21/12/16

GUIA NADAL 2016

                 

                   Como todos os anos mandámosvos unha selección de libros. Este ano teñen que ver coa nosa parte emocional á cal, en moitas ocasións, non lle prestamos a atención que merece.



20/12/16


             Como cada ano a nosa mascota, Raioteca, deixou un agasallo moi especial para os encargados e encargadas de Biblioteca. A súa labor na Biblioteca é fundamental, entre outras cousas:
          -Axudan a cumprir as normas, 
          -A localizar libros que precisan os/as compañeiros/as, 
          -A colocar correctamente nos seu estante os libros que se devolven, 
          -A gardar os libros estragados no apartado de libros para reparar...
         Por todo iso,

MOITAS GRAZAS E BO NADAL!!!


18/12/16

Teatro del Andamio

             

            Hola a todos aunque con un poco de retraso os quiero contar la visita al colegio del Teatro del Andamio. 
            Hace tiempo que tuvimos que dejar de ir al teatro porque dada la ubicación de nuestro centro que nos obliga a usar el autobús como medio de transporte hace que muchas actividades se encarezcan enormemente por lo que poder ver una obra en el centro nos pareció una oportunidad fantástica .
            La representación fue Caperucita en el desván, una adaptación muy creativa del clásico, muy divertida y en la que los niños participaron y se divirtieron mucho.
















1/12/16

Día internacional da eliminación da violencia contra a muller.



O pasado venres 25 de novembro solidarizámonos no noso cole con todas a mulleres que están a sufrir en silencio a violencia, e berramos ben alto que a muller non é escrava de nada ni de ninguén. Os/as alumnos/as de sexto adaptaron o libro de Fina Casalderrey "Xela volvéuse vampira" e os de quinto fixeron a representación. 
O traballo en equipo deu os seus froitos, porque quedou unha obra moi entretida e con significado, xa que a protagonista, Xela, unha mestra moi querida polo seu alumnado, sofre unha grande transformación despois do seu casamento, para saber cal é o motivo deste cambio, vos animamos a ler este libro que é moi doado.



Aquí vos deixamos un resumo da representación en fotos.


Para rematar o acto os actores e actrices de quinto repartiron un corazón lila feito por eles.

No Bloggue Educando en igualdade atoparedes moitos recursos para traballar o tema da violencia contra a muller, só tedes que picar na imaxe:




28/11/16

DÍA DO PEÓN

Nesta edición o acto central do Día do Peón desenvolveuse no MELGA (Museo Etnolúdico de Galicia).No cole tamén celebramos este día baixo o lema: “Polo San Martiño, peóns ao camiño”. O fixemos o venres 11 de novembro.Trátase dun dos xogos máis antigos que existen. A súa orixe non está moi clara, aínda que atopáronse evidencias da súa existencia na maioría das culturas do mundo dende tempos moi lonxanos. Alí polo 4.000 antes de Cristo, xa había peóns, tal e como se conclúe tras o descubrimento de restos arqueolóxicos que datan desta época.

Resultado de imagen de peonzas y romanos

Resultado de imagen de peonzas chinas

Tamén os nenos e nenas da Idade Media xogaron cos peóns, aínda que nesta época parece ser que o seu uso estaba ligado a cerimonias de distinta índole.
Foi na China e no Xapón un xogo moi popular. E na actualidade moitos rapaces queren amosar a súa pericia innovando con trucos e incluso facendo coreografías.

 Wood spinning top on white background and string.
Os titores tiñan acceso a unha presentación explicativa sobre o tema, a cal traballouse nas aulas. Ás 12.30h xuntámonos no patio para bailar o peón. 
Resultou unha actividade moi divertida e aprendimos un montón:
  • As orixes do peón.
  • Fabricación.
  • Tipos.
  • Como xogar?
  • Xoguete universal.
  • E referencias para ampliar información.
Na páxina de Brinqueida tedes información sobre este e outros xogos tradicionais. Só tedes que picar na imaxe.

8/11/16

IX Festa da Froita

Un ano máis, e xa van nove, celebramos a Festa da Froita no noso cole. Queremos darlle as grazas a colaboración da Asociación Galega  Froita Autóctona do Eume (AGFA).

 Aquí vos deixamos un vídeo resumo.




26/10/16

Saída Outeiro de Rei: Letras Galegas 2016

Como sabedes o pasado mes de xuño non puidemos facer a saída a Outeiro de Rei có obxectivo de visitar o lugar de nacemento do homaxeado nas Letras Galegas 2016, Manuel María, así que como o prometido é débeda o pasado martes 27 de setembro... alá fomos!!




