23/3/14

En marzo: MULLER, POESÍA E TEATRO.

O Día Mundial do Teatro foi creado en 1961 polo Instituto Internacional do Teatro (ITI). Celébrase anualmente o 27 de marzo polos Centros ITI e a comunidade teatral internacional.
O autor da mensaxe do Día Mundial do Teatro 2014 é o dramaturgo sudafricano, deseñador, director e creador Brett Bailey
Neste mes de marzo, celebración do día da muller, da poesía e do teatro, xuntámonos no Recanto dos Contos para asistir a unha representación teatral dun conto poético e coeducativo, "Cincento", que máis se pode pedir. Aquí vos deixamos a reportaxe fotográfica.
Parabéns a estes mágníficos interpretes.

Rematamos cun poema musicado que Curros Enriquez lle adicou a unha muller galega de fama internacional, Rosalía de Castro: 
"No bico un cantar"; dentro dun proxecto de poemas musicados adicados á muller, recollido no blog de música, Cantos mirados.



22/3/14

MARZO, POESÍA. Un poema, un agasallo.

Esta é a selección de poemas que temos na Biblioteca "Soños de Andel" para agasallar a todas e todos os que nos visitedes. Recibiredes un deles e podedes entregarllo a alguén que consideredes merecedor/a dun fermoso poema, ou se preferides podedes ilustralo cun debuxo ou foto, tamén podedes continualo cuns versos da vosa invención ou calquera outra actividade. Con todos eles faremos unha exposición no taboleiro da entrada.




MARZO, POESÍA. Decálogo: "Como non ler un poema"


  

20/3/14

MARZO, POESÍA: Imos facer un poema DADAÍSTA

Neste mes de marzo estamos a facer moitas actividades relacionadas coa Poesía. Unha delas consiste en elaborar un Poema Dadaísta. En cada clase, dende Infantil de 3 anos ata 6º de Primaria, estamos construíndo un poema Dadá.  
Nuns días mostrarémosvos os resultados, seguro que serán sorprendentes.


Pasos a seguir:

Coller un xornal.
Coller unhas tesoiras.
Escoller no xornal un artigo da lonxitude que queremos darlle ao noso poema.
Recortar o artigo.
Recortar con coidado cada unha das palabras que forman o artigo e metelas nunha bolsa.
Axitala suavemente.
Agora sacar cada recorte un tras outro.
Copiar concienciudamente na orde en que saíron da bolsa.
O poema parecerase a ti.
E ti es un escritor infinitamente orixinal e dunha gran sensibilidade.


9/3/14

Historia do DÍA INTERNACIONAL DA MULLER








8 de marzo, dia da muller traballadora. Un libro coeducativo: "CINCENTO"

Había unha vez un mozo ao que todo o mundo chamaba Cincento porque sempre estaba sucio. Pero é que limpaba chemineas, cociñaba, lavaba a roupa, varría, fregaba toda a louza, cosía, pasaba o ferro, sabía de pintura, sacaba o lixo, pero, ademais, axudaba á xente...

"Cincento" pertence a unha colección de libros da Editorial Everest, titulada Había outra vez, onde os contos de sempre cambian e vólvense do revés. Podemos encontrar títulos como:
Aladino e a lámpada espantosa.
Caperucita descolorida
A fea durminte
Pinocho non era o mentireiro
A perruca de Ranpunz

A vindeira semana xuntarémonos no Recanto dos Contos para celebrar o Día da muller traballadora e asistir á representación deste conto.

2/3/14

DÍA DE ROSALÍA





Cantamos tod@s xunt@s a "Alborada"
Ao fondo, o mural, resultado do traballo colaborativo de todo o alumnado do Centro.
Aquí tedes o vídeo da actuación:






Quizais tamén che interese

Related Posts with Thumbnails