RAIOTECA

Día Escolar da Non Violencia e a PAZ!

2012-01-30T00:18:00.000+01:00

Hoxe, día 30 de xaneiro, data do aniversario da morte de Mahatma Gandhi (1869-1948), celébrase o "Día escolar da non violencia e da Paz" (DENIP) e nesta data o proxecto "Coñecernos para querernos" que estamos a levar a cabo cos rapaces e rapazas dos campamentos de refuxiados sahararuis en Tinduf fainos sentir, se cabe, máis preto de todos aqueles que como eles están a ser vítimas desas guerras esquecidas, eses conflitos ignorados pola comunidade internacional.

Cando eliximos este título para o noso proxecto, fixémolo convencidos do que ese "lema" significaba, fixémolo con plena conciencia do noso obxectivo principal, coñecer a quen está a loitar polos seus dereitos e, na medida das nosas posibilidades, loitar para que eses dereitos algún día, non moi lonxano, sexan recoñecidos e ese exilio ao que levan sometidos 35 anos cese dunha vez e consigan alcanzar un acordo definitivo de paz que permita a libre determinación do pobo saharaui.

E para que nos vaiamos coñecendo velaí tedes "101 imaxes, 101 abrazos para coñecernos, para aprender a querernos" chegados dende Smara para tod@s nós, para tod@s vós.

Hoxe, día da Non Violencia e a Paz, as bibliotecas escolares do Plambe-Ferrolterra implicados, a través do Bubisher, neste fermoso proxecto "Coñecernos para querernos" queremos berrar alto e forte "Deámoslle unha oportunidade á Paz" "Give peace a chance!"

Give peace a chance - John Lennon

COÑECERNOS PARA QUERERNOS

2012-01-05T01:29:00.002+01:00

"COÑECERNOS PARA QUERERNOS" é o nome dun proxecto entre un grupo de Bibliotecas Escolares de Ferrolterra con escolas dos campamentos de refuxiados saharauis, coordinado polo escritor Gonzalo Moure. A nosa biblioteca participa neste proxecto.

O primeiro que fixemos foi a elaboración dunha presentación, que é unha breve descripción do lugar onde vivimos, o recinto escolar, as aulas, a nosa biblioteca...; e cada un dos membros do club de lectura relata un pouco da súa vida e fai un debuxo.

Con todo isto elaboramos un libro que enviamos ás nenas e nenos do Sahara, como primeiro paso para coñecernos un pouco millor.

(Para activar a música do slide terás que clicar no icono do altavoz)

Untitled from Jaime F. Pola on Vimeo.

BIBLIOTÓMBOLA E ENTREGA DE DIPLOMAS

2012-01-01T15:46:00.004+01:00

O martes 20 celebramos o día da Bibliotómbola de Nadal. Raioteca enviounos unha carta explicando o proxecto que este ano imos levar a cabo con outros centros do PLAMBE Ferrolterra, podedes lela clicando aquí. Tamén ese día fixemos entrega dos diplomas e agasallos aos mellores lectores deste primeiro trimestre e aos encargados de biblioteca. Ademais Raiteca deixounos un cofre cheiño de moedas de chocolate para desexarnos un BO NADAL.

ROTEIRO POLAS BIBLIOTECAS DO PLAMBE FERROLTERRA

2011-12-20T22:38:00.001+01:00

As dúas últimas reunións do Grupo de Bibliotecas de Ferrolterra tiveron lugar en dúas fantásticas Bibliotecas da comarca, enlazamos cada unha delas coa reportaxe que Loly Lago publicou no blog "O Segrel do Penedo", grazas Loly por este excelente traballo de recompilación.

CEIP San Ramón-Moeche

CEIP Os Casais-Maniños, Fene

BIBLIOTÓMBOLA DE NADAL 2011

2011-12-20T01:24:00.003+01:00

A actividade estrela nestas datas na Biblioteca é

"A BIBLIOTÓMBOLA DE NADAL"

Este ano realizamos xa a nosa cuarta convocatoria, recordamos as bases:

1.- Para participar nesta actividade, cada alumno/a terá que traer un libro adaptado
á súa idade.

2.- Que sexa un libro que xa fose lido polo alumno/a.

3.- Que o libro estea en bo estado.

4.- O libro terá que vir acompañado dunha ficha, cun comentario persoal ou un debuxo.Esta ficha será entregada aos que queiran participar.

5.- A finalidade desta actividade é que cada alumno/a teña o seu libro como agasallo dun compañeiro/a da escola.

Os libros estarán expostos por ciclos, e a cada libro asignaráselle
un número, co que entrará no sorteo final.

GUÍA DE LECTURAS NADAL 2011

2011-12-14T23:21:00.001+01:00

Este ano desde a Biblioteca do CEIP Andrade participamos, xunto con outras Bibliotecas Escolares da zona Ferrolterra, no proxecto: "Coñecernos para querernos", con escolas dos campamentos de refuxiados Saharauis. Por esta razón a nosa guía do nadal 2011 contén unha breve explicación deste proxecto e unha recompilación dalgúns libros de literatura infantil e xuvenil, escritos por Gonzalo Moure, coordinador desta actividade. Clica na foto para acceder á guía:

10 de Decembro: Día dos DDHH

2011-12-10T11:51:00.000+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

OS CONTOS E AS TICS.

2011-12-04T17:18:00.003+01:00

Neste curso 2011-2012 o claustro do CEIP Andrade imos realizar un Proxecto de Formación en Centros co título: "Os contos e as TICS", elaboraremos diferentes recursos e actividades en torno aos contos que en cada ciclo foron seleccionados:

E. Infantil: "A que sabe a lúa?"
1º Ciclo: "Yamina"
2º Ciclo: "O rato solteiro"
3º Ciclo: "Contos vellos para rapaces novos"
"El enigma Averroes"

LECTURAS COMPARTIDAS. Recompilación

2011-11-27T19:43:00.004+01:00

Unha das actividades desenvolvidas na Biblioteca en colaboración coas familias é a de:

LECTURAS COMPARTIDAS:

Invitamos aos pais, nais ou familiares a que veñan ao colexio e lean aos nenos e nenas un conto, historia ou relato.

Poden traelo da casa ou elexilo entre os libros da nosa biblioteca.

Quen desexa participar nesta actividade debe cubrir un imprexo.

Cando sabemos con canta xente contamos temos unha xuntanza para organizar as lecturas.
Os nenos/as fan unha pequena presentación e ao remate entregan un agasallo elaborado por eles e un diploma de contacontos.

Ten tan boa acollida que lle adicamos un día á semana na Hora de Ler.

Aquí deixamos unha recompilación das Lecturas Compartidas do curso 2010-2011:

25N. Non á violencia de xénero

2011-11-27T17:01:00.001+01:00

Un vídeo, un conto e unha canción:

- Un vídeo: "Maltrato sutil"

- Un conto: "A bruxa Pandora"

- Unha canción: "Ella" de Bebe
- Proposta de actividades.

Se clicas neste enlace podes acceder a unha proposta de actividades para Educación Primaria elaborada polo Consorcio Galego de Servizos de Igualdade e Benestar:

25N. Non á violencia de xénero.

11 do 11 do 2011: "O baúl dos monstros", "A min non me comas"

2011-11-20T19:19:00.004+01:00

Nunha data tan orixinal: 11 do 11 do 2011, recibimos unha carta da nosa mascota de Biblioteca, RAIOTECA, na que despois de darnos os parabéns polo noso traballo na celebración da Festa da Froita, anuncia que deixou para todos nós dous agasallos lectores: un libro titulado "A min non me comas" e unha colección: "O baúl dos monstros".
Para celebralo asistimos a un teatro lido, representado por alumnos/as desde 1º ata 3º ciclo, do conto: "A min non me comas" e despois un grupo de nenas e nenos explicánnos o que necesitamos para chegar a ser auténticas bruxas, pantasmas ou vampiros tal e como aparece nos contos da colección: "O baúl dos monstros"

a min non me comas

More PowerPoint presentations from cole primaria

11 do 11 do 2011 on PhotoPeach

buxa

More PowerPoint presentations from cole primaria

IV FESTA DA FROITA AUTÓCTONA DO EUME

2011-11-20T17:07:00.001+01:00

O venres 28 de Outubro celebramos a IV Festa da Froita Autóctona do Eume en colaboración con AGFA do Eume (Asociación Galega da Froita Autóctona do Eume). Desde a Biblioteca propuxemos a lectura do libro de Xoán Farias "Desde o corazón da mazá", coa presentación do glogster que elaboramos para colaborar có proxecto do Plambe Ferrolterra. Ese día o alumnado fixo a lectura dalgúns fragmentos que fan referencia á recolleita da mazá. Tamén elaboramos un libro de recompilación de redacións e debuxos co título: "Froita autóctona do Eume". O alumnado do 1º ciclo presentou un libro moi interesante e divertido de poemas de outono.

