26/2/09

A MELLOR "LIBRARÍA" DO MUNDO? en Porto.

Vía a Biblioteca de Pazos en Ferrol (Rosana) chegounos unha magnífica presentación desta fermosísima libraría e grazas ao Segrel do Penedo de Fene(Loly) conseguimos esta estupenda conversión. Como vedes, esta vez déronnos o traballo feito. Con xente así da gusto. Moitas grazas.

A desfrutala!!!!!!!!!!!!!

24/2/09

24 de febreiro, DÍA DE ROSALIA.


Rosalía de Castro (Santiago de Compostela, 24 de febreiro de 1837Padrón, 15 de xullo de 1885), é unha das mellores escritoras en lingua galega e unha das principais responsables do Rexurdimento Galego .
O 17 de maio é o Día das Letras Galegas por ser a data de edición da súa obra Cantares Gallegos.

Cada 24 de febreiro, data do seu nacemento, celebramos o "DÍA DE ROSALIA" .



Premendo na súa foto podes acceder a unhas fichas didácticas para E.Infantil, 1º, 2º e 3º ciclo de Primaria, elaboradas pola fundación Caixa Galicia, con motivo da exposición: "Rosalía ilustrada" .
É un material didáctico que integra actividades variadas vinculadas as diferentes áreas curriculares.
Podemos atopar mais informacion en:
http://www.fundacioncaixagalicia.org/

22/2/09

QUE HISTORIA!!! Entroido 2009.


O venres día 20 celebramos O ENTROIDO.
Despois da busca de información sobre roupas, accesorios, costumes, músicas, danzas... de cada un dos períodos históricos, elaboramos os disfraces e preparamos as actuacións:



E. Infantil: "TROGLODITAS"
Cantan e bailan: "Brut, o Troglodita"
1º Ciclo: "ROMANUS RAPERUS"
Cantan e bailan o rap: "Somos os romanos"
2º Ciclo: "CELTAS E VIKINGOS"
Baile: "Celta Vikingui"
3º Ciclo: "EXIPTO"
Cantan e bailan: "Tutankamon Baby".
Claustro de Profesores: "IDADE MEDIA"
Cantan e bailan: "Mediana Idade???"

E para rematar, degustación de postres típicos de Entroido elaborados polas familias de todo o alumnado do colexio.
Moitas grazas pola vosa colaboración.
FELIZ ENTROIDO!!!!!!!!!!!!


19/2/09

Frases e ilustracións de AMOR e AMIZADE.

A semana do 14 de Febreiro, Raioteca propuxo que lle entregarades as vosas frases, poemas, relatos ou ilustracións de AMOR e AMIZADE, de creación propia.

Entre todas as que se presentaron tres foron as mais votadas:
Ana e Marta do 3º curso.
Andrea Vázquez do 4º curso.

Premendo nesta foto podes acceder aos traballos gañadores.
Noraboa a todos e todas os/as participantes .

Aproveitando que o libro proposto este mes de Febreiro é "Honorato, o rato namorado", o día de entrega de premios os alumnos e alumnas de Infantil e 1º ciclo cantaron e representaron a canción de Mamá Cabra relativa a este conto.

Para rematar fixemos un intercambio de postais de AMIZADE que elaboramos na clase de Plástica.

Recorda que se queres ver as fotos en grande tes que premer nas frechas, para axustar o volume da música no cursor lateral e para pantalla completa no recadro.

18/2/09

ENTROIDO 2009, de paseo pola HISTORIA ...

No Colexio de Andrade, imos levar ao Entroido "de paseo" por algúns dos períodos mais representativos da Historia Universal:

En Educación Infantil, PREHISTORIA,
No 2º ciclo, Habitantes dos CASTROS e VIKINGOS ,
No 1º ciclo, Civilización ROMANA,
No 3º Ciclo, A CIVILIZACIÓN EXIPCIA,
O Claustro de Profesores, A IDADE MEDIA.