NOVOS ENCARGADOS.

Comezamos un novo curso e temos novos encargados.
Os "veteranos" de 6º  e os alumnos de 5º de primaria que son encargad@s nóveles.
Todos eles están moi ilusionados nesta nova andaína que teñen por diante.
Aquí vos deixamos as súas fotos. Parecen contentos...!


16/10/16

PDI Andrade 2017

Ola rapaces!!
Este ano imos desenvolver un proxecto relacionado cós Estilos de vida saudables... 
Por iso... seleccionei algúns libros que temos na biblio para traballar a alimentación saudable, a intelixencia emocional ou a importancia da actividade física. Desfrutade desta andaina que comeza hoxe!

15/6/16

VERÁN 2016: Guía de Lecturas e Empréstitos.



Este ano continuamos cun servizo iniciado no curso 2013/2014:

O EMPRÉSTITO DE VERÁN:

Todo o alumnado de Primaria poderá levar libros en préstamo para o verán, e terá que devolvelos ao comezo do vindeiro curso 2016/2017, dentro da mesma bolsa no que lle foron entregados.

Deixámosvos tamén unha guía de lecturas moi refrescantes:
"Ler no verán"



9/6/16

ALUMNADO COLABORADOR DE BIBLIOTECA.

O alumnado colaborador de Biblioteca  recibíu un merecido agasallo e un diploma polo traballo realizado ao longo do curso, sen a colaboración destes alumnos e alumnas o funcionamento da Biblioteca non sería o mesmo.
Dende aquí queremos darlles as grazas.


7/6/16

MADRIÑAS E PADRIÑOS LECTORES.

O alumnado do 3º ciclo e de 4º curso de Primaria comparte lecturas coas nenas e nenos de Educación Infantil, 1º ciclo e 3º curso de Primaria.
Os padriños e madriñas preparan o conto que lle van ler aos seus afillad@s e ao día seguinte, na "Hora de Ler", acoden ás aulas a buscalos.
Os padriños e madriñas elixen o libro e o lugar onde queren estar. Pode ser en calquera sitio do colexio.

As fotos falan por si solas. A experiencia é moi gratificante.
Parabéns !!!


1/6/16

VISITA Á BIBLIOTECA MUNICIPAL DE PONTEDEUME.


O martes 31 de maio, todo o alumnado de Ed. Infantil foi de visita á Biblioteca Pública Municipal de Pontedeume.

O bibliotecario, Alejandro, esperábaos na Biblioteca para contarlles unha historia moi interesante: "O meniño Nito",  un conto da Editorial Baía, que forma parte da colección Contos da Igualdade.

Moitas grazas Alejandro por esta invitación e 
por esta fermosa historia!!!






31/5/16

MELLORES LECTORES.

Esta semana realizamos na Biblioteca a entrega de premios aos mellores lectores deste 3º trimestre:

4º de Educación Infantil: Lucía Vázquez Carrera.
5º de Educación infantil: Hugo Sánchez Espiñeira.
6º de Educación Infantil: Daniela Bustabad Fernández.
1º Curso Primaria: Carolina Díaz Vila.
2º Curso Primaria: Dafne García Martínez.
3º Curso Primaria: Bruno Blanco Cal.
4º Curso Primaria: Sabela Martínez Campos.
5º Curso Primaria: Antia Díaz Rey.
6º Curso Primaria: María Pardo González.  


PARABÉNS E FELICES LECTURAS!!!



13/5/16

REPARTO DE MARCA PÁXINAS MANUEL MARÍA.


Que mellor xeito de celebrar as Letras Galegas, que repartindo fragmentos de poemas do autor homenaxeado.

Aquí vos deixamos unha pequena reportaxe fotográfica deste reparto dos nosos marca páxinas con poemas de Manuel María, ilustrados polos alumnos e alumnas do colexio.

Esperamos que lles gusten!!!!




12/5/16

MARCA PÁXINAS MANUEL MARÍA.


Todo o alumnado do Centro, desde Ed. Infantil ata 6º de Primaria, fixeron uns marca páxinas cun fragmento dun poema de Manuel María e un debuxo relacionado.

Todos estes marca páxinas serán entregados a diferentes establecementos do pobo: o supermercado, a farmacia, librería ... para ser distribuídos entre os seus clientes.

O que pretendemos con esta actividade é que o traballo do noso alumnado traspase os muros do colexio, que lle vexan unha utilidade, e á vez dar a coñecer fragmentos de poemas do autor homenaxeado este ano, entre a xente máis próxima aos nosos alumnos e alumnas.





9/5/16

MAIOS 2016.