APERTURA BIBLIOTECA

2011-10-20T04:18:00.000+02:00

Comezamos unha nova andadura. A nosa mascota Raioteca regresa dunha longa viaxe, e tendo en conta as suxestións que recolle no buzón da biblioteca, ven cargada cun montón de novas adquisicións. Todo o alumnado do colexio pasa estos días pola biblioteca para recordar as normas de uso, horario, emprestitos, distribución dos espazos, presentación do novo equipo de alumnos/as colaboradores, club de lectura, hora de ler. Previamente tivemos unha reunión coas titoras ás que lles entregamos unha carpeta que contén:

Guía da biblioteca.

Calendario do Libro e a Lectura.

Titoriais de Recursos Meiga.

En que consiste a "Hora de Ler"?

Mochilas Viaxeiras.

Decálogo Lector.

Itinerarios Lectores.

AS BIBLIOTECAS GALEGAS DESPIDEN A Mª DOLORES

2011-09-13T23:13:00.000+02:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

LECTURAS COMPARTIDAS XV

2011-08-23T22:51:00.000+02:00

Inés, a nai de Icia, do 3º curso, presentounos o conto: "Palabra de crocodilo":

"Como o vello crocodilo quería chegar ao río, e Bamako necesitaba cruzar á outra beira, ambos decidiron axudarse mutuamente. Pero cando o crocodilo estaba na auga, entráronlle unhas ganas irresistibles de comer ao neno. «Non é xusto, fixemos un pacto», queixouse o pequeno. Decidiron consultar á árbore e ao burro, pero os dous animaron ao réptil a comer a Bamako e vingar así os abusos dos homes contra os animais. Entón, a lebre, coa súa astucia, dálle a volta á situación, e finalmente todo acaba ben..."

É un conto con moita mensaxe e unhas preciosas ilustracións. Queremos dar as grazas a Inés por darnos a coñecer unha historia tan interesante. Moitas grazas tamén a Icia pola presentación que nos fixo da súa nai.
Parabéns ás dúas e ata pronto!!!

LECTURAS COMPARTIDAS XIV

2011-08-23T21:53:00.003+02:00

Clara, a nai de Martín, e Verónica, a nai de Eugym, alumnos de E.Infantil de 3 anos, presentáronnos o conto: "Os chivos chivóns", pero dunha forma ben orixinal, representado en teatro de sombras.

Foi moi divertido. Todos disfrutamos moito coa representación.

Desde aquí queremos darlle as grazas a Clara e Verónica polo seu traballo e o seu entusiasmo. Teñen ben merecido o diploma de contacontos.
Martín e Eugym fixeron tamén un bo traballo como presentadores.
Parabéns a todos e ata pronto!!!

LECTURAS COMPARTIDAS XIV on PhotoPeach

Premio "Sunshine Award 2011"

2011-07-12T16:52:00.005+02:00

Recibimos unha agradable sorpresa dende un dos blogues da web de Bibliotecas Escolares de Galicia:

Hora de ler.

O agasallo "Sunshine Award 2011".

Queremos mostrar o noso agradecemento e mandarlles un agarimoso saúdo.

Para cumprir cos requisitos esixidos publicamos a lista de blogues que nós consideramos merecedores deste agasallo. Son dous enlaces:

Blogues de Bibliotecas Escolares de centros de Primaria de Galicia.

Blogues de Bibliotecas Escolares de centros de Secundaria de Galicia.

Consideramos que todos eles son unha fiestra aberta que nos mostran a importante labor, ao redor do libro e a lectura, que se está levando a cabo en todas e cada unha destas Bibliotecas Escolares de centros de ensino público de Galicia.

DESPEDIDA CLUB DE LECTURA 2010/2011

2011-06-12T23:24:00.001+02:00

Esta semana tivemos a última reunión do Club de Lectura deste curso 2010/2011. Fixemos unha posta en común das nosas impresións despois da lectura do libro de Antón Cortizas:
"O Conto dos sete medos".
A todos os membros do club pareceunos un libro moi divertido e ameno e serviunos de punto de partida para que cada un de nós contara os seus propios medos. Chegamos á conclusión de que todos temos medos e algúns ben extravagantes...

LECTURAS COMPARTIDAS XIII

2011-06-12T19:41:00.000+02:00

O xoves día 9, Sandra, a nai de Iago de Infantil 5 anos, presentounos o conto: ¿De qué tienes miedo? de Violeta Monreal, un fantástico libro con preciosas ilustracións.
Genoveva é unha araña que da medo a todo o mundo. E quere saber por qué se asustan. A través das páxinas deste libro, varios nenos e nenas contestan a mesma preganta: De que tes medo?
Moitas grazas Sandra pola túa lectura e a túa colaboración no proxecto "Lecturas Compartidas"
Ata pronto!!!

GUÍA DE LECTURAS VERÁN 2011

2011-06-12T18:17:00.000+02:00

Open publication - Free publishing - More lecturas

ROTEIRO BIBLIOTECAS PLAMBE FERROLTERRA.

2011-06-11T18:39:00.002+02:00

Visitamos a Biblioteca do CEIP "O Ramo" de Barallobre, unha biblioteca chea de vida e cunhas magníficas anfitrionas.
Moitas grazas !!!
Deixamos un enlace á fántastica reportaxe que Loly nos aporta dende o blog da Biblioteca do IES de Fene "O Segrel do Penedo"

O roteiro continua coa visita á Biblioteca do IES Concepción Arenal de Ferrol. Nesta ocasión non puidemos asistir pero deixamos un enlace á reportaxe fotográfica.

LECTURAS COMPARTIDAS XII

2011-06-06T00:27:00.000+02:00

O xoves, a nai de Alex de 2º curso presentounos o conto: "O señor mago e a folla", un libro moi especial para todos nós, sobre todo porque está ilustrado por Suso Cubeiro que tivemos a sorte de telo no colexio.
Alex fixo a presentación da súa nai e Mª José demostrounos que é unha estupenda contacontos. Ten ben merecido o diploma. Dende aquí queremos agradecerlle a súa colaboración.
Moitas grazas e ata pronto!!!

LECTURAS COMPARTIDAS XII on PhotoPeach

"A insoportable levedade das bibes galegas"

2011-06-02T16:37:00.000+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

LECTURAS COMPARTIDAS XI

2011-06-01T23:08:00.002+02:00

Continuamos con LECTURAS COMPARTIDAS, esta vez visítanos a avoa de María do 2º curso, chámase Lolita, e presentounos un conto de tradición oral: "Xoán tonto". Todos estivemos moi atentos para non perdernos nada desta historia tan interesante, ademais mentres escoitabamos íamos vendo os debuxos que os nenos e nenas de 2º curso fixeron para ilustrar o conto. Foi unha sesión de contacontos do máis orixinal e entretida. Dende aquí queremos darlle as grazas a Lolita pola súa colaboración e por facernos pasar un rato tan agradable. Os nosos parabéns para ela e para súa neta María que ademáis fíxonos unha fantástica presentación da súa avoa. Moitas grazas e ata pronto!!!

Conto de tradición oral.

LECTURAS COMPARTIDAS X

2011-06-01T21:55:00.000+02:00

O xoves 20, tivemos unha visita moi especial, Betty e Vicky, a nai de Fran e Alejandro e a nai de Antón de E. Infantil. Elas foron as nosas protagonistas, unhas fantásticas contacontos. Presentáronnos o conto: "La gallina Churra", foi unha sesión moi divertida, con canción incluida. Esperamos que repitan. Moitas grazas pola vosa colaboración e ata pronto!!!

Os nosos parabéns tamén para Alejandro, Antón e Fran que nos fixeron a presentación das súas nais e axudáronas coa canción.

MADRIÑAS E PADRIÑOS LECTORES.

