e ao robot amarelo, que serán os que nos vaian amosando as diferentes actividades do noso PDI anual titulado: 
"Roboteca sae á horta".

3.- A nosa mascota agasállanos cunha fermosa historia, unha adaptación do libro titulado :”O neno que tiña medo dos robots” “O robot que tiña medo dos nenos” que interpretará o alumnado de 6º curso.

ACTIVIDADES COS MESTRES

1.- Comunicamos aos Mestres que dende a Biblioteca creouse unha wiki para recompilación de tódalas actividades relacionados co PDI anual: enlaces de interese, actividades con escornabots, recursos …

2.- Informamos tamén da creación na Biblioteca dun recanto específico onde poden atopar todo o material relacionado co noso Proxecto Documental:  xogos, libros de ficción, informativos, multimedia….


12/10/17

Descubrindo Escornabots

É certo que as persoas aprenden ao longo da vida e se non mirade estes mestres como pasan a tarde descubrindo Escornabots.


Os Escornabots baixan a infantil

Con este proxecto pretendemos desenvolver no noso alumnado habilidades, capacidades e competencias clave a través de pequenos retos de aprendizaxe empregando neste caso a estes novos amiguiños que viven na nosa biblioteca.
A primeira toma de contacto do alumnado de infantil cós Escornabots deixounos unhas imaxes inesquecibles.















26/9/17

Man robótica

Ola amiguiños!
Son eu.... Raioteca.
Fai dúas semanas xa que lles fixera unha propostas aos vosos compañeiros de sexto curso. Lles pedín que elaboraran unha man robótica e aquí vós deixo o resultado do seu traballo. Aínda que teñen algún erro... lles dou a enhoraboa polo seu esforzo.
Grazas


http://larpeiradasdepalabras.blogspot.com.es/2017/09/mans-roboticas_26.html

9/9/17

ROBOTTECA

No verán Raioteca estivo moi, moi ocupada e xa temos un espazo creativo.
Esperamos que vos guste e que o aproveitedes moito.





Aprender a pensar coa biblioteca escolar: Robotteca

Como sabedes o cole participa no proxecto Escornabot. Cada vez son máis as bibliotecas escolares integradas dentro do movemento maker, creando espazos na biblioteca dende o que facer traballos moi variados, xa que este é un lugar de reunión nel que poñer en común o coñecemento e realizar de forma colectiva traballos variados. Ademais, a robótica resúltalles moi interesante e atractiva aos rapaces e favorece a aprendizaxe autónoma, engloba moitas outras ciencias (matemáticas, física, electrónica, programación, ciencias naturais...) e promove a autonomía e o progreso constante.
Para Jeff Sturges, fundador del makerspace Mt. Elliot, en Detroit, a integración destes espazos nas bibliotecas é un reto, xa que a maior parte da xente pensa que as  bibliotecas son lugares silenciosos e os makerspaces son todo o contrario, moi buliciosos. Sturges considera que as bibliotecas non só teñen que almacenar información se non tamén xerar coñecemento.

No mes de maio Raioteca propúxo unha actividade na que cada neno e nena fixera a súa proposta para nomear o espazo creativo da nosa biblio.

Moitas foron as propostas:
Creacuncho.
Imaginadre.
Robotteca.
A opción máis votada foi...
Robotteca

14/6/17

VERÁN 2017: Guía de Lecturas e Empréstitos.


Este ano continuamos cun servizo iniciado no curso 2013/2014:

O EMPRÉSTITO DE VERÁN:

Todo o alumnado de Primaria poderá levar libros en préstamo para o verán, e terá que devolvelos ao comezo do vindeiro curso 2017/2018 dentro da mesma bolsa no que lle foron entregados.

Deixámosvos tamén unha guía de lecturas moi refrescantes:
"Ler no verán"


21/5/17

Montando Escornabot: Vídeo práctico

Xa estamos listos para montar os nosos Escornabot e para non esquecernos de ningún paso aquí vos deixamos un vídeo práctico.