Este curso, como en anos anteriores, no CEIP Plurilingüe de Andrade, celebramos os MAIOS.
Coa colaboración de todo o alumnado do centro e das familias, elaboramos o noso "MAIO DE ARCOS", un precioso maio engalanado con todo tipo de flores.
Participamos no concurso organizado polo Concello de Pontedeume o domingo 1 de maio.

Dende aquí queremos agradecer a colaboración de toda a Comunidade Educativa.
Dende a Biblioteca aportamos un LIM elaborado hai uns anos, pero que consideramos que segue sendo de gran interese.
Tamén temos unha recompilación dos cantos de Maio na Bisbarra Eumesa, elaborada coa colaboración do director da coral de Pontedeume, Xosé Paz (Pepucho).





Programa de Radio en 6º curso

A mestre e o alumnado de 6º curso fixeron unha maqueta dun programa radiofónico para aplicar as novas tecnoloxías na aula, utilizando o spreaker.
Precisamente a entrevista xirou entorno á "Aplicación das TICS na aula, ventaxas e inconvintes". 
Moi interesante!!!! 





26/4/16

DESCUBRIMOS O QUIXOTE II

Tamén descubrimos O Quixote a través da Música e o Ballet.
Neste enlace do blog de Música "Cantos mirados" atoparedes máis información:
IMOS DE CONCERTO: "DON QUIXOTE"


25/4/16

DESCUBRIMOS O QUIXOTE.

Este curso para conmemorar o cuarto centenario da morte de Cervantes plantexamos a actividade:
“Descubrimos o Quixote”.

Haberá dúas modalidades, unha para o alumnado dende 1º ata 3º curso de primaria, e outra para os alumnos/as de 4º a 6º de primaria.
Terán que respostar unhas preguntas relacionadas coa obra do Quixote, e tamén con dúas aventuras “Muiños de vento” e “Os rebaños”.

As respostas atoparannas na información contida nuns códigos QR. O traballo será en grupo e cada grupo disporá dunha tablet e tres cuadernillos que conteñen as preguntas.






UN AGASALLO DA NOSA MASCOTA.


O día 23 de abril, día do Libro, a nosa mascota Raioteca agasallounos cun mural que o artista Ito Mosquera realizou para decorar a nosa Biblioteca.


Moitas grazas Raioteca!!!

(Los peques de la Biblioteca Soños De Andel Ceip Andrade tienen una mascota que se llama Raioteca, se escondió detrás de los libros una vez hemos acabado de decorarla, es muy tímida, pero gracias a su ayuda he podido acabar este trabajo en poquitos días, gracias!!!  
 ITO MOSQUERA)


ABRIL, MES DOS LIBROS.




3/4/16

EXPOSICIÓN DÍPTICOS: "Muller, Poesía e Manuel María"


Rematamos o mes de marzo cunha exposición dos dípticos elaborados por todo o alumnado do colexio, dende Infantil ata 6º curso de Primaria, no que adican un poema de Manuel María, acompañado dunha ilustración, a unha muller especial. 
Atopamos nais, irmás, tías, avoas, curmáns e ata veciñas.
Dende aquí queremos darvos os nosos 
PARABÉNS polo voso traballo!!!





26/3/16

THEATER PLAYS II

Neste mes de marzo no colexio de Andrade asistimos a un ciclo de teatro en inglés, coa representación de tres contos clásicos:

"The Three Billy Goats".
"Cinderella".
"The Three Little Pigs".

O xoves día 10 tivo lugar a segunda representación, a cargo do alumnado de 6º curso.
Desde aquí queremos felicitar aos actores e actrices que tan ben o fixeron.
PARABÉNS!!!
Deixámosvos o vídeo e unha pequena reportaxe fotográfica:

25/3/16

MULLER, POESÍA E MANUEL MARÍA.

O venres 18 celebramos o Día da Poesía, cun recitado de poemas de Manuel María, do seu libro "Os Soños na Gaiola", adicados ás nosas mulleres de cada día:

Os nenos e nenas de Infantil e 1º curso recitaron uns poemas adicados ás mulleres que os axudan, cada día, a descubrir o noso mundo.


Os nenos e nenas de 2º curso recitaron uns poemas adicados ás mulleres que comparten cada día, os xogos con eles.


Os nenos e nenas de 3º e 4º curso recitaron uns poemas adicados ás mulleres que os ensinan a respetar e valorar os animais.


Os rapaces e rapazas de 5º e 6º curso recitaron uns poemas adicados 
ás mulleres que os ensinan cada día o valor das pequenas cousas.

Tamén cantamos catro cancións de poemas musicados de Manuel María: "O meu burriño", "O Grilo", "O meu barco" e "A roda roda"
Enlace ao blog de música AQUÍ .

