Blog da Biblioteca do CEIP Plurilingüe de Andrade-Pontedeume.
Agradecer a toda a rapazada voluntaria da biblioteca, o traballo feito na selección de libros, na exposición e decoración do noso espazo de Nadal.
Parabéns rapazada, sen vós isto non sería posible!!!
Deixámosvos un genially , onde podedes desfrutar dos podcasts dos diferentes cursos, para escoitar por este Nadal, todos os programas feitos.
.png)
Ola rapazas e rapaces, hoxe é o Día Internacional da Non Violencia de Xénero e por iso, no noso colexio, estivemos facendo unha actividade relacionada con que todos debemos medrar en igualdade.
A actividade consistía en crear novas caras con todas as fotos da clase, partidas en catro anacos, a verdade é que quedaron moi estrañas e diversas pero resultou divertido.
Escolleuse esta data para honrar a memoria das irmás Mirabal, tres activistas políticas da República Dominicana que foron brutalmente asesinadas no 1960, pola orden do dictador dominicano Rafael Trujillo.
Deixámosvos cunhas fotos dos diferentes retratos que realizamos baixo os lemas:
"Medramos en igualdade"
"Tod@s somos iguais"
Esperemos que vos gusten!
.jpg)
Para este Magosto celebrar, moito hai que xogar... e por iso o venres 11, fixemos xogos tradicionais coma o peón, carreiras de sacos...
E sen esquecernos o banquete que nos levamos de castañas asadas, mmmm... faíseme a boca auga só con pensar o ricas que estaban.
Esperamos que neste Magosto o pasarades xenial!!!
Ah! e... unha última cousa, queremos dar a grazas a esas persoas da asociación do Olmo por facernos estas castañas, tan ricas. E non sei se sabedes que fixeron ese aparello cun bombo da lavadora, que boa idea de reutilización para un magosto sostible.
Neste Samaín 2022, decoramos o colexio , con cabazas que a rapazada fixo nas clases de plástica, e tampouco faltaron basoiras feitas con materias naturais : xesta, loureiro, follas de maínzo, canaveiras, etc,.. que a rapazada fixo nas súas casas coa axuda das súas familias.
Abofé que quedou terrorífico!!!
Tamén tivemos xogos de pistas na nosa biblioteca.
Resultou unha xornada interesante e entretida.
Deixámosvos un vídeo , onde podedes ver todo o traballo realizado.
.png)
Aquí vos deixamos o código QR da publicación desta celebración no Instagram.
.png)
Estamos de novo aquí para mostrarvos outro dos nosos programas, adicado ao día das bibliotecas escolares e ás novedades do noso colexio. Somos... Os Andrade!!
" Escribir a Biblioteca"
PROXECTO DE CENTRO
SEMENTANDO PATRIMONIO
ECOLÓXICO-NATURAL E CULTURAL
NA NOSA CONTORNA
A rapazada de 6º de primaria, voluntariado de biblioteca, quixo presentar o noso PDI, co gallo do día das bibliotecas escolares , e como sempre a través dun libro titulado:
" Un bosque en mi"
Fixeron unha versión propia en galego para concienciar ao alumnado e a toda a comunidade educativa , da importancia de coidar , respectar e desfrutar máis do noso bosque. Finalmente representárono, e aquí vos deixamos o vídeo para que o desfrutedes.
Por outra banda a rapazada de 5º de primaria quixo representar o poema de Santiago Freire do libro: Martingadas, poemas para nenos.
O alumnado de 6º de primaria, fixo entrega das mochilas viaxeiras a cada un dos titores/as, onde a biblioteca Soños de Andel escribe e comparte sabedoría, para levar polos fogares, e deste xeito facer partícipes ás familias da nosa comunidade educativa.
Finalmente tivemos unha visita sorpresa das nosas mascotas: Raioteca e Lorolareto, que nos leron unha cartiña que estaban a rematar de escribir.
Dádelle unha olladiña ao vídeo.
Resultou unha xornada fantástica, chea de Natureza, ilusión, oralidade e conciencia da mellora e coidado do noso bosque.
PARABÉNS A TODOS E A TODAS!!!
.png)
Bo día rapazada!
Hoxe, traémosvos un novo podcast adicado ao día Mundial da Visión.
Como ben sabedes, coidar a vista é algo moi importante.
Desfrutádeo moito.
Ata outra!
.png)
Bo día rapazada!
Hoxe traémosvos un podcast sobre como coidar e educar ao voso cabalo, que de seguro vaivos gustar, cheo de información fundamental e moi interesante. Esperemos que vos guste, sobre todo aos amantes dos animais.
.png)
A rapazada de 6º fíxolle unhas preguntas a dous compañeiros de 5º.
Esperemos que vos guste!!
Témosvos que dicir que a rapazada voluntaria de bibliotecarios/as estivo organizando horarios, espazos,..., todo o necesario para poñer a punto o comezo desta nova aventura.
Están a facelo xenial!!! Son todos e todas moi traballadores/as.
Aquí vos deixammos o cartel sobre os ODS, feito por algunha rapazada de 6º de primaria, coa colaboración da mestra Mª José.
.gif)
OS LIBROS GUSTAN DA VIAXE E DA SORPRESA,
AGARDAN NOS ANDEIS OU NOS EXPOSITORES
POR ESA MAN QUE, AO ABRILOS,
POÑA EN FUNCIONAMENTO A MAXIA DA LECTURA.
NON ESQUEZADES LER MOITO EN CONTACTO COA NATUREZA!!!