Dende a Biblioteca teremos unha selección de libros, películas, música e información relacionada, para que se poidan resolver posibles dúbidas sobre: hábitos e costumes, vestiario, útiles empregados, música, danzas...



16/2/09

Repoliño e Repoliña.

" REPOLIÑO E REPOLIÑA estan moi enfadados
porque dentro duns días van ser quimados."
Os Entroidos xa chegaron ao colexio e como están tan enfadados, haberá que cumprir os seus mandatos:
O LUNS, PARA VIR AO COLE XENIAL, UN PIXAMA OU UN ORINAL TRAERÁS.
O MARTES, UNS GUANTES E UN MANDIL TRAERÁS E O COLE LIMPARÁS.
O MÉRCORES, SE QUEREDES TER IDEAS FRESCAS POÑEDE UN ESCURRIDOR NAS CABEZAS.
O XOVES, A TÚA CARA FERMOSA PINTARÁS COA MAQUILLAXE E AS TÚAS MANS.
O VENRES, O TEU DISFRAZ PORÁS E POLA HISTORIA PASEARÁS.

Se premes nesta foto poderás acceder á caza do tesouro: "O ENTROIDO TRADICIONAL GALEGO" elaborada no CEIP Mestres Goldar-Vigo.

13/2/09

Honorato, O Rato NAMORADO.



Este mes de Febreiro, o
Libro do Mes é:

"Honorato, o rato namorado"




Cóntase a historia de Honorato, un rato noivo e poeta a quen lle gustaba pintar as palabras de cores. Lía libros de poemas na biblioteca e mesmo compoñía algúns para o seu amor, a Lúa. Enviáballos por unha pomba mensaxeira ou recitáballos dende a rúa.
Pero como ela parecía ignoralo, durmindo despreocupada, instalouse nun calcetín de raias nos soportais, e un día berroulle á Lúa que xa non era a súa noiva.
Pouco despois, desapareceu sen deixar rastro.


A Honorato gustábanlle
as palabras. Pintábaas de cores.
Palabras azuis para falar do ceo,
do mar e, mesmo, do vento.
Palabras verdes para falar
dos campos, das ilusións,
das esperanzas.
Palabras amarelas para falar
da luz, do Sol, do agarimo.
Palabras negras para falar
de guerras, de aldraxes, de tristura.
Palabras laranxas para falar
do tempo, de risas, de amizade,
de xogos, de apertas.
Palabras grises para falar
de enfados, de egoísmos, de tronos,
de treboadas, de invernos.
Palabras vermellas para falar...,
para falar, de amor!
Si, porque Honorato
estaba namorado.
De quen estaba Honorato namorado?...

12/2/09

BICENTENARIO DARWIN.


200 anos despois Darwin é aplaudido pola Ciencia Internacional. O fundador da bioloxía moderna decidiu embarcarse nunha nave, o Beagle, e dar a volta ao mundo para estudar as especies.

Pero algo cambiaría a historia: a súa chegada as Illas Galápagos. Aquí descubriu que un pequeno paxaro, o pimpín, desenvolvera 14 mutacións distintas: unha por cada Illa, e entón deduciu que a especie evolucionara segundo o medio de cada unha.
Así naceu a teoría da evolución e xerminou a idea de que o ser humano tamén podía ser a evolución doutra especie: o mono. Hoxe conmemoramos que Darwin achegase esta idea á Ciencia para descubrir de onde vimos.

Selección de videos:



Este novo recurso: embedr, chéganos vía O Segrel do Penedo. Moitas grazas!!!

9/2/09

LECTURAS CON CORAZÓN.


Dende o equipo de Biblioteca pensamos que a celebración de San Valentín é un bo momento para a realización de actividades que nos axuden a expresar sentimentos de afecto.

