Coincidindo co "DÍA DA BIBLIOTECA", o venres 24 celebramos no colexio "A FESTA DA EXALTACIÓN DA FROITA DE OUTONO" en colaboración con AGFA do Eume (Asociación Galega da Froita Autóctona do Eume).
As alumnas e alumnos aportaron nese día unha morea de actividades relacionadas coa froita de Outono e sobre todo coa MAZÁ:
- As nenas e nenos de Educación Infantil agasalláronnos cunha cantiga creada por eles mesmos e titulada: "Comendo froita".
- O alumnado de 1º e 2º de Primaria recitounos un poema de Outono: "O vento toleirón" e puxéronnos a proba cunhas adiviñas moi divertidas.
- As alumnas/os de 3º curso léronnos un conto sobre froitas e cada un deles escribiu e ilustrou un poema adicado á mazá.
- Os nenos e nenas de 4º curso escribiron uns textos moi interesantes sobre as froitas e léronnos unhas recomendacións moi saudables sobre alimentación e exercicio físico.
- En 5º curso hai uns poetas de moito renome e agasalláronnos cuns poemas moi fermosos sobre as árbores.
- As alumnas e alumnos de 6º curso fixeron unha selección de receitas elaboradas con mazás e cociñaron para todos nós. Ao remate prepararon unha exquisita degustación destas receitas feitas con mazá.
- Todos e todas cantamos unha canción moi saudable, titulada: "Toma moita froita, moita froita fresca".
Esta é unha mostra dalgunhas destas actividades. Temos pendente o libro de poemas de 5º curso e o libro de receitas con mazá de 6º curso. En canto os teñamos serán tamén publicados neste blog.
RECORDA QUE SE QUERES VELO EN GRANDE TES QUE PREMER EN "OPEN PUBLICATION".
Dende a Biblioteca aproveitamos a ocasión para propoñer como temática de Outono: "LIBROS SAUDABLES" estamos a facer unha recopilación para cada un dos ciclos e iremos presentando distintas actividades relacionadas con estas lecturas: Ilustracións, caza do tesouro e concursos.
Aportáronnos este material :
Os xornais e a TVG recolleron tamén as actividades que celebramos neste día, se queres ver os videos da TVG preme nestes enlaces:
3 comentarios:
hola son Laura de 1º de eso, q tal? espero que ben. Xa vos vin na páxina web todos guapos, vestidos de cociñeiros e camareiros, tamén vin a Aurelio. Bueno moitísimos bicos e apertas para todos
Hola son Silvia , que tal? Espero que ben. Esteban moi ben vestidos de camareros e de cociñeiros. Os prostres parecian estar moi ricos , besos chao.
Hola son Silvia , Que tal?Espero que ben . Estaban moi guapos vestidos de camareiros e cociñeiros.Os postres parecían estar moi ricos .Bisos chao.
Publicar un comentario