Que tal estades rapazada? Xa chega o fin de curso e con el o remate aos nosos traballos en equipo para a nosa biblioteca.
Desexamos, tanto Lorolareto coma eu, que o pasarades moi ben na procura de novos libros , cos que poder viaxar a mundos máxicos.
Deixámosvos cos traballos finais do noso Proxecto Integral de Centro
" AS NOSAS PEGADAS ECOLÓXICAS"
.png)
Parabéns nenos e nenas, polo voso traballo, aprendizaxe e esforzo durante este curso 2021/2022.
Tamén queremos agradecer ás familias a súa magnífica colaboración!
Grazas , tamén aos mestres, e mestras que fan posible que a nosa biblioteca sexa un punto de encontro para imaxinar, soñar e aprender .
Este venres, 3 de xuño tivemos un obradoiro de
"Bombas florais", si, si, escoitáchedes moi ben. A rapazada fixo unhas bombas de terra con sementes florais para poder lanzar en calquera sitiio da Natureza e poder axudar aos polinizadores, a facer a súa labor tan importante para todos os seres vivos.
Deixámosvos con fotos do obradoiro.
Hello rapazada! Fálavos Raioteca, e gustaríame presentarvos unha actividade que se levou a cabo na nosa biblio en colaboración co profesorado de inglés.
Os homes lobos de castronegro é un xogo ameno e que permite traballar a oralidade, o razoamento e a toma de decisións. Que mellor oportunidade para traballar e pór a proba o noso inglés?
Comezamos explicando o xogo e distribuindo as persoaxes para facer unha pequena práctica. Cada un dos alumnos e alumnas terá un papel único que debe performar.
.gif)
Este mércores 18 de maio , tivemos o pracer de poder desfrutar da compaña de Raquel Queizás, unha extraordinaria domadora da oralidade, para celebrar o Día das Letras Galegas.
Aquí vos deixamos coa alfombra floral en formato pasapalabra, que este ano adicamos polas Letras Galegas a Florencio Gurriarán, poeta que adoraba a NATUREZA do seu pobo Córgomo, á que adicou poemas.
Raioteca propuxo á rapazada, que pescudara palabras en galego relacionadas coa NATUREZA, para facer un pasapalabra, e aquí vos deixamos co traballo que estiveron realizando os días desta semana das Letras para poder rematalo.
Cada unha das palabras tiña un código QR( uso de tablets ) para cando adiviñaran a palabra, poder aprender máis sobre ela.
Toda a rapazada gozou moito, tanto para facelo como para resolver o pasapalabra.
Desexamos que vos guste!!!
.jpg)
SOLUCIÓN DOS TRES WORDLES:
QUEIRUGA - ZONCHO - HERBA
Bo día, rapazada!
A que non sabedes que fixemos estes días?
Pois senón o adiviñáchedes..., estes días fixemos unha manualidade chamada:
"CONTOS ENFRASCADOS"
que trata de recrear un conto nun frasco, poñendo as cousas necesarias dentro del.
O luns 25 de abril tedes que tratar de adiviñar que contos fixemos.
ADIVIÑA ADIVIÑANZA...
QUE CONTO TEÑO NA PANZA?
Esperamos que adiviñedes moitos dos contos.
Mentres, vos deixamos cunhas fotiños da realización dos traballos
Sabedes que damos comezo ao mes de ABRIL?
Estades preparados? Abofé que siiiii!
Propoñémosvos un reto! Seredes quen de meter un conto nun frasco?
Seguro que estades a pensar que é unha tolemia, pero non ... é toda unha ledicia!
Debedes formar equipos e presentar os vosos contos enfrascados, co voso nome, apelidos, clase e nome do conto na parte de abaixo do frasco.
Ah! Non esquezades pechalo ben!
A última semana de abril, deberán estar expostos na entrada principal do noso colexio, para que por quendas poidades adiviñar que contos enfrascaron os vosos compañeiros dos diferentes cursos.
Bos días, o 5 de abril visitáronnos Xerardo e Damián de Ponte Nas Ondas. Explicáronnos como grabar e editar un podcast. Tamén ensináronnos a como pronunciar e falar nunha grabación.
Despois do recreo fumos a grabar un programa en directo os nenos e nenas de 4º e 5º de primaria. E aquí temos á nosa compañeira Alicia de 5º. Farémoslle unhas preguntiñas para saber como foi a súa experiencia.
Alá vamos!
Que che pareceron Xerardo e Damián? Parecerónme moi divertidos.
Que che pareceu o podcast en directo? Pareceume moi gracioso, sobre todo cando cantan a Vaca Lola e a parte dos nosos compañeiros Amaia e Hugo.
E agora imos a ver cal foi a experiencia dunha nena de cuarto chamada Berta.
Que che pareceron Xerardo e Damián? Pois parecéronme moi divertidos e ensináronme moito para o ano que vén, porque xa vou estar na radio Lorolatero.
Qué che pareceu o podcast en directo? Pareceume unha idea moi divertida da que aprender moito, para facer programas de radio, o curso que vén.
E ata aquí a nosa pequena entrevista. Esperamos que vos gustara.
Despidímonos dende a clase de 5º de primaria, mais non antes sen dicirvos, que foi todo un pracer ter con nós a Xerardo e a Damián, para seguir aproveitando a súa sabedoría radiofónica e dese xeito aprender moitísimo para levar á práctica na nosa Radio Lorolareto.
Ata outra dende as ondas do Eume !!!!