RAIOTECA propón que lle entreguedes as vosas frases, poemas, relatos ou ilustracións de AMOR e AMIZADE.
"Teñen que ser de creación propia".
Tamén elaboramos unha guía e exposición de "LECTURAS CON CORAZÓN", na que atoparás unha relación de libros clasificados por niveis, nos que o tema principal é o Amor e a Amizade.
Para acceder á guía de lecturas preme na imaxe.
Se queres coñecer a historia de San Valentín, clica neste enlace:
E agora que xa sodes uns expert@s no tema de San Valentín, seguro que acertades todas as preguntas que se plantexan neste xogo.



6/2/09

GAÑADORES/AS DO CONCURSO: "Vai estalar a Paz"


Esta semana coñecemos os resultados do concurso de preguntas pola PAZ , baseado no xogo "Vai estalar a PAZ" recollido na páxina de contidos da Xunta de Galicia e que forma parte do Proxecto Xogamos, 1º premio 2007 de RECURSOS EDUCATIVOS PARA A SOCIEDADE DA INFORMACIÓN .
Durante dúas semanas Raioteca tróuxonos unha pregunta cada día sobre a PAZ . Os/as que participaron tiveron que formar grupos, máximo de catro persoas de diferentes cursos.
No 1º ciclo os/as gañadores/as foron: Tamara e Diego.
No 2º e 3º ciclo o grupo gañador foi "Raio Andrade" formado por: Paula de 3º curso, Laura de 5º curso e María e Rocio de 6º curso.
Noraboa a todas e todos os participantes!!!!!!!!!!!



3/2/09

I Pleno Infantil Municipal.


Coincidindo co Día Escolar pola PAZ e a Non Violencia, a Concellería de Servicios Sociais do Concello de Pontedeume propón aos centros de Ensino Primario a realización do Primeiro Pleno Infantil da Vila.

Dous representantes de cada Centro escenificaron o Pleno Municipal dando lectura á exposición de problemas sociais que preocupan ao alumnado e as posibles solucións que eles aportarían, tamén plantexaron preguntas ao goberno municipal ao respecto das súas inquedanzas.
Noraboa por esta iniciativa.



1/2/09

Celebramos o "Día Escolar pola PAZ".


Durante toda a semana, os alumnos/as dende Infantil ata 6º de Primaria aportaron os seus traballos para "Vestir o Colexio de PAZ."
Preme nunha das frechas para agrandar as fotos, movendo o cursor podes axustar o volume da música.



Tamén durante esta semana adicamos a HORA DE LER á lectura de CANCIÓNS DE PAZ. Cada día ao remate, acompañados dun video da canción, cantamos todas e todos xuntos.

Premendo nesta foto podes acceder á letra destas cancións.


Por fin, o venres día 30, celebramos o "DÍA ESCOLAR POLA PAZ".
Os alumnos e alumnas do terceiro ciclo fixeron a presentación e faláronnos da PAZ no MUNDO.







Dentro do programa de actividades pola PAZ, en primeiro lugar, escoitamos unha gravación dun grupo de nenos e nenas do 2º ciclo, que ilustraron e puxeron voz a uns poemas de Antonio García Teijeiro, recollidos no libro: “A fala das pombas que falan”.

Premendo na foto podes ver o video.

A continuación, escoitamos aos nenos e nenas de Educación Infantil e primeiro ciclo, que nos contaron a historia da avestruz Mariluz, esta historia transmítenos a importancia da amizade e a solidaridade.
Tamén nos interpretaron a canción deste conto, (que está incluido no libro: "CONTOS EN CANTOS da editorial OQO), ilustrado cos debuxos que todos e todas fixeron.



Video gravado no CEIP Amaro Refojo de Verín- Orense

Para rematar, seguindo co ciclo de CANCIÓNS PARA A PAZ, lemos e cantamos: “Verdad que sería estupendo”
Ilustrada cun video dos debuxos dos alumnos e alumnas do 2º e 3º ciclo.



Dende o CEIP de Andrade desexámosvos

PAZ, SAÚDE e BOAS LECTURAS.

Quizais tamén che interese

Related Posts with Thumbnails