2011-05-29T18:40:00.001+02:00

Dentro do proxecto "LECTURAS COMPARTIDAS", o alumnado do 3º ciclo e de 4º curso de Primaria comparte lecturas coas nenas e nenos de Educación Infantil, 1º ciclo e 3º curso de Primaria.Os padriños e madriñas preparan o conto que lle van ler aos seus afillad@s e ao día seguinte, na "Hora de Ler", acoden ás aulas a buscalos; Os padriños e madriñas elixen o libro e o lugar onde queren estar. Pode ser en calquera sitio do colexio.

RESUMO ACTIVIDADES LETRAS GALEGAS 2011

2011-05-24T00:35:00.005+02:00

LETRAS GALEGAS 2011. SALVANDO LIBROS.

2011-05-17T12:21:00.000+02:00

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Open publication - Free publishing - More biblioteca

Esta é a escolma de libros que representan aos centros de Educación Primaria

Open publication - Free publishing - More biblioteca

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

Open publication - Free publishing - More carteles

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

LETRAS GALEGAS 2011. LOIS PEREIRO.

2011-05-17T10:00:00.003+02:00

Se premes ao pé da foto poderás acceder a unha recompilación dos traballos realizados polas Bibliotecas Escolares Galegas arredor da figura de Lois Pereiro. Chéganos dende o blog Trafegando Ronseis. Moitas grazas a Gracia Santorum por compartilo.

LOIS PEREIRO. BIBLIOTECAS ESCOLARES GALEGAS.

A nosa aportación é un traballo colaborativo baseado no poema Que é Galicia?

LECTURAS COMPARTIDAS IX

2011-05-16T22:02:00.004+02:00

O venres día 13 recibimos no colexio ao pai de Xoana, alumna do 2º ciclo.

Miguel Anxo leunos un precioso conto titulado "Titiritesa": No reino de Trasantonte vivía a princesa Titiritesa. O que máis lle gustaba era comer terróns de azucre e enlamarse nas pozas, cousa que facía rabiar á súa mai, a raíña Mandolina, que soñaba con vela casada. Ela soñaba con explorar o mundo nun cabalo azul...
É un excelente contacontos e fíxonos pasar un rato moi divertido.
Moitas grazas pola túa colaboración.
Ata pronto!!!
Deixámosvos a reportaxe fotográfica onde tamén aparece Xoana facendo unha fantástica presentación do seu pai.

"Un soño na bandexa" Marine e Jorge.

2011-05-14T14:56:00.005+02:00

O venres 6 de maio, recibimos no colexio unha visita moi especial, a escritora e o ilustrador do libro: "Un soño na bandexa": Marine Lorenzo Corcoba e Jorge Vázquez.
Marine contounos moitas cousas sobre a súa historia persoal e profesional:
"Son nai adoptiva. Tres nenos chamaron un día á miña vida e iluminárona de recordos da miña nenez. A maior chegou con cinco anos. Ao chegar á súa adolescencia, un tremendo cancro fíxoa madurar durante dous longos anos de loita, anos nos que lle escribín moito e lle lin moito máis. Unha tarde de verán, entre os meus brazos, rodeada dos seus irmáns, sentín que xa non me falaría xamais e, non obstante, non deixarei de escribir pensando nela.
Así nace "Un soño na bandexa" como unha ponte que me une a todos os nenos, como unha ilusión convertida en realidade."

Jorge explicounos que o que máis lle gustaba era debuxar, e coa súa axuda fixemos o retrato dun camareiro moi rechulo.
Tamén nos comentaron que "Un soño na bandexa" é un libro solidario; todos os beneficios que aporte irán destinados á loita contra o cancro.
Moitas grazas Marine e Jorge. Parabéns por facer posible este libro!!!
Ata pronto.

LECTURAS COMPARTIDAS VIII

2011-05-14T14:27:00.015+02:00

Continuando co proxecto "Lecturas Compartidas" recibimos a visita de María, a nai de Inés e Matias, que nos presentaron e nos contaron moitas cousas da súa nai.
A continuación María leunos o conto "A lúa ladroa" que nos gustou moito. Dende aquí queremos darlle os parabéns e agradecerlle a súa colaboración.

Ese día contamos tamén coa presenza das nenas e nenos de "Preescolar na casa" que nos acompañaron na lectura do conto.

Aquí tedes as fotos:

LECTURAS COMPARTIDAS VIII on PhotoPeach

COMO INTERPRETAR A BANDA DESEÑADA.

2011-05-08T18:36:00.003+02:00

Traballo elaborado no CEIP A Ramallosa de Pontevedra. Grazas por compartilo.

LECTURAS COMPARTIDAS VII

2011-05-01T20:16:00.008+02:00

O mércores 27 de abril recibimos no colexio á nai de Hugo e Claudia que nos presentou o conto: "O incrible neno devorador de libros" , escrito por Oliver Jeffers.
Hugo e Claudia fixeron unha emotiva e divertida presentación da súa nai, e Ana mantivo a atención de todos os nenos e nenas coas súas dotes de contacontos. Parabéns Ana!!! e moitas grazas pola túa colaboración. Ata pronto.
LECTURAS COMPARTIDAS VII on PhotoPeach

ABRIL, MES DOS LIBROS

2011-04-23T17:25:00.002+02:00

Entre outras actividades neste mes de abril, adicado aos libros, teremos:
Mercadillo de libros e películas. Exposición dos libros máis lidos. Entrega de agasallos aos mellores lectores e aos encargados de Biblioteca.

23 de abril, Día Mundial do Libro e dos Dereitos de Autor.

2011-04-22T12:46:00.017+02:00

Hoxe 23 de abril celebramos o Día Mundial do Libro e dos dereitos de Autor. A idea de adicar ese día á festa do libro foise extendendo dende España ata outros paises. É no ano 1964 cando queda instituido oficialmente o día 23 de Abril como Día Internacional do Libro.
O poeta Carlos Negro agasallou ás Bibliotecas Escolares Galegas cun fermoso texto, "O lugar da lectura", e a Consellería de Educación editou con el un marcapáxinas para celebrar este 23 de abril de 2011:

Unha illa de luz na xema dos dedos.
Unha porta sempre entreaberta.
Unha duna cara ao vento.
Unha nube sobre a herba.
Unha casa encantada.
Unha laranxa do paraíso.
Unha pousada no inferno.
Unha man e unha fouce.
Unha carapucha vermella.
Unha bufanda colorada.
Unha alfombra no ceo.

A pulga e o xigante.

A rosa e o cravo.
A serpe e a mazá.
A fonte e o cervo.
A flor da candea.
A fenda do espello.
A lúa na boca.
A tona do tempo.
A pedra e o canto.
A voz e o silencio.
O lugar da lectura.
Carlos Negro.

LECTURAS COMPARTIDAS VI

2011-04-21T23:03:00.014+02:00

Seguindo co proxecto "Lecturas Compartidas", o venres día 15 visitounos unha contacontos moi especial, a nai de Carlos de Infantil 5 anos, que nos presentou o conto: "A toupiña que quería saber quén lle fixera aquilo na cabeza". É un conto moi divertido e Gloria relatouno con tanta expresividade, que fixo que pasaramos un rato moi pero que moi divertido. Moitas grazas Gloria pola túa colaboración. Ata pronto!!!

Os nosos parabéns tamén para Carlos pola presentación tan emotiva que nos fixo da súa nai.
Deixámosvos aquí a reportaxe fotográfica:

Novo título para o club de lectura : "O CONTO DOS SETE MEDOS"

2011-04-14T22:33:00.005+02:00

Comezamos unha nova lectura. Preparados, listos, xa: "O conto dos sete medos"
O seu autor: Antón Cortizas.
A próxima xuntanza á volta das vacacións de Semana Santa.

UN SOÑO NA BANDEXA. Mariné Lorenzo Corcoba.

