Este pasado 17 de xaneiro , tivemos o privilexio de gozar da CULTURA, da NATUREZA e da ARTE, coa visita guiada a Ferrol, en concreto a unha exposición na Fundación, sobre o obxecto como elemento artístico, onde a rapazada de 3º, 4º, 5º e 6º de primaria, asistiron a un obradoiro arredor desta temática e, a unha xincana na procura de diferentes obras expostas no museo , xunto coa reflexión e análise sobre esta tendencia artística.
Por outra banda, a observación e visita guiada a un dos barrios emblemáticos de Ferrol, caracterizado polo cadro de Velázquez "As Meninas", onde a proposta artística levada a cabo por Eduardo Hermida, foi un auxe, para darlle difusión e vida a este barrio.
Resultou un día fantástico, pois como broche final, a rapazada de 3º e 4º de primaria atopou a Eduardo Hermida, o creador desta proposta dende 2008, onde reune diferentes disciplinas, para plasmar arte polas paredes e diferentes espazos do barrio.
Por certo, foi unha gran sorpresa para o alumnado, que recibíu a Eduardo cun gran entusiasmo, polo que nos agasallou coa súa visita este venres 31 de xaneiro, para sementar a súa arte polo noso colexio.
Moitas grazas, por compartir o teu tempo e a túa experiencia tanto como artista , como ser humano!
Dende a nosa radio Lorolareto, os micros estiveron abertos para facer recollida da arte, que Eduardo Hermida compartíu con toda a comunidade educativa, en especial con todo o alumnado.
Gozade desta pequena entrevista improvisada con moito cariño!
Graciñas por compartir a esencia da túa arte e o teu tempo!!!
.png)
.gif){kind=small}
.gif)
