28/11/07

XUNTANZA NA BIBLIOTECA

O xoves 22 de Novembro, a nosa mascota, RAIOTECA, convocounos para dar as grazas a todos os participantes que fixeron posible a creación dos libros: "Receitas de Outono" e "Receitas de Bruxos". Houbo agasallos para todos e todas e especialmente para as receitas máis votadas, xa que a cada unha asignámoslle un número e despois de estar expostas durante aproximadamente dúas semanas, todos os alumnos/as do Centro votaron a receita que lles pareceu máis orixinal, sabrosa, mellor presentada ,etc.

Ese día os rapaces e rapazas de 1º e 2º representaron unha das súas receitas de bruxos e ao remate houbo degustación dun bizcoito de froitas de Outono, elaborado polos alumnos/as.


24/11/07

RECEITAS DE BRUXOS

"RECEITAS DE BRUXOS" é unha recopilación de receitas
elaboradas polos nenos e nenas de 1º e 2º curso. Están feitas
cos ingredientes máis insospeitados: sapos, pelos de rato, cobras,
arañas, lesmas...

DOUS NOVOS LIBROS

Grazas á colaboración de todas e todos os alumnos/as do colexio,
creamos dous novos libros para a nosa Biblioteca:
"RECEITAS DE OUTONO"e"RECEITAS DE BRUXOS".
As "Receitas de Outono" divídense en catro apartados:
-. Receitas con castañas e noces
-. Receitas con mazás
-. Receitas con cabaza
-.E outros ingredientes propios do outono .
Os creadores da portada son os nenos/as de E. Infantil
de 4 e 5 anos. Os creadores da contraportada os alumnos/as
de E.Infantil de 3 anos.
Ahí tedes unha pequena recopilación dalgunhas das receitas.
Hai moitas máis.


VESTÍMONOS DE OUTONO



Nas noites de Outono
anda o vento ás ceibas
¡Acochádevos todos!
¡Zoa a carballeira!

As pobres castañas
pingan en ringleira
¡Preparade as cestas!
¡Zoa a castiñeira!

Nas noites de Outono
detrás da lareira
facemos magostos
e contamos lendas.

4/11/07

VISITA A SANTIAGO

O Martes 30 de Outubro todos os alumnos/as do CEIP de Andrade partimos cara Santiago para facer un montón de actividades: Visita ao PARLAMENTO GALEGO, coa realización dun taller de Reciclaxe de papel. Visita a GALICIA DIXITAL ,con viaxe submarina polo mar de Galicia, destellos en 3 dimensións, montaña rusa, percorridos virtuais, imaxes panorámicas de 360 graos de lugares emblemáticos galegos. E por último, por suposto ,unha visita á CATEDRAL. Foi unha saída moi aproveitada e que todos e todas disfrutamos moito. Agora faremos unha exposición cos traballos inspirados nestas experiencias tan intensas vividas en Santiago. Seguro que saíran cousas moi interesantes. RAIOTECA espera con ansiedade.

Quizais tamén che interese

Related Posts with Thumbnails