CLUB DE LECTURA. Febreiro 2012

Neste mes de febreiro o club Raiolectores iniciamos unha nova lectura: "Palabras de caramelo". Non é a primeira vez que eliximos este libro,  foi co que inauguramos o noso club de lectura e  nesa ocasión xa intercambiamos correos co seu autor, Gonzalo Moure. Agora imos ter a gran sorte de que o día 8 de marzo recibiremos a súa visita no colexio. Seguro que gozaremos moito coa lectura deste libro e moito máis sabendo que imos ter a posibilidade de falar co seu escritor, que  ademáis é  coordinador do proxecto "Coñecernos para querernos" no que participamos xunto con outras Bibliotecas Escolares de Ferrolterra. 

                        

MOCHILAS VIAXEIRAS

As Mochilas Viaxeiras saen de novo camiño das casas dos nenos e nenas do cole de Andrade.Para ler a carta enviada ás familias, preme aquí. Esperamos que disfrutedes do seu contido:

CELEBRAMOS A "PAZ"

O Día Escolar da non-violencia e a Paz  foi declarado por primeira vez en 1964. Xorde dunha iniciativa pioneira, non gobernamental, independente, e voluntaria de Educación non-violenta e Pacificadora do profesor español Llorenç Vidal. O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. o día 30 de Xaneiro conmemórase ademáis a morte do líder nacional e espiritual da India,  Mahatma Gandhi, que o 30 de Xaneiro de 1948 foi asasinado.

Este ano no noso colexio moitas das actividades para conmemorar este día xiran en torno ao proxecto "Coñecernos para querernos" pero ademais, entre todos, construimos unha árbore na que cada curso foi pegando as súas mensaxes de paz e ao mesmo tempo lemos uns fermosos poemas intercalados con cancións de PAZ. Ao remate compartimos pan con chocolate. Foi unha fermosa celebración.

Aquí tedes a reportaxe fotográfica e a recompilación dos poemas e cancións. Desexarvos que todos os días sexan días da PAZ.

Cantamos á PAZ

   

"Día Escolar da Non Violencia e a PAZ", lemos mensaxes de Paz

101 imágenes, 101 abrazos para aprender a querernos. 

Desde Smara para todos los niños y niñas de Galicia.

Con este lema comezan as 101 imaxes, cos seus  correspondentes pes de foto, enviadas polos nenos e nenas do campamento de refuxiados saharauís de Smara. O luns día 30, xuntámonos no Recanto dos Contos para ler, cada un de nós, unha destas fermosas frases, que son as nosos millores mensaxes de PAZ.

CONTACONTOS KALANDRAKA.

O luns día 30 recibimos no cole unha visita moi especial, os contacontos Pablo Díaz e Patricia González que nos relataron varias  historias coma "A familia C" e  "A viaxe de Pancho",  todo iso acompañado dunha especial banda sonora cun montón de instrumentos propios do noso folclore galego:  frauta, clarinete, pandeireta, pandeira. 

Foi moi divertido!!!

Grazas, e ata pronto.

                          

ROTEIRO POLAS BIBLIOTECAS DE FERROLTERRA VII

A xuntanza das Bibliotecas Escolares de Ferrolterra neste mes de xaneiro fíxose no CPI de San Sadurniño, queremos desde aquí darlles as grazas pola fantástica acollida e os parabéns polo seu estupendo traballo. Deixamos o enlace á completísima reportaxe que no Segrel do Penedo fixo a nosa compeñeira Loly.

Xuntanza no CPI San Sadurniño

Raioteca regresa da súa viaxe...

A nosa mascota da biblioteca é moi viaxeira e coma sempre que regresa dunha viaxe, ven cargada de mensaxes e agasallos. Esta vez estivo visitando os campamentos de refuxiados saharauis e coñeceu a Lalia, que lle contou moitas cousas da súa vida no campamento. Tamén nos trouxo moitos libros de Gonzalo Moure, unhas bolsas para levar e traer os libros da biblio e uns amigos contacontos que nos visitarán o martes para contar e cantar.

   

Día Escolar da Non Violencia e a PAZ!

Hoxe, día 30 de xaneiro, data do aniversario da morte de Mahatma Gandhi (1869-1948), celébrase o "Día escolar da non violencia e da Paz" (DENIP) e nesta data o proxecto "Coñecernos para querernos" que estamos a levar a cabo cos rapaces e rapazas dos campamentos de refuxiados sahararuis en Tinduf fainos sentir, se cabe, máis preto de todos aqueles que como eles están a ser vítimas desas guerras esquecidas, eses conflitos ignorados pola comunidade internacional.

Cando eliximos este título para o noso proxecto, fixémolo convencidos do que ese "lema" significaba, fixémolo con plena conciencia do noso obxectivo principal, coñecer a quen está a loitar polos seus dereitos e, na medida das nosas posibilidades, loitar para que eses dereitos algún día, non moi lonxano, sexan recoñecidos e ese exilio ao que levan sometidos 35 anos cese dunha vez e consigan alcanzar un acordo definitivo de paz que permita a libre determinación do pobo saharaui.

E para que nos vaiamos coñecendo velaí tedes "101 imaxes, 101 abrazos para coñecernos, para aprender a querernos" chegados dende Smara para tod@s nós, para tod@s vós.



Hoxe, día da Non Violencia e a Paz, as bibliotecas escolares do Plambe-Ferrolterra implicados, a través do Bubisher, neste fermoso proxecto "Coñecernos para querernos" queremos berrar alto e forte "Deámoslle unha oportunidade á Paz" "Give peace a chance!"

Give peace a chance - John Lennon

COÑECERNOS PARA QUERERNOS

"COÑECERNOS PARA QUERERNOS" é o nome dun proxecto entre un grupo de Bibliotecas Escolares de Ferrolterra  con escolas dos campamentos de refuxiados saharauis, coordinado polo escritor Gonzalo Moure. A nosa biblioteca participa neste proxecto. 

O primeiro que fixemos foi a elaboración dunha presentación, que é unha breve descripción do lugar onde vivimos, o recinto escolar, as aulas, a nosa biblioteca...; e cada un dos membros do club de lectura relata un pouco da súa vida e fai un debuxo.

Con todo isto elaboramos un libro que enviamos ás nenas e nenos do Sahara, como primeiro paso para coñecernos un pouco millor.

(Para activar a música do slide terás que clicar no icono do altavoz)

                               
Untitled from Jaime F. Pola on Vimeo.

BIBLIOTÓMBOLA E ENTREGA DE DIPLOMAS

O martes 20 celebramos o día da Bibliotómbola de Nadal. Raioteca enviounos unha carta explicando o proxecto que este ano imos levar a cabo con outros centros do PLAMBE Ferrolterra, podedes lela clicando aquí. Tamén ese día fixemos entrega dos diplomas e agasallos aos mellores lectores deste primeiro trimestre e aos encargados de biblioteca. Ademais Raiteca deixounos un cofre cheiño de moedas de chocolate para desexarnos un BO NADAL.