Ao remate do acto, a nosa mascota Raioteca agasallounos cun poema de Manuel María.





8/3/16

MULLER E POESÍA.

A Biblioteca “Soños de Andel” elabora un díptico co motivo das celebracións deste mes de marzo:
8 de marzo: Día Internacional 
da Muller
21 de marzo: Día Mundial 
da Poesía.
 O "Día da Muller" irá da man do "Día da Poesía", e os dous xirarán arredor dos poemas "Os soños na gaiola", do autor homenaxeado nas Letras Galegas 2016: Manuel María. 
Selección de poemas dos cales cada alumno/a poderá elixir un para ilustrar, e adicar a unha muller moi especial:







7/3/16

THEATER PLAYS

O Día Mundial do Teatro foi creado en 1961 polo Instituto Internacional do Teatro (ITI) e celébrase anualmente o 27 de Marzo. Todos os anos unha personalidade de dimensión mundial redacta unha mensaxe.
Neste mes de marzo no colexio de Andrade asistimos a un ciclo de teatro en inglés, coa representación de tres contos clásicos:
O xoves día 3 tivo lugar a primeira representación, a cargo do alumnado de 4º curso.
Desde aquí queremos felicitar aos actores e actrices que nos fixeron pasar un rato tan divertido.
PARABÉNS!!!
Deixámosvos o vídeo e unha pequena reportaxe fotográfica:

29/2/16

CELEBRAMOS O DÍA DE ROSALÍA.

A AELG propuxo celebrar este día convidando a facer un envío ás familias dunha tarxeta e unha flor. Esta asociación busca desde 2011 institucionalizar o 24 de febreiro como unha xornada de celebración da nosa literatura, animando á cidadanía a agasallar un libro en galego e unha flor nese día.
No noso colexio unímonos a esa iniciativa e cada un dos alumnos e alumnas levaron ás súas casa unha tarxeta cun debuxo dunha poesía de Rosalía, e un fragmento dun poema que Manuel María adicou a Rosalía, titulado "Oración Galega a Rosalía".



ORACIÓN GALEGA A ROSALÍA

Grazas, nai Rosalía, por nos dares
un idioma novo e ben luído.

Grazas pola fala e por cantares
o noso pobo, humilde e esquecido.

Grazas, nai Rosalía, pola pura
e fonda canción que ti cantaches
tan chea de verdade e fermosura.
Grazas pola fala que salvaches!


Grazas, nai Rosalía, polo feito
de recobrar o idioma e a canción,
As palabras que enchen todo o peito
e poden aquecer o corazón…!





Grazas, nai Rosalía, por saberes
marcarnos o destino e o vieiro.
Grazas, nai Rosalía, por faceres 
un milagre puro e verdadeiro!



De Manuel María a Rosalía, 1971

O venres 26 xuntámonos no salón de actos para homenaxear a Rosalía. Comezamos lendo unha breve presentación da súa vida e obra, e respostando unhas preguntas, despois cada curso recitou un fragmento do poema, e para rematar cantamos tod@s xunt@s "Poemiña para namorar unha rosa", tamén escrito por Manuel María.
GRAZAS ROSALÍA!!!











21/2/16

DÍA DE ROSALÍA.




O 24 de febreiro celébrase o Día de Rosalía. 

Este ano no colexio faremos a celebración o venres 26, porque para o día 24 temos programada unha saída extraescolar.
Leremos unha breve presentación sobre a súa vida e obra, e despois respostaredes a un cuestionario de preguntas,  AQUI
Tamén estamos preparando un recitado colectivo dun poema que Manuel María adicou a Rosalía, e unha tarxeta cun poema ilustrado para enviar ás familias.

Unha páxina de RECURSOS.

20/2/16

LECTURAS CON CORAZÓN



Neste mes de Febreiro que celebramos no colexio o mes da AMIZADE, desde a Biblioteca aportamos unha selección de libros, por idades, que conteñen esta temática:


LECTURAS CON CORAZÓN I

LECTURAS CON CORAZÓN II

AMIZADE 2016: "ESE AMIGO SON EU".

Nesta primeira quincena de Febreiro recibimos unha carta de Raioteca:


Ola Raiolectores !!!
Xa vexo que neste 2016, estades a traballar
con moito interés no
Coñecemento do lugar no que vivides.”
Vin uns estupendos disfraces, unhas velliñas e uns vellos moi marchosos.
Sei que disfrutáchedes bailando e cantado
coa miña amiga a
Meiga Discordia.”
Con ela faláchedes de compartir e de amizade.
E como sodes os meus amig@s preferidos,
traiovos unha pequena historia...
Abride ben ollos, limpade as orellas e...
Aí vai!!!



