30/11/14

25N, non á violencia de xénero.



 O martes 25 de novembro xuntámonos no recanto dos contos para falar do "Día internacional contra a violencia de xénero" , tamén asistimos á representación dunha obra teatral adaptación do conto: "Unha feliz catástrofe", de Adela Turín. O texto AQUÍ
Para rematar cantamos unha canción de Mago de Oz, titulada "Hoy toca ser feliz", cunha mensaxe de optimismo para encarar este terrible problema da violencia de xénero. 






CONCURSO: Un mar de problemas


Pasa pola Biblioteca a recoller o teu carnet de concursante.


16/11/14

RAIOTECA MERGULLADA NUN MAR DE PROBLEMAS.

Estade moi atentos porque estos días 
Raioteca vai necesitar a vosa axuda.








6/11/14

O PAÍS DOS MANDÓNS

O 5 de novembro acudimos á Casa da Cultura de Pontedeume para ver  a obra teatral "0 país dos mandóns".
 No País dos Mandóns uns cantos mandan sobre o resto e non permiten que as nenas, as mamás ou as avoas, xoguen, saian ou traballen fóra das súas casas. O cambio destas normas tan inxustas para crear o novo país da igualdade conmemórase o día internacional das mulleres. Cunha linguaxe sinxela, con imaxes con moita carga simbólica, a través da narración, explican como as mulleres e os homes teñen os mesmos dereitos. As súas autoras son Paloma Rodríguez e Cristina Justo. Un conto para reflexionar sobre a igualdade de homes e mulleres.
Integran, por agora, a colección outros dous títulos:"A urna dos desexos" -sobre a democracia participativa e a paridade- e "O segredo de Flora" -ao redor da convivencia e do rexeitamento de calquera tipo de violencia. O nome da colección é: A IGUALDADE CONTA. 








3/11/14

VII FESTA DA FROITA AUTÓCTONA DO EUME.

O venres 31, celebramos no colexio a "VII Festa da Froita Autóctona do Eume", en colaboración coa AGFA (Asociación Galega da Froita Autóctona do Eume).
Nesta ocasión, o alumnado de 6º  preparou un telexornal, para ir conectando cos distintos cursos que nos presentaron, en vivo e en directo, as súas reportaxes sobre a froita elexida:

2º Curso:               A GRANADA
5º Curso:               O KIWI
6º Curso:               A LARANXA     

Despois pasamos á entrega de premios ás mellores cestas de froitas, en homenaxe a Carlos Fornos, un importante membro da AGFA, que faleceu este ano.
Entrega de premios tamén ás cabazas: A máis orixinal, a máis terrorífica e a máis divertida.
Finalmente cantamos tod@s xunt@s : "Todo Natural" e "O rap do Magosto"
Pasámolo moi ben e aprendemos un montón sobre froitas.


Quizais tamén che interese

Related Posts with Thumbnails