2011-04-14T18:14:00.010+02:00

A través do noso blog de Biblioteca, a escritora Mariné Lorenzo, atopou a entrada relacionada con "Un soño na bandexa", gustoulle tanto a idea de que o seu libro fose elixido para centrar a celebración do "Día do amigo" que inmediatamente púxose en contacto con nós e ademais de ofrecerse a visitarnos e contarnos a súa historia escribiu un correo para todos os nenos e nenas do colexio. O libro verás que está doado á asociación contra o cancro. Son mamá de tres nenos adoptados que me encheron a vida de bruxas, contos e cancións.... A miña nena!!, a máis presumida do mundo, a máis forte e a máis bonita, e dous nenos. Chegaron con cinco anos Andrea, catro Xosé e tres Daniel. Andrea morréuseme nos meus brazos despois de dous anos de loita contra o cancro. A primeira edición enviouse para axuda psicolóxica de nenos enfermos, espero que a segunda chegue tamén, por iso verás na tapa do libro a recensión de que está doado... Vin a fortaleza dun neno enfermo ante esta dura enfermidade, eu sentíame fráxil... e para eles vai. Poder entrar na Coruña é unha grande experiencia, por iso non dubides en mandar o noso enlace a todos os centros que queiran traballar o libro con nós. A TI A MIÑA APERTA FORTE déixoche o meu teléfono ... 651858181, e conta coa miña visita !! Enlace ao blog: http://www.unsononabandexa.blogspot.com/ O CORREO PARA OS NENOS E NENAS DO COLE: OLA PEQUES !!! Son Mariné, que ganas de coñecervos !!! Gustoume moito que lésedes un soño na bandexa, xa vos contarei como o escribín... Vivo en Pontevedra, nunha casa preto dunha praia e do monte, gústame moito pasear, a brisa do mar e o ruído da choiva ao caer, a música das ras, as fadas e os meus amigos.. Un soño na bandexa foi o libro escollido para o dia do amigo!! que sorte tivo o camareiro !! Encarna encontroume escondida baixo os seus correos, invitoume a saír e espero coñecervos moi pronto... UNHA APERTA GRANDE DE CARAMELO TOSTADO E UN BICO UN POUCO AZUCRADO Mariné

Open publication - Free publishing - More amizade

LECTURAS COMPARTIDAS V

2011-04-10T21:08:00.007+02:00

Continuando co proxecto "Lecturas Compartidas", esta semana tivemos a sorte de contar con Rosario, a nai de María e Carlos. Presentounos o libro: "Verde por fuera" , que recolle adiviñas de dezaseis contos clásicos. Dentro de cada ilustración están debuxadas as solucións, pero hai que buscalas. Participaron todos os nenos e nenas de Infantil, 1º ciclo e 3º curso de primaria. Moitas grazas Rosario pola túa lectura e por facernos pasar un rato tan divertido. A continuación a reportaxe fotográfica, que ademais recolle os momentos tan emotivos nos que Carlos e María presentan á súa nai.

Presentación das adiviñas:

ENCONTROS DO PLAMBE 2010/2011

2011-04-10T20:27:00.004+02:00

Os días 7 e 8 de abril celebráronse en Santiago de Compostela os Encontros do Plan de Mellora de Bibliotecas Escolares. Foi ocasión para profundizar no modelo da biblioteca escolar que se está a entender, como centro de recursos de lectura, información e aprendizaxe. Incidiuse nos instrumentos que Internet pon a disposición das bibliotecas para o exercicio das súas funcións e facilitar a formación da competencia informacional do alumnado, e falouse de lectura e de poesía: cine e banda deseñada centraron as experiencias dos centros, que se presentaron en mesas simultáneas. Tamén foi oportunidade para o encontro entre os membros dun colectivo que están a facer realidade as pequenas utopías que son todas e cada unha das bibliotecas escolares galegas. A clausura destes encontros estivo a cargo do gran escritor galego Xosé Neira Vilas, que nos encandilou a todos co seu discurso: Libros para nenos e nenas, sempre cunha lección escondida e ao mesmo tempo entretidos. Parabéns ás organizadoras . O enlace aos materiais dos encontros aquí

Encontros Plan de mellora de bibliotecas escolares 2011 from Bibliotecas Escolares de Galicia on Vimeo.

EXPOSICIÓN SOBRE A HISTORIA DO LIBRO.

2011-04-05T23:11:00.003+02:00

Que mellor xeito de comezar o mes de abril, MES DOS LIBROS, que cunha exposición sobre o libro e a súa historia, elaborada no IES Fernando Esquío de Neda. Parabéns a todos os que fixeron posible esta exposición.

LECTURAS COMPARTIDAS IV

2011-04-03T23:40:00.007+02:00

Continuando co proxecto "Lecturas Compartidas", nesta ocasión visitounos a avoa de Marina e Diego: Carmen, que nos deleitou coa lectura dun fermoso conto titulado " AVÓS": ...A avoa sorriu e foise mirar no espello: - Non. Eu son fea coma unha galiña sen plumas, - dixo ela, prendendo a margarida no pelo. - Non digas iso, muller! Ti es feitiña coma o sol. E fai o favor de apurar, que temos que ir bailar!

Moitas grazas Carmen pola túa lectura.

Ata pronto!!!

2 DE ABRIL CON XOÁN FARIAS

2011-04-02T09:49:00.003+02:00

Preme no cartel para acceder ás actividades:

Noraboa a todos os nenos e nenas, mozos e mozas que participaron e encheron de vida os libros de Xoán Farias.

LECTURAS COMPARTIDAS III

2011-03-26T23:42:00.008+01:00

Continuando co proxecto "Lecturas compartidas", esta semana acompañounos Sara, a nai de Manuel de 4º curso, coa lectura dun fermoso libro relacionado coa temática deste mes, "A MULLER": La escuela secreta de Nasreen. Este libro é unha defensa da liberdade en Afganistán, a liberdade das nenas, das mulleres. Unha defensa do dereito que nenos e nenas teñen de ir ao colexio, en igualdade de condicións. Sara leuno con gran tenrura. Foi unha lectura moi emotiva, que a ninguén deixou indiferente. Moitas grazas Sara!!!

"DÍA MUNDIAL DA POESÍA"

2011-03-21T23:32:00.008+01:00

O día 21 de marzo, coincidindo coa chegada da primavera, celebramos o "Día Mundial da Poesía" , con este motivo dende o Equipo de Biblioteca propuxemos a actividade:

FACEMOS CALIGRAMAS.

Podedes acceder ás bases para participar clicando aquí.
Cada nena ou neno presenta o seu caligrama ao resto dos compañeiros e compañeiras do colexio que o ven proxectado ao mesmo tempo que se está lendo.
A presentación ten lugar no Recanto dos Contos na Hora de Ler.

Hoxe comezamos cos caligramas de Infantil e 1º ciclo.
Aquí tedes algunhas fotos que recollen ese momento.
Parabéns aos participantes, fixérono moi, pero que moi ben!!!

LECTURAS COMPARTIDAS II

2011-03-20T18:12:00.004+01:00

O martes recibimos no colexio a un contacontos moi especial, Iván, un ex-alumno, que ademais foi presentado polo seu irmán Adrián.

Leunos o conto titulado: "Ceniciento", un conto moi orixinal e ben distinto ao de "Cenicienta".

Moitas grazas Iván e ata pronto!!!

Aquí tedes a reportaxe fotográfica:

LECTURAS COMPARTIDAS: "Había otra vez"

2011-03-14T23:35:00.000+01:00

Continuando co proxecto "Lecturas Compartidas", esta semana temos a sorte de contar coa colaboración dun ex-alumno do colexio que se chama Iván.
A lectura proposta é "Ceniciento", un libro que forma parte dunha colección titulada: "Había otra vez" da Editorial Everest.
O día 8 celebramos o "Día da Muller" e con motivo desta celebración, as "Lecturas compartidas" deste mes estarán relacionadas con temas de coeducación. Esperamos que vos gusten.

Neste Glogster que ven a continuación están todos os títulos

desta nova colección que xa temos na Biblioteca:

(Para ver as portadas en grande, preme na foto e non soltes)

Día internacional da Muller: "Un libro, un vídeo, unha carta".

2011-03-08T20:13:00.007+01:00

Neste "Día Internacional da Muller" , desde o cole de Andrade queremos recordar a esas nenas que todavía a día de hoxe teñen pechado o acceso ás escolas, á cultura...
Para axudar ao noso alumnado a comprender mellor esta situación elaboramos unha webquest:

"Un libro, un vídeo, unha carta",

Xa foi presentada con motivo da celebración o 25 de novembro do"Día internacional da eliminación da violencia contra as mulleres", pero pensamos que é un tema suficientemente interesante para seguir traballando.
Se clicas nesta foto, ilustración de Leandro Lamas, poderás por a probas os teus coñecementos sobre a situación da muller no mundo:

Para rematar, unha fantástica recompilación no blog "Trafegando Ronseis", coas propostas doutros blogues das bibliotecas galegas e dos equipos de normalización. Preme na foto, outra ilustración de Leandro Lamas:

ENTROIDO: "Andrade medieval"

2011-03-01T23:13:00.006+01:00

Neste curso 2010/2011 adicamos o Entroido á Idade Media, desde a Biblioteca fixemos unha selección de libros que tratan esta temática: castelos, mosteiros, nobreza, clero, artesáns, vilas medievais...