RAIOTECA

Entre tod@s limos esta fermosa historia, aquí tedes a 
reportaxe fotográfica:





Para rematar, como nos gusta tanto cantar e bailar:
Os nosos compañeiros/as de 5º e 6º curso propuxeron que cantemos como agasallo do AMIGO:
"EL MISMO SOL"

E Raioteca, deixounos para bailar o rock :
"MOLA CANTIDADE."


Raioteca tamén nos agasallou cuns fantásticos marcapáxinas.



FELIZ DÍA DO AMIGO 2016!!!

Máis información no blog de música: "Cantos Mirados"



10/2/16

ENTROIDO 2016

O venres 5 de febreiro celebramos o Entroido no CEIP Plurilingüe de Andrade. Previamente, ao longo da semana, foron aparecendo os mandatos dos mecos.
Este ano o lema foi: "O Entroido máis enxebre". 
Enlazando co noso PDI anual: "A cultura popular do lugar onde vivimos", propuxemos realizar un desfile de disfraces, que non foxen mercados, senón elaborados con roupa e accesorios que tiveran pola casa, e facendo referencia ao popular.
Cada alumn@ que quixo participar no desfile tivo que traer unha tarxeta cuberta co nome do disfrace, unha breve descrición divertida e o nome do deseñad@r. 
Aos participantes entregámoslles un diploma de participación e un pequeno agasallo.
Rematamos a festa cunha degustación de postres típicos da nosa zona.







Recompilación de Recursos Entroido para traballar na aula, elaborada no  Ceip Mestres Goldar-Vigo: AQUÍ.


8/2/16

Coa palabra PAZ

Clicando nestes enlaces pódese acceder a unha recompilación de lecturas e películas relacionadas coa temática da PAZ:

Celebramos o Día Escolar da Non Violencia e a Paz.

O venres 29 de xaneiro xuntámonos no salón de actos para celebrar o Día da Paz.
Para conmemorar este día, Raioteca agasállanos cun libro titulado:

Desde a Biblioteca fixemos unha adaptación teatral deste libro, e despois de falar un pouco do que representa a figura da meiga, enlazando co noso PDI, "A cultura popular do lugar onde vivimos":
(A figura da MEIGA está moi arraigada na TRADICIÓN POPULAR GALEGA. 
A Meiga é a muller con coñecementos de maxia e artes ocultas.
Entre as súas cualidades figuran a capacidade para facer feitizos e meigallos, males de ollo e adiviñación.)
O alumnado de 6º curso, coa participación do resto de alumn@s do colexio, fixeron unha fantástica representación teatral combinada con cancións e bailes de Paz. Desde aquí queremos darlles os parabéns e as grazas por tan bo traballo, agradecer tamén a Hugo de 5º curso pola súa colaboración acompañando coa frauta.
Para rematar realizamos un intercambio de tarxetas de Paz, que elaboramos na clase de plástica, e decoramos a entrada do colexio co lema: "Paz no vento, paz no Mundo" con globos deseñados por cada un dos cursos, desde Infantil ata 6º de primaria.
Deixámosvos unha reportaxe fotográfica e o vídeo da actuación.







29/1/16

30 de xaneiro, Día Escolar da Non Violencia e a Paz - 2016

A última semana de xaneiro garda unha data ben significativa no ámbito educativo, o Día Escolar da Non Violencia e a Paz (30 de xaneiro) que conmemora a morte de Mahatma Gandhi en 1948. Os centros educativos acostuman aproveitar esta data para traballar de forma intensiva contidos propios da Cultura de Paz. Clicando na foto atoparás unha ampla recompilación realizada dende a Asesoría de Bibliotecas Escolares de Galicia.


28/1/16

A BRUXA DISCORDIA

Mamá Cabra Carmen Gil acaban de publicar o libro-disco A bruxa Discordia. Cancións para a paz na coleccción Sonárbore da Editorial Galaxia. As ilustracións son de Iria Fafián.
Estamos traballando con ese libro para a conmemoración do Día Escolar da Non Violencia e a  Paz.
Fixemos unha adaptación para facer unha representación teatral, neste enlace:


Publicaremos as fotos e o vídeo da representación, que terá lugar o venres 29 de xaneiro.

1/1/16

FELIZ ANINOVO.

Dende a Biblioteca do CEIP Plurilingüe de Andrade, desexámosvos un 
Feliz 2016 e unhas Felices Lecturas.

Quizais tamén che interese

Related Posts with Thumbnails