PROPOSTA DO DÍA DO LIBRO 2017:

Esta é a historia dun pai e dunha nena... Non, mellor non... Esta é a historia dun pai e dun neno... Tampouco... Esta non é ningunha historia. “Cousas de papá” é un libro de poemas escritos por un pai algo tolo e moi divertido, que viaxa en vasoira, constrúe hidroavións de papel, escorrenta os pesadelos e domina á perfección a linguaxe da fantasía. Das dezasete composicións que conforman o poemario, dez están musicadas por Héctor Lorenzo no CD que acompaña o libro. Música e poesía para xogar cos versos. Unha fantástica proposta de Raioteca para o alumnado de Educación Infantil polo día do libro deste ano.



PROPOSTA DÍA DO LIBRO 2017: OBRADOIRO KALANDRAKA

O pasado venres día 19 de maio a Editorial Kalandraka propúxolle aos nenos/as de 5º e 6º curso de Educación Primaria un obradoiro de escrita. O ilustrador Pablo Otero, acompañóunos nunha mañá moi creativa na que os rapaces tiveron que elaborar unhas postais moi orixinais partindo dunha foto antiga e un obxecto. Parabéns! O resumo desta mañá en imaxes.










Este ano Raioteca seleccionou unha serie de libros relacionados co Proxecto Interdisciplinar de Centro "Hábitos de vida saudable". Neste caso A cociña de Toto Murube foi o punto de partida para este obradoiro.

A persoaxe principal deste libro chámase Toto Murube, o cal non tivo sorte na vida; de condición humilde, non puido estudar, nin sequera aprendeu a ler. Quizais por iso era un mendigo máis a vagar pola gran cidade. Algunhas noites, mentres durmía no chan do caixeiro dun banco, soñaba que a súa sorte cambiaría e que chegaría a comer o mundo. Que inxenuo, verdade? Aínda que… ás veces, a realidade supera ata os mesmos soños. Despois de “Sopa de soño”, José Antonio Ramírez Lozano volve apostar pola gastronomía das palabras e da imaxinación cunha divertida historia ambientada nun contexto que non é alleo ás adversidades do noso tempo. No restaurante máxico de Toto Murube non hai garfos nin culleres, nin fumes nin restos de comida. As súas receitas sacian e alimentan a fame do mundo enteiro: ensalada de etiquetas, filetes de capricornio, peras en verso... Menús insólitos e saudables que fortalecen a creatividade dos comensais/lectores. Pablo Otero acompaña este exótico recetario cunhas ilustracións sinxelas que xogan coa cor, coa xeometría e co alfabeto. 
José Antonio Ramírez Lozano (Nogales, Badaxoz, 1950) Poeta, narrador e profesor de Literatura en Educación Secundaria. É autor de varios libros de narrativa e de relato xuvenil; entre eles, “Sopa de soño e outras receitas de cocociña” (Kalandraka). Na súa ampla traxectoria recibiu máis dunha vintena de premios, entre os que figuran o Juan Ramón Jiménez, o Rafael Alberti e o VIII Premio Nacional de Poesía Real Sitio y Villa de Aranjuez. 
Pablo Otero (Ourense, 1970) Estudou na Facultade de Belas Artes de Pontevedra. Os seus debuxos, esculturas e pinturas expuxéronse en diversas galerías galegas. A súa traxectoria artística tamén está relacionada coas escenografías para teatro e a creación de cartaces. Recibiu, entre outras distincións, o 1º premio de escultura no I Salón de Arte Xove de Ourense (1992) e un accésit do Premio Lazarillo. Como ilustrador, destacan títulos como “O príncipe das sombras”, “Gramática da fantasía”, “Contos por teléfono” (Premio Isaac Díaz Pardo de Ilustración 2011, Asociación Galega de Editores) e, tamén como autor, “ABCdiario” (Kalandraka). 