Non deixedes de visitala á entrada do colexio.

Un enlace moi interesante: "Unha viaxe á Idade Media"

LECTURAS COMPARTIDAS I

2011-02-24T00:25:00.004+01:00

Dentro das actividades programadas polo Equipo de Biblioteca está a titulada:

"LECTURAS COMPARTIDAS":

Consiste en que os alumnos e alumnas do 3º ciclo lles lean aos alumnos/as de cursos inferiores, pero tamén invitamos aos pais, nais ou familiares a que veñan ao colexio e lean aos nenos e nenas un conto, historia ou relato. Poden traelo da casa ou elixilo entre os libros da nosa biblioteca.
O martes 22, MªCarmen, a nai de Alma de 6º curso, presentounos o conto: "Un extraño dolor de barriga", seguindo coa temática do amor e a amizade proposta para este mes de febreiro.
Alma fixo unha emotiva presentación da súa nai, e MªCarmen sorprendeunos a todos coas súas magníficas dotes de contacontos. Desde aquí queremos darche as grazas pola túa colaboración e os nosos PARABÉNS.

Plambe Ferrolterra no "Fernando Esquío"

2011-02-21T22:45:00.010+01:00

Desta xuntanza na Biblioteca do IES Fernando Esquio queda moi pouco que dicir despois de ler as fantásticas reportaxes do "Segrel do Penedo" e da "Biblioteca Xoán Farias". Só engadir que as anfitrionas conseguiron que nos sentiramos moi a gusto e que teñen unha fermosa Biblioteca, que denota moitos anos de bo traballo.

Parabéns a Begoña e a todo o seu equipo!!!

A próxima xuntanza, na Biblioteca do CEIP "O Ramo", en Barallobre.

Aquí tedes a montaxe fotográfica que Rosana (CEIP Pazos) fixo coas fotos da nosa reporteira Maribel (CEIP Os Casais); Moitas grazas ás dúas.

Comentarios "MOCHILAS VIAXEIRAS"

2011-02-20T14:58:00.004+01:00

Neste glogster están recollidos algúns dos últimos comentarios e debuxos que aparecen nos cadernos que acompañan ás "Mochilas viaxeiras".

Se os queres mirar con detalle, fai un clic e non soltes.

DÍA DO AMIGO: "Un soño na bandexa"

2011-02-16T21:41:00.015+01:00

O luns 14, celebramos no cole o "Día do Amigo".
As nenas e nenos do 2º ciclo fixeron un teatro lido dun conto: "Un soño na bandexa".
É un álbum que encerra un fermoso soño. Cóntanos o que pasaría se un día se nos dese por pedir cousas moi especiais a un camareiro disposto a soñar con nós.
Tamén disfrutamos moito coa película do "Soldadiño de Chumbo".
Para rematar cantamos todos xuntos: "En mi corazón vivirás" de Phil Collins. O alumnado de infantil repartiu fermosas flores que fixeron eles mesmos, e houbo intercambio de corazóns, a cada un tocounos o dun compañeiro ou compañeira do cole.
Os libros do "Soldadiño de Chumbo" e "Un soño na bandexa" estarán pronto á vosa disposición na Biblioteca, de momento forman parte da exposición de "Lecturas con corazón" á entrada do colexio.

Preme na foto para ver a guía de "Lecturas con corazón":

Xuntanza do club de lectura "RAIOLECTORES"

2011-02-13T21:32:00.003+01:00

O venres día 4 xuntámonos na Biblioteca para falar de libros: "O misterio dos fillos de Lúa" e "Operación yogur", ademais do intercambio de opinións e impresións sobre o seu argumento, tamén vimos uns vídeos relacionados, e ata cantamos unha canción sobre alimentación saudable.

Foi unha xornada moi interesante!!!

Aquí tedes a reportaxe fotográfica:

CONTACONTOS PARA INFANTIL E PRIMEIRO CICLO.

2011-02-08T21:36:00.006+01:00

A semana pasada visitáronnos Patri e Alex, contacontos da editorial Kalandraka, que viñeron para presentar aos nenos e nenas de Infantil e 1º ciclo os contos: "Un gran soño", "Unha parella diferente", "Un becho estraño" e "Os catro amigos".
Foi moi divertido porque ademais de contar tamén cantamos e tocaron instrumentos tan orixinais como o berimbau e a frauta de émbolo.
Os nosos parabéns para estos fántasticos contacontos.
Ata pronto!!!

OS SETE CABALEIROS DE CORES.

2011-01-30T16:40:00.007+01:00

As alumnas e alumnos de 5º curso representaron no "Día da PAZ" unha peza teatral titulada:

"OS SETE CABALEIROS DE CORES"

Con ela fixéronnos ver que uns dos valores máis importantes para ter un mundo feliz son a SOLIDARIEDADE e a TOLERANCIA, que sendo todos diferentes, sempre temos algo que aportar e que temos que ver esas diferencias como algo positivo e enriquecedor.

Que cores tan diferentes e que fermosos todos xuntos!!!

Se queres acceder á obra de teatro escrita, preme aquí.

A reportaxe fotográfica:

Parabéns a eses actores e actrices polo seu fantástico traballo!!!

DÍA ESCOLAR POLA PAZ E A NON VIOLENCIA.

2011-01-30T15:32:00.003+01:00

Para vivir en paz cós demais temos que estar en paz con nós mesmos.
Sé Feliz!!!

DÍA ESCOLAR DA PAZ E NON VIOLENCIA-OQO editora

2011-01-19T22:27:00.006+01:00

Co motivo da celebración, o 30 de xaneiro, do "Día Escolar da PAZ e non violencia", a editorial OQO fai unha recompilación dos libros relacionados con esta temática:

Para prelectores, da colección nanOQOs:

"Caracol e vermiño"

Das coleccións O e Q para nenas e nenos de entre 3 e 12 anos:

"A guerra dos números"

"A máscara do león"

"Valentino"

"O cabaleiro pepino"

Da colección solidaria Qontextos:

"Fume"

Todos estes libros podes atopalos na nosa biblioteca.

Atrapado na torre, espectáculo de maxia .

2011-01-17T22:09:00.005+01:00

A Xunta de Galicia e a Editorial Everest desenvolveron, o sábado 15 en Pontedeume, unha actividade enmarcada na campaña de dinamización lingüística BOCABERTA:

"Atrapado na Torre", é un espectáculo baseado na maxia que se pode desprender da lectura.
Mediante a sucesión de xogos, o mago tentou descubrirlle aos nenos e nenas a ilusión, fantasía e a maxia agochada nos libros e nos contos.

Ao remate fixeron entrega aos nenos e nenas asistentes dun exemplar do libro.

FELIZ 2011

2011-01-01T20:30:00.006+01:00

Dende o blog Pinzellades al món chéganos este fermoso calendario ilustrado de Poly Bernatene, para comezar o ano 2011.
(Para velo en tamaño completo e poder imprimir, clica sobre a imaxe)

FELIZ 2011!!!

BO NADAL!!!

2010-12-25T22:33:00.006+01:00

Preme en "view full size" e poderás velo en pantalla completa,

clica sobre a tarxeta e accederás ao interior.

O NOSO NADAL.

2010-12-24T19:10:00.005+01:00

O mércores 22, todo o alumnado do colexio participou na representación dunha obra de teatro relacionada co proxecto: "O Lugar onde vivimos".
Previamente, a profe Ánxeles tivo unha reunión cós alumnos e alumnas que temos no centro, e que proceden de catro concellos distintos : Pontedeume, Miño, Vilarmaior e Monfero, e elaborou un listado coas personaxes que os nenos e nenas consideran máis representativas na súa zona: mecánicos, perruqueiras, alcaldes, peixeiras, floristas, fontaneros... Cada alumno/a representou a unha desas personaxes nunha visita ao portal de Belén para facerlle un agasallo ao neno. Ademais un coro formado por alumnas e alumnos de diferentes cursos cantaron fermosas panxoliñas.

