10/5/14

Recompilación actividades LETRAS GALEGAS 2014.

No blog de Bibliotecas Escolares de Galicia atopamos varias entradas que recollen actividades e eventos relacionados coa figura de Díaz Castro, autor homenaxeado nas letras Galegas 2014:

Maio, mes das Letras: Xosé María Díaz Castro - I

Maio, mes das Letras: Xosé María Díaz Castro - II

Maio, mes das Letras: Xosé María Díaz Castro - III

Maio, mes das Letras: Xosé María Díaz Castro - IV

MAIOS 2014

O pasado mércores, 30 de abril, como en anos anteriores, celebramos OS MAIOS.
Nesta ocasión o profesorado e o alumnado, coa colaboración das familias, elaboramos tres maios. 

Educación Infantil, participou cun "PALLEIRO"
1º e 2º ciclo de primaria elaboraron un "CRUCEIRO"
o 3º ciclo "O MOSTEIRO DE CAAVEIRO".
Despois da presentación dos maios o alumnado cantou cantigas tradicionais para conmemorar esta data.
Así mesmo participamos no concurso dos maios organizado polo Concello de Pontedeume e, co maio "Mosteiro de Caaveiro", acadamos o 2º puesto.
Tedes as imaxes das diferentes xornadas na galería: Maios Andrade. Maios Pontedeume.
Tamén podedes ver os VÍDEOS.

Parabéns a toda a Comunidade Educativa 
por tan fermoso traballo.

MERCADILLO DE LIBROS

vOs libros proceden de doazóns das familias do alumnado do colexio e do expurgo da nosa Biblioteca.
vPódense adquirir ao precio simbólico dun euro.

vOs cartos recadados serán para axuda da excursión do alumnado de 6º curso.


LIBROS MÁIS LIDOS. AUTORES PREFERIDOS

Consultando a base de datos do programa de xestión da nosa Biblioteca, Proxecto Meiga, confeccionamos unha lista cos libros máis emprestados durante este curso 2013/2014.
Temos unha exposición á entrada da Biblioteca cos dez títulos máis lidos, titulada: “OS NOSOS LIBROS FAVORITOS”, entre os que figuran: El libro inquieto, Os piratas, Hospital de juguetes, Caperucita descolorida, A cabra boba...



Tamén temos unha pequena exposición con libros dedicados por algúns dos autores que este curso pasaron polo colexio: 
Antón Cortizas, Carlos Negro, Xosé Tomás e Antonio Manuel Fraga Allegue. 
Foi unha sorte poder contar con estes fantásticos escritos. 
Moitas grazas a todos!!!


CREAMOS BANDA DESEÑADA EN GALEGO E INGLÉS

Á entrada do colexio podedes ver a exposición dos traballos de banda deseñada, que tomando como tema central o medievo, elaborou todo o alumnado de Primaria. Dende 1º ata 4º en inglés, e no 3º ciclo en galego.
Aquí vos deixamos unha mostra das portadas.

Parabéns polos vosos traballos!!!


4/5/14

CONTACONTOS EN ABRIL

Tamén neste mes de abril recibimos a visita de Inacio (fantoches Baj), un xenial contacontos, que nos fixo pasar uns momentos moi divertidos. Grazas ao Consorcio Editorial Galego por financiarnos esta actividade.





XILDAS.

OS ALUMNOS E ALUMNAS DO 2º CICLO  LERON E TRABALLARON NA CLASE O LIBRO “XILDAS” do escritor eumés Antonio Manuel Fraga Allegue.
Como colofón desta actividade recibiron a visita do autor o día 25 de abril .
Tiveron oportunidade de facerlle moitas preguntas sobre o argumento e personaxes do libro, pero tamén sobre as vivencias relacionadas coa súa vila natal, Pontedeume.
Foi unha sesión moi interesante. O autor agasallounos con esta fermosa presentación. Moitas grazas Antonio e ATA PRONTO!!!








TEATRO EN ABRIL.

O 24 de abril recibimos no colexio á compañía teatral “LEDA” que representaron a obra: “A SÚA VIDA”: Un neno e unha nena que camiñan a súa vida xuntos…
Foi un éxito total. Disfrutamos moito. 
Parabéns a estes dous estupendos actores!!!
Ata pronto.



Quizais tamén che interese

Related Posts with Thumbnails