13/5/17

NOTICIÓN, NOTICIÓN

No mes de abril presentámonos a convocatoria da Dirección Xeral de Centros e Recursos Humanos, no contexto do Plan LÍA de bibliotecas escolares (Lectura, Información, Aprendizaxe), do proxecto  "Escornabots na biblioteca escolar", para a introdución dos robots e da linguaxe de programación nas bibliotecas escolares dos centros que matriculan alumnado de educación infantil e primaria, integrados no Plan de mellora de bibliotecas escolares.
Este programa, iniciado en 2016,  pretende estimular a iniciación do alumnado de infantil e primaria no campo da robótica e na linguaxe de programación a través de actividades manipulativas e outras,  programadas desde a biblioteca escolar, mediante a utilización de pequenos robots, os Escornabots, deseñados dentro dun proxecto de hardware libre, cunha evolución aberta á comunidade. Búscase, así mesmo, ampliar as linguaxes presentes na biblioteca, promover a expresión oral, a alfabetización múltiple, o razoamento lóxico, a aprendizaxe manipulativa, o xogo, a investigación e o traballo colaborativo de profesorado e alumnado.
E a gran NOTICIA é que o próximo ano chegan OS ESCORNABOTS. Esta iniciativa intégrase no contexto dun modelo de biblioteca aberto ás distintas linguaxes co fin de favorecer a alfabetización múltiple , no que se promove a expresión oral, a aprendizaxe manipulativa, o xogo, a investigación e o traballo colaborativo de profesorado e alumnado.

Estamos emocionados...

Se premedes na imaxe podedes acceder a máis información deste proxecto.

Resultado de imagen de escornabot

11/5/17

PROXECTO DÍA DO LIBRO 2017.

Seguindo o PDI do Centro: "Hábitos saudables", dende a Biblioteca, plantexamos a elaboración dun álbum ilustrado no que participe todo o alumnado. O tema: "Alimentación Saudable", e o título será elixido unha vez rematado o traballo.
Faremos fotos dos nen@s que representen o texto con formato viñetas, bocadillos ou pé de foto.
Apartados:
1.- As catro comidas do día (Ed. Infantil)
2.- Consellos para as túas comidas. (1º e 2º curso)
3.- Aprendemos a comer. (3º e 4º curso)
4.- Coñece os alimentos (5º e 6º)

Este é o fantástico resultado final.
Parabéns a todos e todas polo voso traballo!!!!!

 

4/5/17

SEMANA DO LIBRO 2017: Apadriñamentos lectores.


O alumnado de 6º, 5º e de 4º curso de Primaria comparte lecturas coas nenas e nenos de Educación Infantil, 1º ,2º e  3º curso de Primaria.

Os padriños e madriñas preparan o conto que lle van ler aos seus afillad@s e ao día seguinte, na "Hora de Ler", acoden ás aulas a buscalos. 
Os padriños e madriñas elixen o libro e o lugar onde queren estar. Pode ser en calquera sitio do colexio.

As fotos falan por si solas. A experiencia é moi gratificante.
Parabéns !!!



Apadriñamentos lectores 2017 - Kizoa Editar Videos - Movie Maker

2/4/17

Día da muller traballadora e hábitos de vida sudable.

Co gallo da celebración do Día da muller traballadora (8 de marzo), o Equipo de Dinamización da Língua Galega decidiu invitar a mulleres relacionadas con profesións vinculadas ao Proxecto de Centro que este curso estamos desenvolvendo:  "Vida saúdable", neste caso pensamos en alguén vínculada ao mundo do deporte. 
O 31 de marzo contamos cunha muller que non só destacou facendo do deporte o eixe da súa vida se non que é unha muller loitadora pola igualdade, no fútbol profesional, entre homes e mulleres. 