PARABÉNS A ESOS ACTORES E ACTRICES E Á

DIRECTORA XERAL, A PROFE ÁNXELES.

BO NADAL !!!

III BIBLIOTÓMBOLA DE NADAL.

2010-12-23T22:17:00.003+01:00

Antes de iniciar o sorteo da Bibliotómbola os/as alumnos/as do 3º ciclo leron uns versos de Ana Mª Fernández, que foron musicados por Mama Cabra, e que levan por título:
"Tan só con leres un libro"

Despois do sorteo da Bibliotómbola fixemos entrega dos diplomas aos mellores lectores deste 1º trimestre, ademais a nosa mascota RAIOTECA deixounos uns agasallos para os alumnos e alumnas que colaboran na biblioteca, e tamén un cofre cheiño de moedas de chocolate.

Aquí tedes a reportaxe fotográfica:

As Mochilas tamén viaxan no Nadal.

2010-12-21T23:22:00.000+01:00

Seguindo co proxecto "O Lugar onde vivimos" as Mochilas Viaxeiras levan no seu interior guías, planos, folletos, mapas e moita información sobre os catro concellos dos que procede o alumnado do Centro: Pontedeume, Vilarmaior, Miño e Monfero.

Nesta presentación poderase consultar o novo contido das Mochilas de Primaria, por cursos:

Nesta reportaxe fotográfica os paxes da nosa mascota Raioteca fan o sorteo das Mochilas Viaxeiras, e entregan aos titores un lote de libros (itinerarios lectores) para cada ciclo:

BOLSAS DE IDA E VOLTA

2010-12-19T22:35:00.005+01:00

Os paxes de RAIOTECA foron avisando a todos os nenos e nenas de Infantil de que a nosa mascota regresara dunha das súas viaxes polo mundo, e que deixara unha carta na Biblioteca.

Todas e todos acudiron á chamada, e cando xa estabamos reunid@s, os paxes léronnos a carta, nela contábanos as súas aventuras e os moitos libros que vira polo mundo adiante, ademais deixounos moitos agasallos metidos no seu baúl; unhas bolsas para levar o libro da biblio para á casa e un lote de libros para cada aula de Infantil. Ao remate vimos un vídeo-conto que Raioteca nos trouxo dende África: "A sorpresa de Nandi"

Moitas grazas RAIOTECA!!!

"TREASURE ISLAND"

2010-12-18T21:57:00.007+01:00

O xoves 17 de decembro, todo o alumnado de primaria asistimos a unha representación teatral en inglés, a cargo da compañia "Face to face" , que foi contratada conxuntamente polo CEIP Couceiro Freixomil e o noso colexio. O título da obra "Treasure Island".
Foi unha obra moi divertida, fixemos previamente na clase de inglés moitas actividades relacionadas: xogos, cancións, lecturas... A descarga dos materiais cós que traballamos pódese facer neste enlace:
http://www.face2facetheatre.com/node/1258711

Aquí deixamos unha pequena reportaxe:

III BIBLIOTÓMBOLA DE NADAL

2010-12-18T21:42:00.004+01:00

A actividade estrela nestas datas na Biblioteca é "A BIBLIOTÓMBOLA DE NADAL"

Este ano realizamos xa a nosa terceira convocatoria, recordamos as bases:

1.- Para participar nesta actividade, cada alumno/a terá que traer un libro adaptado
á súa idade.
2.- Que sexa un libro que xa fose lido polo alumno/a.
3.- Que o libro estea en bo estado.
4.- O libro terá que vir acompañado dunha ficha, cun comentario persoal ou un debuxo.
Esta ficha será entregada aos que queiran participar.
5.- A finalidade desta actividade é que cada alumno/a teña o seu libro como agasallo dun compañeiro/a da escola.
Os libros estarán expostos por ciclos, e a cada libro asignaráselle
un número, co que entrará no sorteo final.

10 DE DECEMBRO, DÍA DOS DEREITOS HUMANOS

2010-12-12T01:46:00.004+01:00

Un grupo de alumnas e alumnos do 3º ciclo fixeron unha presentación de cada un dos Dereitos Humanos:

Este vídeo recolle algúns dos momentos desta exposición oral:

Xuntanza do Club de lectura.

2010-12-08T19:53:00.007+01:00

Dous libros encima da mesa:
"Operación yogur" e "O misterio dos fillos de Lúa"
Dúas novas propostas para este mes de Decembro e novos membros que se incorporan ao Club de Lectura.
Eleximos o libro, colocamos a pegatina no caderno de anotacións e preparados, listos, xa...

Comeza unha nova aventura!!!

LECTURAS NO RECANTO DOS CONTOS.

2010-12-07T11:45:00.002+01:00

As alumnas e alumnos do terceiro ciclo léronnos as súas redacións sobre as nosas árbores e froita autóctona.

Plambe Ferrolterra na Biblioteca "Xoán Farias"

2010-11-28T20:31:00.006+01:00

A xuntanza de Bibliotecas da zona Ferrolterra deste mes de Novembro, realizámola nunha fermosa Biblioteca, a biblio do CEIP de Pazos: Biblioteca "Xoán Farias" e coas mellores anfitrionas: as profes Rosana, Rosa e Feli.
Pasamos unha tarde moi agradable, recollimos un montón de ideas e falamos de actividades e novos proxectos. Notábase que Chispa, a mascota da Biblioteca, andaba rondando por alí, porque senón non se explica a maxia que se respira nesa fantástica Biblioteca.
Aquí vos deixamos a reportaxe fotográfica que Loly fixo con todo luxo de detalles.

Tamén se recolle esta xuntanza nos blogues da Biblioteca do IES de Fene: "O Segrel do Penedo" , na biblioteca "Xoán Farias" e na Biblioteca do CEIP Isaac Peral.

"O PAÍS DOS MANDÓNS"

2010-11-25T21:52:00.006+01:00

No País dos Mandóns uns cantos mandan sobre o resto e non permiten que as nenas, as mamás ou as avoas, xoguen, saian ou traballen fóra das súas casas. O cambio destas normas tan inxustas para crear o novo país da igualdade conmemórase o día internacional das mulleres.
Cunha linguaxe sinxela, con imaxes con moita carga simbólica, a través da narración, explican como as mulleres e os homes teñen os mesmos dereitos. As súas autoras son Paloma Rodríguez e Cristina Justo. Un conto para reflexionar sobre a igualdade de homes e mulleres.
Integran, por agora, a colección outros dous títulos: "A urna dos desexos" -sobre a democracia participativa e a paridade- e "O segredo de Flora" -ao redor da convivencia e do rexeitamento de calquera tipo de violencia. O nome da colección é: A IGUALDADE CONTA.

Dende a biblioteca preparamos a escenificación deste conto co alumnado do terceiro ciclo, para representar nun día tan importante, o 25 de novembro, no que celebramos:
A loita contra a violencia de xénero .

Aquí tedes a reportaxe fotográfica:

E unha presentación coas ilustracións máis representativas:

O PAÍS DOS MANDÓNS

Tamén incluimos no lateral do blog, no apartado Actividades TIC do CEIP de Andrade, unha webquest que elaboramos dende a Biblioteca: "Un libro, un vídeo, unha carta" que nos servirá de reflexión sobre a situación de moitas nenas privadas do dereito á educación, que non deixa de ser un importante xeito de violencia de xénero.

DÍA INTERNACIONAL DOS DEREITOS D@ NEN@

2010-11-20T21:48:00.005+01:00

Desde que o 20 de novembro de 1959, a Asemblea Xeral das Nacións Unidas aproba a Convención sobre os Dereitos dos Nenos, institucionalizouse o día 20 de novembro como o Día Internacional dos Dereitos d@ Nen@.
Na biblioteca do CEIP Milladoiro de Malpica elaboraron unha estupenda recompilación de materiais para traballar os dereitos-humanos-dereitos da infancia. Clica nesta imaxe:

Un vídeo moi interesante elaborado no CEIP Carballal de Marín (Pontevedra). :

VISITA EUME-MOECHE

2010-11-13T21:24:00.008+01:00

A través da Asociación Euroeume concertamos un plan de visita ao Eume-Castelo de Moeche. Nesta saída o grupo de nenas e nenos de Infantil e 1º ciclo visitaron o Museo Etnográfico da Capela e a Casa do Mel de Goente.

