"QONTEXTOS"

Durante o mes de Decembro chegou ás librerías a nova colección de OQO Editora: “Qontextos”, unha serie de libros que apostan, desde unha perspectiva solidaria, por abordar a marxinalidade, a miseria e a dramática situación dos máis desfavorecidos”.
O seu primeiro número é Fume, un álbum ilustrado dunha conmovedora historia de Antón Fortes cunhas intensas imaxes, da ilustradora polaca Joanna Concejo, de gran sensibilidade e fermosura, pese a reflectir a dura realidade do protagonista nun campo de concentración.
A editorial colaborará, para esta colección, coa ONG Creart, que traballa con nenos de países como Senegal, India, Thailandia ou da franxa de Gaza.

“Soño cun dragón verde de lingua negra que me quere papar. As casas tamén son verdes, como a herba do noso xardín con bambán, onde antes xogabamos ao balón papá e eu. Bótoo moito de menos. Mamá dime que pronto nos imos reunir”.