María Luisa Villa Gutiérrez (Marisa), é a coordinadora da arbitraxe feminina do Comité Técnico de Árbitros Nacional.
Naceu en Puebla de Don Rodrigo (Ciudad Real).
Empezou no mundo do fútbol sendo entrenadora das escolas deportivas do seu pobo, formou equipos en todas as categorías dende as categorías base.
En xuño de 2004 conseguiu pasar á Liga de Fútbol profesional e un ascenso a 2ª división. O 14 de xullo de 2007 convértese na primeira muller árbitra da 1ª división de fútbol.
Marisa, deixou a arbitraxe tras unha brillante traxectoria de 17 anos e case 100 partidos internacionais entre os Xogos Olímpicos e campeonatos da UEFA e da FIFA.
Darlle as grazas a esta muller por aceptar a nosa invitación. Foi unha charla moi enriquecedora que mestres e alumnos desfrutamos.
Falounos da súa profesión e da importancia do deporte na súa vida.




6/3/17

QUEIMA DOS MECOS VIAXEIROS

O venres 3 de marzo de 2017  rematou  o Entroido no CEIP Plurilingüe de Andrade.
Entérramos as ganas de troula e gardamos os disfraces.
Queimamos os mecos viaxeiros deste Entroido inspirado nunha viaxe polo mundo.
Aínda que a chuvia estivo presente nesta queima fomos capaces de escoitar o Testamento e queimar os mecos polos males que fixeron.

Aquí tedes un resumo do acontecido en imaxes.










3/3/17

ENTROIDO 2017: UNHA VIAXE POLO MUNDO




Un ano máis, celebramos o Entroido no CEIP de Andrade. O tema elixido foi unha viaxe polo mundo. Así que os nosos mecos, que son moi viaxeiros, foron por todo o mundo: Asia, América, África, Oceanía...  
Os nenos e nenas do cole, prepararon con moita ilusión uns bailes moi marchosos, representando aos distintos continentes do mundo.
Os máis pequenos do cole cruzaron o Océano Atlántico para facer as Américas e ao seu paso por México, descubriron unha danza moi vistosa do estado do Hidalgo. Os bailaríns chamados "matlachines", vestían faldas de cores vivos e túnicas longas.


Os Maoríes foron un pobo moi viaxeiro. Navegando nas súas wakas (canoas) descubriron e colonizaron as illas de Nova Zelanda. Este pobo son os tangata whenua, un pobo indíxena de Nova Zelanda. Chegaron alí fai máis de mil anos dende a súa terra natal na Polinesia de Hawaiki. Hoxe en día, o pobo maorí, representa o 14% da súa poboación.
O alumnado de 1º, prepararou un baile chamado Haka, que este pobo fai con berros e golpes rítmicos para recibir aos visitantes e intimidar aos adversarios.
Na súa andaina polo mundo, estos mecos viaxeiros atoparon moitos nenos e nenas aos que non se lles respectan os seus dereitos. Os rapaces de segundo, prepararon unha canción dos Dereitos Universais, xa que todas as persoas nacemos iguais aínda que teñamos diferentes idiomas, razas ou relixións. Polos distintos países por onde foron pasando estes nenos, fóronse vestindo como os habitantes deses lugares, polo que disfrazáronse con traxes de todo o mundo e cantaron unha canción dos dereitos dos nenos e das nenas.

Os nenos e nenas de terceiro viaxaron a África onde percorreron o famoso deserto do Sáhara. Alí aprenderon unha danza saharaui que troxeron ata Andrade para compartir con todos os asistentes ao festival.
                                       
Da súa viaxe a Brasil os alumnos de cuarto, trouxéronnos un baile con ritmo de samba.
Os nenos e nenas de quinto e sexto fixeron unha viaxe a Asia, onde descubriron os avances da industria cinematográfica da India. Fixeron unha representación dunha canción típica dese país chamada "Marjani", un canto a liberdade.
Despois destas actuacións tan boas, compartimos uns doces de Entroido que as familias fixeron na casa.



O Concello de Pontedeume estivo presente no cole, e cando estabamos rematando a degusntación de doces típicos destas festas recibimos a visita duns zancudos.


Quizais tamén che interese

Related Posts with Thumbnails