O alumnado do 2º e 3º ciclo tamén visitou o Museo Etnográfico da Capela e dende alí comezaron un roteiro a pé que os levaría aos Muiños do Parque Etnográfico do Sesín e para rematar a xornada unha visita guiada ao Castelo de Moeche cun visionado dun curto cinematográfico no que se rememora a revolta irmandiña. Tamén nos entregaron material didáctico e de lectura coa temática do Castelo e os Irmandiños, que será de gran utilidade para o noso proxecto:

"O Lugar onde vivimos".

3ªFESTA DA FROITA AUTÓCTONA DO EUME

2010-11-07T18:54:00.004+01:00

O venres 29 celebramos no colexio a "3ªFesta da Froita Autóctona do Eume" en colaboración coa AGFA ( Asociación Galega da Froita Autóctona do Eume).
O noso proxecto "O Lugar onde vivimos" centrouse estes días no estudo das peculiaridades da nosa froita e na realización de moitas actividades relacionadas co tema da Froita Autóctona: debuxos, redacións, investigacións, elaboración de receitas, manualidades, cancións...
Na biblioteca, como en anos anteriores, tivemos unha selección de "Libros saudables" e unha procura do tesouro titulada: "Hábitos saudables".
Este é o programa do venres día 29:
10.30 No recanto dos contos:
“CONXUROS E ADIVIÑAS MONSTRUOSAS”
11.30 No recinto exterior:
“DESFILE DA SANTA CABAZA E RITUAL CELTA”
12.30 Na sala de usos múltiples:
- BENVIDA Á 3ª FESTA DA FROITA AUTÓCTONA.
- LECTURA DE REDACIÓNS E PROXECCIÓN DE DEBUXOS.
- CANTIGAS.
- ENTREGA DE PREMIOS E DIPLOMAS.

EXPOSICIÓN DE CESTAS DE FROITA DE OUTONO Á ENTRADA DO COLEXIO.
DEGUSTACIÓN DE FROITA.

Aquí tedes a reportaxe fotográfica e os debuxos de Infantil e 1º ciclo, con estes debuxos e as redacións do alumnado do 2º e 3º ciclo elaboraremos un libro para a nosa biblioteca.

CELEBRAMOS O SAMAÍN

2010-11-03T17:33:00.006+01:00

Para celebrar o Samaín 2010, dende a biblioteca, propuxemos unha actividade na que participaron dende Infantil ata 6º de Primaria e que leva por título:

"Conxuros e Adiviñas monstruosas".

As nenas e nenos de Infantil e 1º ciclo recitaron uns conxuros, e o alumnado do 2º e 3º ciclo presentaron unhas adiviñas aos máis pequenos. Estas adiviñas son unha adaptación das que aparecen no libro: "Adivinanzas monstruosas".
Aquí tedes a reportaxe:

Despois chegou o desfile e a representación do "Ritual celta":

III ENCONTROS DE BIBLIOTECAS ESCOLARES DE GALICIA.

2010-11-01T22:01:00.006+01:00

O venres 29 e o sábado 30 tiveron lugar en Santiago os terceiros encontros de Bibliotecas Escolares Galegas. Neste enlace temos toda a información sobre as intervencións e as experiencias que alí se presentaron:

ENCONTROS

BIBLIOTECAS ESCOLARES DE GALICIA.

Fermosas citas de Rodríguez de las Heras:

"El mundo existe para terminar en un bello libro"

"Estamos en un libro de arena"

"Vivimos en un mundo de sobrealimentación y sobreinformación"

"Nunca hay cambio sin desprendimiento"

3ª Festa da "FROITA AUTÓCTONA DO EUME"

2010-10-28T22:44:00.015+02:00

Seguindo co noso proxecto: "O Lugar onde vivimos", estamos aprendendo que unha das peculiaridades da nosa zona é a gran variedade de froita que temos, e por esa razón, mañá, venres 29, celebramos no colexio a 3ª Festa da "Froita Autóctona do Eume" en colaboración con AGFA do Eume (Asociación Galega da Froita Autóctona do Eume), tamén faremos actividades relacionadas co Samaín, estades todas e todos invitad@s. Premendo na foto podedes acceder ao programa:

Este ano as maceiras que plantamos no recinto escolar deron xa os seus froitos, mirade:

Facendo un pouco de historia:

A NOSA PLANTACIÓN

View more presentations or Upload your own.

Premendo neste enlace poderás acceder ás bases do concurso de froita autóctona:

BASES DO CONCURSO

DÍA DAS BIBLIOTECAS ESCOLARES.

2010-10-24T12:13:00.005+02:00

Co motivo da celebración, o 24 de outubro, do Día das Bibliotecas Escolares, a Consellería de Educación difunde un cartel co fin de lembrar as posibilidades da biblioteca escolar, e apoiar a visibilidade do traballo que o profesorado dos centros vén realizando para facer útiles estes importantes recursos educativos. Nesta ocasión é Marina Seoane a ilustradora do cartel que ten como lema:

BIBLIOTECA ESCOLAR:

"UN MUNDO DE OPORTUNIDADES".

Este vídeo que enlazamos a continuación ben pode valer para reflexionar sobre o importante papel que poden xogar as Bibliotecas Escolares:

O LUGAR ONDE VIVIMOS: "As Fragas do Eume"

2010-10-17T20:28:00.005+02:00

O proxecto que abordaremos durante este curso no noso Centro leva por título:
"O LUGAR ONDE VIVIMOS"

Un dos espazos máis importantes da nosa zona son "As Fragas do Eume". O alumnado do 3º Ciclo tivo unha visita guiada con recollida de información escrita, fotos e vídeo para a posterior realización de actividades na aula.

Dende a Biblioteca ademáis de bibliografía aportamos unha procura do tesouro.

Premendo na seguinte foto poderás acceder:

FORMACIÓN DE USUARIOS E GLOGSTER.

2010-10-14T23:03:00.006+02:00

Iniciándonos no uso dunha interesante ferramenta da web 2.0, Glogster, elaboramos unha pequena recompilación de actividades e marco teórico de "FORMACIÓN DE USUARIOS". Actividades creadas no CEIP Conde de Fenosa (Barco de Valdeorras), no CEIP A Ramallosa, en Biblioteis, un enlace a "La formación de usuarios en la Biblioteca Escolar" de Mónica Baró y Teresa Mañá e "Unha de piratas". Despois desta primeira toma de contacto co mundo dos murais dixitais estamos animad@s a empregalo nas aulas, pensamos que ten moitas posibilidades...

Se premes neste enlace podes acceder ao poster en tamaño orixinal:

FORMACIÓN DE USUARIOS

APERTURA BIBLIOTECA.

2010-10-12T00:40:00.007+02:00

O martes, 5 de outubro, comezamos as actividades do alumnado na Biblioteca con xuntanzas informativas por ciclos. Previamente tivemos unha reunión coas titoras ás que lles entregamos unha carpeta que contén:

Guía da biblioteca.
Calendario do Libro e a Lectura.
Titoriais de Recursos Meiga.
En que consiste a "Hora de Ler"?
Mochilas Viaxeiras.
Decálogo Lector.
Itinerarios Lectores.
APERTURA BIBLIOTECA
Un adianto da reportaxe fotográfica de E. Infantil, 1º Ciclo e alumn@s colaboradores:

"Como bágoas... na choiva"

2010-10-07T22:23:00.007+02:00

Preme na foto e atrévete con este orixinal crebacabezas. Sorte!!!

Outro interesante pasatempo:

"Como bágoas... na choiva"

vía ANB (blog de Antonio Alonso)

Preme neste espazo:

"El Quijote Online" en Youtube.

2010-10-02T16:08:00.007+02:00

Calquera usuario de YouTube pode subir o seu vídeo á canle e participar neste proxecto mediante a lectura dun dos 2149 fragmentos nos que foi dividido "El Quijote".
O propósito desta idea de YouTube, que conta co apoio e a colaboración da Real Academia Española (RAE) e da Asociación de Academias da Lingua Española (ASALE), é lograr unha lectura completa e global do Quixote en Internet, a cargo de lectores de todos os recunchos do planeta.
Os usuarios que desexen tomar parte na iniciativa deberán entrar na páxina
http://www.youtube.com/elquijote e facer clic no botón «participar».

