25/10/09

XORNADAS DE BIBLIOTECAS ESCOLARES 09

Daniel Cassany, Glória Durban, Tíscar Lara, Guadalupe Jover, Luis Iza, e representantes de centros de ensino de Galicia que están a desenvolver Proxectos lectores de interese, conformaron o programa dunha actividade anual que concentrou a 1.200 participantes de toda Galicia.
Unha ampla reportaxe do desenvolvemento destas xornadas atopámolo no Segrel do Penedo. Grazas Loly por esta crónica tan completa.
Ademais do programa, sempre de gran calidade, é moi agradable atoparse con xente coa que habitualmente só nos relacionamos de maneira virtual, poñerlles cara e intercambiar saúdos. Aínda que tampouco nestas xornadas conseguimos que RAIOTECA e MIK chegaran a coñecerse, a pesar dos esforzos dunha fada de andeis.
Outra vez será!!!
Para rematar dicir que me gustou especialmente descubrir a Guadalupe Jover, a súa sensibilidade, quédome cunha de tantas ideas : "Os nenos e as nenas demandan máis que nunca que lles lean os pais, nais; por telos aí, a súa voz, a súa mirada, ese vínculo afectivo..."
Unha boa idea para transmitir aos pais, nais ou titores/as do noso alumnado.

3 comentarios:

Mik/Julia dijo...

Ola, Raioteca!
Haberá que esperar a outra ocasión. Nesta non foi posible a pesares dos esforzos e das fadas. Que mágoa!

Biquiños

Loly dijo...

Ao Segrel encántalle aparecer neste blog amigo a quen tanto admiramos.
E como nós tampouco coincidimos con Mik e con algún que outro amigo virtual, seique a "Xuntanza Gastronómico-Plambeira" non se vai facer esperar.
Bicos para as dúas

ivanpimi dijo...
Este comentario ha sido eliminado por el autor.

Quizais tamén che interese

Related Posts with Thumbnails