#TOD@SCO25N

Este día non é só unha data no calendario, é un chamamento á conciencia colectiva, unha oportunidade para alzar a voz contra unha das maiores inxustizas que aínda persisten na nosa sociedade: a violencia de xénero.

Por iso no noso centro, estivemos moi activos e activas, para  non permanecer indiferentes. A violencia de xénero é unha cuestión social, unha responsabilidade colectiva. Cada persoa, cada institución, cada comunidade ten un papel fundamental na súa erradicación. É necesario educar en igualdade, fomentar o respecto e promover relacións baseadas na empatía e na liberdade.

Deixámosvos cunha recopilación das diferentes actividades, obradoiros, etc,..., que ao longo destes días estivemos a realizar para que este 25 de novembro non quede só nas palabras e que xuntas e xuntos, construamos un futuro libre de violencia. Un futuro no que o respecto e a igualdade sexan a base da convivencia. Porque sen igualdade, non hai xustiza. E sen xustiza, non hai paz.

O DÍA DA INFANCIA

A rapazada de 3º e 4º de EP e dous representantes de 5º e outros dous de 6º de EP, foron este mércores 19 , á Casa da Cultura en Pontedeume para celebrar o Día da Infancia, e xunto con outros colexios da contorna, expoñer en público as súas inquedanzas e propostas.

Foi un día moi especial!!!

Celebrouse o Día da Infancia, unha data que nos lembra a importancia de coidar, escoitar e respectar ás nenas e aos nenos , porque son o presente e o futuro da nosa sociedade.

Queremos agradecer á casa da Cultura de Pontedeume, por acollernos e ofrecernos este espazo para compartir o noso traballo , as nosas ilusións e as nosas voces.

Tamén queremos dar un agradecemento moi especial á Asociación EuroEume , pola súa colaboración e polo esforzo que fai cada ano para que este día sexa posible. Moitas grazas por acompañarnos, por organizar actividades tan divertidas e educativas.

Foi un día de festa, pero tamén unha oportunidade para lembrar que cada neno e cada nena merece medrar nun ambiente de respecto, igualdade e liberdade.

Que nunca falte o sorriso, a amizade e a esperanza!!!

Magosto polo San Martiño

 Este pasado martes día 11 de novembro, celebramos o magosto, onde grazas á Asociación cultural do Olmo, e a súa fantástica máquina de asar castañas, feita dun bombo de lavadora, foi posible desfrutar do tradicional magosto, co obxectivo de non esquecer o noso Patrimonio Cultural. Ademais, tivemos xogos con castañas, e non podía faltar o baile dos peóns, pois nesta data é ben sabido o dito: 

"Polo San Martiño, peóns ao camiño."

Resultou unha xornada moi educativa e divertida!!!

O Samaín- Tradicións con Patrimonio Cultural-Natural

 O Samaín  non podía faltar como celebración que tanto gusta ao alumnado. Por este Samaín, fixéronse cabazas terroríficas  baseadas en animais , pois queriamos facer un guiño ao noso Proxecto de centro Integrado , que está relacionado cos ecosistemas.

Abofé que lles quedaron estupendas!!! Moitas grazas a todas esas familias que participaron para poder decorar os nosos corredores.

Tamén tivemos merendas terroríficas, onde a rapazada trouxo e compartiu merendas polo Samaín, coas familias, mestres/as, etc,... Elaboráronse colares de zonchos, para non perder o noso Patrimonio Cultural, relacionado co día de Todos os Santos.