"LER EN FAMILIA"

2010-09-26T21:27:00.005+02:00

Dez definicións do que é unha Familia comprometida coa Lectura, forman este decálogo que repartiremos ás familias do noso alumnado para ser comentado nas reunións de titorías do mes de Outubro. É a primeira proposta que dende a biblioteca elaboramos neste novo curso, e está baseada no "Decálogo Lectura" do mestre e bibliotecario Mariano Coronas Cabrero.

BENVIDA.

2010-09-18T13:13:00.005+02:00

Comezamos un novo curso e está sempre a ilusión de trazar novas liñas nas páxinas da nosa vida.
Dende a biblioteca "Soños de andel" desexámosvos que esas liñas, que agora son unha incognita, sexan sempre para ben.
Aquí tedes un pequeno vídeo de BENVIDA que elaboramos coas ilustracións de Luis Silva, do seu libro "O senhor das Palavras":

LENDO NO VERÁN

2010-07-30T00:08:00.003+02:00

Diferentes imaxes da lectura no verán, da ilustradora Linda Prater.

A lectura sempre nos pode acompañar alí onde imos...

Vía Pinzellades al món

FIN DE CURSO.

2010-06-30T21:36:00.007+02:00

Todas as nenas e nenos do colexio preparamos unha homenaxe para o alumnado de 6º curso que inician unha nova andadura coa súa marcha ao instituto o próximo curso. Ao remate celebramos o acto de graduación coa entrega de diplomas e a banda de graduad@s. Tamén fixemos entrega duns agasallos aos encargados e encargadas de biblioteca. Ademais repartimos os diplomas aos mellores lectores deste terceiro trimestre. Foi un acto moi, moi emotivo...

FELICES VACACIÓNS!!!

CELEBRAMOS O 25 ANIVERSARIO!!!

2010-06-27T12:15:00.001+02:00

PROGRAMA:
12.15 Actuación do MAGO MARTÍN na sala de usos múltiples.
13.00 Benvida.
13.10 Recitado de poesía: “Espinelas para el CEIP Andrade”
Presentación de fotos. No Recanto dos Contos.
13.35 Cantamos “Cumpreanos Feliz”
13.40 Actuación do grupo de música Pop: “Teenagers”
14.00 Ximnasia Rítmica: “Club Acordes.”
14.15 O “Rap de Andrade”
14.45 Xantar de convivencia.
Á entrada do colexio tivemos exposición de fotos e unha mostra da traxectoria do colexio ao longo destes 25 anos.

VÍDEO NO "RECANTO DOS CONTOS":

"A ESCOLA DOS NENOS E NENAS FELICES"

DESPEDIDA DO CLUB DE LECTURA.

2010-06-20T23:02:00.006+02:00

Esta semana celebramos a última reunión do Club de Lectura, neste curso 2009/2010. O libro escollido foi "La canción de Amina". As responsables do Club preparamos unha ambientación especial na biblioteca relacionada co lugar onde se desenvolve a novela, unha tribo marroquí. Despois dos comentarios e posta en común, vimos un documental sobre a forma de vida e os costumes destas tribos do deserto e bailamos ao son da súa música. Foi moi divertido. Rematamos cunha merenda.
Aquí tedes a reportaxe fotográfica:

O COLE CUMPRE 25 ANOS!!!

2010-06-14T20:00:00.006+02:00

Aquí tedes unha mostra dos MARCAPÁXINAS que o alumnado fixo para conmemorar estas "Bodas de Prata" do colexio.

Open publication - Free publishing - More language

Guía de lecturas verán 2010: "Festa no mar"

2010-06-10T20:25:00.004+02:00

PREME NA IMAXE

O NOSO COLE NO XORNAL.

2010-06-06T12:31:00.006+02:00

"Pegadas" é un xornal de ámbito comarcal que se corresponde coa área que comprende os concellos de Cabanas, A Capela, Monfero, Moeche, Pontedeume, As Pontes, San Sadurniño, Somozas e Vilarmaior. Pretende favorecer un mellor coñecemento da realidade destas zonas nos diferentes campos, culturais, deportivos, artesanais...
Está escrito integramente en galego e ten unha periodicidade mensual.
Neste mes de xuño na sección "Axenda Ensino"aparecen dúas reportaxes sobre actividades do noso centro:

"OS ALUMNOS DE ANDRADE VISITAN O COUREL"

"O CEIP DE ANDRADE CELEBRA OS SEUS 25 ANOS DE VIDA"

Parécenos unha labor moi importante a que se está realizando dende este xornal porque, entre outras cousas, difunden información da realidade cotidiana na que todas e todos nós somos protagonistas.

Parabéns á xente que traballa para que este proxecto sexa posible.

REMATA MAIO, "MES DAS LETRAS".

2010-05-29T20:29:00.009+02:00

Remata o mes de Maio, "MES DAS LETRAS".
Para celebralo, organizamos no colexio unha festa con: obras de teatro, recitados, cantigas, exposicións...
Aquí tedes unha mostra:

MAIS ACTIVIDADES LETRAS GALEGAS 2010.

2010-05-26T23:16:00.005+02:00

Aínda que xa fixemos moitas actividades no colexio relacionadas coa celebración das Letras Galegas e o seu homenaxeado: "Uxio Novoneyra"; o xoves e venres desta semana terá lugar unha celebración especial na que todo o alumnado fará a súa aportación. Este é o programa:

Open publication - Free publishing - More education

SEMANA DAS LETRAS GALEGAS do Olmo

2010-05-20T22:00:00.004+02:00

A xornada, desenvolveuse baixo o lema “Encontros culturais e Mostra de Traballo de Artesanía"

O mércores 19, todos os colexios de Pontedeume fomos invitados pola Unidade veciñal "OLMO" a visitar unha mostra artesanal e de xogos populares. Había cestería, cerámica de Buño, traballos de cantería, ferreiro, torneado de madeira, pirogravado, traballos de bordado, traballos en coiro e obradoiro de cociña.
Tamén elaboramos un boliño de pan que comemos con chocolate.
E recibimos un agasallo moi especial; un lote de libros en galego para a nosa biblioteca.
Parabéns aos organizadores destas actividades e moitas grazas polos agasallos.
Para ver a reportaxe da TVG preme aquí.
Estas son algunhas das portadas dos libros que recibimos para a nosa biblioteca.

VIAXE AO COUREL.

2010-05-13T23:37:00.006+02:00

O alumnado do 3º ciclo fixo unha visita guiada ao Courel. Unha monitora foilles explicando as peculiaridades da Flora e Fauna da zona. O máis emocionante foi que puideron ler os poemas de Uxío Novoneyra "in situ" onde naceron, medraron e viron a luz. Poemas adicados á paisaxe, aos arredores da súa casa, no seu banco favorito, no seu cuarto...
Tiveron a gran sorte de coincidir na casa de Uxío coa súa muller, Elba, que moi amablemente, lles amosou todas as dependencias e ademais compartíu con eles, a lectura de poemas e escribiunos unha dedicatoria, no libro "Os Eidos", que gardaremos con moito agarimo na nosa biblioteca.
Moitas grazas Elba!!!
Esperamos ansios@s a túa visita ao colexio.

VIAXE "O Courel"

View more presentations or Upload your own.

AS ESTACIÓNS DE UXIO NOVONEYRA.

2010-05-10T22:15:00.003+02:00

Todo o alumnado do colexio participou nun proxecto de traballo sobre a vida e obra de Uxio Novoneyra seguindo as estacións do ano:
E.Infantil e 1º ciclo, Inverno: "A miña infancia"
3º curso, Primavera: "A miña xuventude"
4º curso, Verán: "A miña madurez"
5º curso, Outono: "Últimos anos da miña vida"
6º curso: Situación social na Galicia de Uxio Novoneyra e caricaturizando a Uxio.
En cada estación do ano elixiron unha escolma de poemas relacionados que escribiron e ilustraron.
Aquí tedes o resultado:

Open publication - Free publishing - More school

Club de Lectura: "La Canción de Amina"

2010-05-08T18:49:00.006+02:00

"La canción de Amina" escrito por Heuck Sigrid é o próximo libro do noso club de lectura.

Amina é a filla dun poderoso xeque árabe. O que máis desexa é aprender a montar a cabalo, pero no seu pobo non está permitido que as mulleres practiquen a equitación. Un día, Amina coñece a Tarik, que lle ensina a montar e as cousas empezarán a cambiar...